വിചാരം

ആനകുട്ടിയെ കാട്ടിലേക്ക് തിരിച്ചയക്കുക

2011-12-21T18:03:00.000-08:00

മലപ്പുറം കരുവാരകുണ്ടില്‍ നിന്ന് കിട്ടിയ ആനകുട്ടിയെ അതിന്റെ തള്ളയുടെ അടുത്തേയ്ക്ക് തിരിച്ചയക്കുക.

കേരളത്തിന്റെ തന്ത്രം

2011-12-07T03:37:00.000-08:00

ബ്ലോഗ് കൂട്ടായ്മയിൽ ഒരു നഗറ്റീവായൊരു വ്യക്തിയായി ഈ ലേഖനത്തോടെ ഞാൻ മാറുമെങ്കിലും ചില യാഥാർത്ഥ്യങ്ങളെ കണ്ടില്ലാന്ന് നടിയ്ക്കാനാവില്ല, ഇന്ത്യാ മഹാരാജ്യത്തിലെ 28 സംസ്ഥാനങ്ങളിൽ രണ്ടു സംസ്ഥാനങ്ങൾ തമ്മിലുള്ള രാഷ്ട്രീയ തന്ത്രങ്ങളിൽ നിരപരാധികളായവരുടെ ജീവനും സ്വത്തിനും നാശം വിതയ്ക്കാവുന്ന ഒരു ഇഷ്യൂവായി മുല്ലപെരിയാർ ഡാം മാറിയിരിക്കുന്നുവല്ലോ ,അവസാനം അറിഞ്ഞ വാർത്ത ഒരു മലയാളിയുടെ സ്ഥാപനം ചെന്നയിൽ ആക്രമിയ്ക്കപ്പെട്ടു എന്നതാണ്, എവിടം വരെ ചെന്നവസാനിയ്ക്കുമെന്നറിയില്ല ഈ പരസ്പരം വൈര്യത്തിന്റെ ആക്രമണങ്ങൾ, ഇവിടെ തീ കോരിയിടുന്നവർക്ക് പൊള്ളലേൽക്കുന്നില്ല.

ഇനിയൊരു വലിയ ഭൂകമ്പം ഉണ്ടായാൽ ഈ ഡാം തകരുമോ ? അവിടെ ഡാം തകരാനുമാത്രമുള്ളൊരു ഭൂകമ്പം ഉണ്ടാവാൻ സാദ്യതയുണ്ടോ ? .. ഡാം തകരില്ലാന്നാണ് എന്റെ കാഴ്ച്ചപ്പാട്, പിന്നെ എന്തിനാണ് കേരളം ഇങ്ങനെ കിടന്ന് നിലവിളിയ്ക്കുന്നത് ? അതൊരു തന്ത്രം തന്നെയാണ് , കേരളത്തിലെ ചിലരുടെ ചിന്തയിൽ നിന്നുവന്ന് അസൂയ തന്നെ കാരണം ഒരു വർഷത്തിൽ കോടികണക്കിന് രൂപ തമിഴ്നാട് ഉണ്ടാക്കുന്നതിന്റെ അസൂയ മാത്രമല്ല കേരളത്തിലൂടെ ഒഴുകി കേരളത്തിൽ തന്നെ അവസാനിയ്ക്കുന്ന ഒരു പുഴയിലെ ജലം കെട്ടി നിറുത്തുന്ന ഡാമിന്റെ നിയന്ത്രണം പോലും തമിഴ്നാടിന്റെ കയ്യിൽ നിക്ഷിപ്തമായതിലുള്ള കടുത്ത അസൂയ അല്ലാതൊന്നുമല്ല ഈ ബഹളത്തിന് കാരണം ഒരു നല്ലപിള്ളയായി ചമഞ്ഞിരിക്കുന്ന ഒരു മന്ത്രി ജനങ്ങളുടെ ഈ ദുരവസ്ഥകാരണം ഉറക്കം വരുന്നില്ലാന്ന് പറഞ്ഞ് ഈ ഡാം തകർന്നാൽ മരിയ്ക്കാൻ സാധ്യതയുള്ളവരായ പാവം ജനതയുടെ ഉറക്കം കെടുത്തി, സ്വപ്നങ്ങളിൽ ഭീതിജനകമായ അവസ്ഥ സൃഷ്ടിച്ചെടുത്ത് തന്റെ തന്നെ പ്രതിഛായ മെച്ചപ്പെടുത്തുന്നു.

സി.പി.എമായാലും കോൺഗ്രസ്സ് ആയാലും , ബിജെപി ആയാലും അവരുടെ അഖിലേന്ത്യാ നേതൃത്വത്തിന് പറയാനും പ്രവർത്തിയ്ക്കാനും ഒത്തിരി പരിമിധികളുണ്ട് , കേരളത്തിൽ മാത്രം വേരുകളുള്ള കേരളാ കോൺഗ്രസ്സുക്കാർക്ക് എന്തും പറയാം അതുപോലെയല്ല മറ്റു ദേശീയ പാർട്ടികളുടെ നിലപാടുകൾ ഇതൊന്നുമറിയാത്തത് പോലെ പ്രവർത്തിയ്ക്കുന്ന വി.എസിനെ പോലെയുള്ളവർക്ക് വിശാല ചിന്താഗതിയില്ലാന്നാ തോന്നുന്നത്, തമിഴ്നാട് നമ്മുടെ തന്നെ പോറ്റ് നാടാണ് , അവിടത്തെ മക്കൾക്ക് നന്മ വരുന്നതേ ചിന്തിയ്ക്കാവൂ പ്രവർത്തിയ്ക്കാവൂ , മുല്ല പെരിയാർ ഡാം തകരുമെന്നുണ്ടെങ്കിൽ അതിങ്ങനെയല്ല പറഞ്ഞവരെ മനസ്സിലാക്കേണ്ടത് , പ്രകോപനം ഉണ്ടാക്കിയും വെപ്രാളം സൃഷ്ടിച്ചും രണ്ടു സംസ്ഥാനങ്ങളിലെ ജനങ്ങളുടെ ജീവനും സ്വത്തിനും അപായപ്പെടുത്തും വിധം മുല്ലപെരിയാർ വിഷയം ഇപ്പോൾ വഷളാക്കിയതും വഷളാക്കികൊണ്ടിരിക്കുന്നതും കേരളത്തിലെ രാഷ്ട്രീയക്കാരും ദൃശ്യമാധ്യമങ്ങളുമാണ്, വാർത്തകൾക്ക് വേണ്ടി വാർത്തകൾ സൃഷ്ടിച്ച് മടുത്ത ചാനലുക്കാർക്ക് കൊയ്ത്ത് കാലമാണിപ്പോൾ ഇതുവഴി ഭാവിയിൽ ഉണ്ടാവുന്നത് ഒരു കലാപമാണ് തമിഴനും മലയാളികളും തമ്മിൽ തല്ലി മരിച്ച് വീഴുന്നത് കാണുമ്പോൾ ഈ അഭിനവ പുണ്യാളന്മാർ എവിടെ പോയി ഒളിക്കും ? .

35 ലക്ഷം പേർ മരിയ്ക്കുമെന്ന് അലമുറയിടുന്നവർ കേരളം എങ്ങനെ , എവിടെ സ്ഥിതിചെയ്യുന്നുവെന്ന് ഓർക്കുന്നത് നല്ലതാണ്, 2000 കിലോമീറ്റർ അപ്പുറത്ത് സുമാത്രയിൽ ഉണ്ടായ ഭൂകമ്പത്തിന്റെ പ്രതിധ്വനി കാരണം 180 ളം പേർ ഈ കൊച്ചു കേരളത്തിൽ മരിച്ചത് ഓർക്കുന്നതോടൊപ്പം 600 കിലോമീറ്റർ നീളത്തിലും 200 കിലോമീറ്റർ വീതിയിലും മാത്രമുള്ള ഒരു വള്ള് കഷണമാണ് കേരളം … കേരള തീരത്ത് നിന്ന് ഒരു 25 കിലോമീറ്റർ അപ്പുറത്ത് അറബി കടലിൽ ഒരു ഭൂകമ്പമുണ്ടായാൽ 35 ലക്ഷമല്ല മൂന്ന് കോടി ജനങ്ങളും വെള്ളത്തിനടിയിലാവുമെന്ന് മനസ്സിലാക്കുന്നത് നല്ലതാണ് ,ഈ കാരണത്താൽ അറബികടൽ കേരള തീരത്ത് നിന്ന് മാറ്റാനാവുമോ ? , പുതിയ ഡാമും അതിന്റെ നിയന്ത്രണവും അവകാശവും എല്ലാം നമ്മുക്ക് വേണം എന്നാൽ ഇങ്ങനെയല്ല അതൊക്കെ നേടിയെടുക്കേണ്ടത് , രമ്യതയുടെ പാതയിലൂടെ തമിഴ് മക്കളുടെ ഹൃദയം കവർന്ന സ്നേഹത്തോടെ , പക്ക്വമായ സംഭാഷണങ്ങളിലൂടെ ഇരുകൂട്ടർക്കും ബോധ്യമായ രീതിയിലുള്ള തീരുമാനത്തോടെ മാത്രം പരിഹരിച്ച് പുതിയ ഡാം നമ്മുക്ക് പണിയാം അതിനോടൊപ്പം പരസ്പര സഹകരണത്തോടെയുള്ള തമിഴ് മക്കളും മലയാളികളും രസകരമായി ജീവിയ്ക്കുകയും …

മാതൃഭൂമി പത്രത്തിന്റെ സാമൂഹിക ദ്രോഹം

2011-09-28T01:27:00.000-07:00

സ്വാതന്ത്ര സമര പാരമ്പര്യം അവകാശപ്പെടുന്ന മാതൃഭൂമി എന്ന പത്രത്തിന്റെ ഇന്നത്തെ അവസ്ഥ വളരെ ദയനീയമാണന്ന് പറയാതെ വയ്യ, അവർ മനസ്സിലാക്കാത്തത് മനസ്സിലാക്കി കൊടുക്കുക എന്നതാണ് ഈ പോസ്റ്റിന്റെ ഉദ്ദേശം, ആ പത്രം വിരേന്ദ്രകുമാറിന്റെ ഇംഗിതങ്ങൾക്ക് ഓശാന പാടുന്നുവെന്നത് ഒരു വലിയ സത്യമാണെങ്കിലും അതൊക്കെ രാഷ്ട്രീയ ചായ്വുകളനുസരിച്ച് മാറി മറിഞ്ഞിരിക്കാം , കേരള ജനത രാഷ്ട്രീയ പ്രബുദ്ധരായവരായതിനാൽ കൊള്ളേണ്ടവ, തള്ളേണ്ടവ എന്നൊക്കെ ഏതെന്ന് അവർക്കറിയാം എന്നാൽ ദൂരവ്യാപകമായ പ്രത്യാഘാതങ്ങൾ സൃഷ്ടിയ്ക്കുന്ന ഒരു വലിയ തെറ്റ് സ്ഥിരമായി മാതൃഭൂമി ആവർത്തിയ്ക്കുന്നു, ഒരുപക്ഷെ ആ പത്രമുതലാളിയുടെ വിശ്വാസം അവർ ചെയ്യുന്ന പാതകം ശരിയായിരിക്കാം എന്നാൽ മാതൃഭൂമി എന്നത് ഒരു വ്യക്തിയുടെ മുതലാണെങ്കിലും ആ പത്രത്തിന്റെ വിജയം അനേകം വിശ്വാസികളുടേയും അവിശ്വാസികളുടേയും കൂട്ടായ താങ്ങിന്റെ ഫലമാണന്ന് മാതൃഭൂമി പത്രത്തിന്റെ ഇന്നത്തെ മുതലാളിമാർ ഓർക്കുന്നത് നല്ലതായിരിക്കും.

ഞാൻ ആരോപിയ്ക്കുന്ന കാര്യമെന്തന്നാൽ ഒരു സാദാസ്ത്രീയെ ദൈവമായും , അവതാരമായും മറ്റുള്ളവരുടെ വിശ്വാസങ്ങളെ ഹനിയ്ക്കും വിധം പ്രമോട്ട് ചെയ്തുകൊണ്ടിരിക്കുന്നു , മാതാ അമൃതാന്ദമയി അമ്മ എന്ന സാദാ സ്ത്രീയെ കേവലം ഹിന്ദുമതത്തിലെ ന്യൂനപക്ഷങ്ങൾക്ക് വിശ്വാസമായിരിക്കാം എന്നാൽ ആ പത്രം വായിക്കുന്നവരൊക്കെ അമ്മയെ വിശ്വസിയ്ക്കുന്നവരല്ല എന്നുമാത്രമല്ല അവരുടെ തെറ്റായ പ്രചരണം വലിയൊരു സാമൂഹിക വിപത്തിന് ഇടവരുമെന്ന് കരുതുന്നവരും കൂടിയാണ് , അവരുടെ ആഴ്ച്ച പംക്തി തികച്ചും അരോചകമാണ് .

എന്റെ കൊച്ചുനാളിലെ മാതൃഭൂമി പത്രം വീട്ടിൽ വരുത്താൻ തുടങ്ങിയതാണ് ഈ മാസത്തോടെ ആ പത്രം ഞാൻ നിറുത്തുന്നു .. അണ്ണാറകണ്ണന് തന്നാലാവുന്ന വിധം എന്നത് പോലെ ……..

എന്നാലും നയന് താരെ

2011-08-09T09:31:00.000-07:00

ന്റെ റബ്ബേ എന്താണ് ഞാനീ കേക്കണത്, ഓള് കാഫീറീന്ന് പിന്നേയും കാഫറീല്ക്ക് തന്നെ പോയല്ലോ, ബല്ലാത്ത ചതിയാണ് ചെയ്തത്, ഓള്ക്ക് ഞമ്മന്റെ ദീനുല് ഇസ്ലാമീക്ക് വന്നായിരുന്നെങ്കില് പ്രഭുദേവനേക്കാള് മൊഞ്ചുള്ള മാപ്പിളനെ കെട്ടിച്ച് കൊടുക്കൂലായിരുന്നോ അതും പോരാഞ്ഞിട്ട് ആ മൈക്കിള് ജാക്സന് കൊടുത്തത് പോലെ ലക്ഷ കണക്കന് ഉറുപ്പിക കൊടുക്കൂലായിരുന്നോ .. ഇവളീ മതം മാറുമ്പോ ഈ മൌല്യാന്മാരും മതത്തിന് വേണ്ടി ഹാലിളകുന്നവരുമൊക്കെ എബടായിരിന്നു ? ഒരു മുത്തിന്റെ കഷ്ണല്ലേ ആ ഹിന്ദുക്കള്ടെ കയ്യീല് കിട്ടിയത്, എന്നാലും ന്റെ റബ്ബേ ഒറക്കത്തിലെങ്കിലും ഒന്ന് വന്ന് പറഞ്ഞൂടായിരുന്നോ ഓള് മതം മാറുന്ന വിവരം ..ഈ ചതി അല്ലാന്റെ സ്വന്തം ദീനായ ദീനുല് ഇസ്ലാമിനോട് വേണായിരുന്നോ ? ഇബടെയുള്ള ഹംക്ക് ബെടക്ക് യുക്തിവാദികളുടെ വായ അടയ്ക്കാനുള്ള ഒരവസരമല്ലേ നീയായിട്ട് ഇല്ലാണ്ടാക്കിയത് .

ഏത് സഖാവിന്റെ മണ്ടന് മക്കള്ക്കും ഡോക്ടറാവാം

2011-08-04T13:16:00.000-07:00

പാര്ട്ടി സംസ്ഥാന ഘടകത്തിന്റെ ഐതിഹാസികമായ തീരുമാനം സമൂഹത്തിന് എത്രമാത്രം ദോഷകരമെന്ന് കാലം തെളീയീക്കും, പാര്ട്ടി ഈ തീരുമാനത്തിലൂടെ രണ്ടു ദൂഷ്യ കാര്യങ്ങളെ പ്രോത്സാഹിപ്പിയ്ക്കുന്നു.
ഒന്ന് .. ഭരണത്തിലേറിയാല് ഏതൊരു സഖാവിനും എത്രവേണമെങ്കിലും അഴിമതി നടത്താം .
രണ്ടു .. ഈ അഴിമതി പണം ഉപയോഗിച്ച് എന്.ആര്. ഇ ക്വാട്ടയില് ഏതൊരു സഖാവിന്റെ മണ്ടനായ പുത്രനേയും ഡോക്ടറാക്കാം .

എന്താ എന്.ആര്.ഇ ക്വാട്ടയില് സഖാക്കളുടെ മക്കള് പഠിച്ചൂടേന്നൊരു ചോദ്യം ആരെങ്കിലും ചോദിച്ചാലുത്തരം നമ്മുക്ക് പറയേണ്ടെ ..

പാര്ട്ടിയൂടെ ചാനലിലിലെ വട്ടമേശയിലെ ഒരു കസേരയിലിരുന്നുകൊണ്ട് ഡോക്ടര് ഫസല് ഗഫൂര്ക്ക പറഞ്ഞത് മാത്രം ഇവിടെ ഞാന് പറയാം , ഒരു മെറിറ്റിനേയും എട്രന്സിനേയും ഭയക്കാത്ത ഒരു വിഭാഗമാണ് എന്.ആര്.ഇ പണം മാത്രമാണ് മാനദണ്ഡം , മെറിറ്റ് ക്വാട്ടയില് മൂന്നര മുതല് അഞ്ചു ലക്ഷം വരെ ആണെങ്കില് മാനേജ്മെന്റ് ക്വാട്ടയില് പത്തു ലക്ഷം മുതല് തലചോറിന്റെ പ്രവര്ത്തനം കുറവനനുസരിച്ച് ലക്ഷങ്ങളുടെ എണ്ണവും കൂടും , എന്നാല് എന്.ആര്.ഇ കള്ക്ക് 25 ലക്ഷം മുതല് ഒരു കോടി രൂപവരെ ആവാം, ഈ എന്.ആര്.ഇ സീറ്റിലേക്ക് വിദേശ മലയാളികളുടെ മക്കളെ ഉദ്ദേശിച്ചിട്ടാണ് നിയമം കൊണ്ടുവന്നതെങ്കിലും സ്പോസര്ഷിപ്പ് എന്നൊരു ബിനാമി സമ്പ്രദായം ഈ നിയമത്തെ ആകെ അട്ടിമറിച്ചു അതിനിപ്പോള് കമ്യൂണിസ്റ്റ് പാര്ട്ടി കുടപിടിയ്ക്കാന് കൂട്ടു നില്ക്കുകയും ചെയ്യുന്നു കഷ്ടം എന്നല്ലാതെ മറ്റെന്ത് പറയാന്.

സഖാവിന്റെ മക്കള് ഡോക്ടറാവരുത് എന്നൊന്നും ആരും പറയില്ല, ഒട്ടും പഠിയ്ക്കാതെ തലചോറ് ഒട്ടും ഉപയോഗിക്കാത്തവര് പണം കൊണ്ട് ഈ മിടുക്കരായവരെ ചവിട്ടി തേയ്ക്കുന്നതിനെ പാര്ട്ടി കൂട്ടു നില്ക്കുമ്പോള് എന്തുകൊണ്ടാണ് ആ തീരുമാനം ശരിയല്ലാന്ന് പാര്ട്ടിയിലെ തലമുതിര്ന്നവര്ക്ക് മുന്പില് ചങ്കൂറ്റത്തോടെ വിപ്ലവ വിദ്യാര്ത്ഥി സംഘനകള് പറയാത്തത് ?, എന്.ആര്.ഇ ക്വാട്ട എന്ന സമ്പ്രദായം തന്നെ തെറ്റായ തീരുമാനമായി പോയെന്ന് ഈ വൈകിയ വേളയിലെങ്കിലും മനസ്സിലാക്കി ഇതില്ലാക്കാന് വിപ്ലവ പാര്ട്ടികള് ശ്രമിയ്ക്കേണ്ടയിടത്ത് അതിന് കുട പിടിയ്ക്കുന്നത് ലജ്ജാവഹം എന്നല്ലാതെ മറ്റെന്ത് പറയാം

മരണത്തിലേക്കോ ജീവിതത്തിലേക്കോ എന്നറിയാതെ

2011-07-17T09:32:00.000-07:00

“ഹരി മരിച്ചു”
രാത്രി 11 മണി കഴിഞ്ഞിരിക്കും ജാഫറായിരുന്നു വിളിച്ചത്.
മരണം എനിക്കൊരിക്കലും ഒരു ഷോക്കായിരുന്നില്ല, ഒരു നിശ്ചലമായൊരു മാനസ്സികാവസ്ഥ ഉണ്ടായിരുന്നിരിക്കാം പക്ഷെ …..
കാലത്ത് തന്നെ ഹരിയുടെ വീട് ലക്ഷ്യം വെച്ച് നീങ്ങി
എല്ലാ ചങ്ങാതിമാരും ഉണ്ട്, സഹോദരിമാര് കരഞ്ഞുകൊണ്ടിരിക്കുന്നു, അവര്ക്ക് എന്നെന്നും പ്രിയപ്പെട്ടവനായിരുന്നു ഹരി, 39 വയസ്സായിട്ടും അവിവാഹിതനായ ഹരിയ്ക്ക് ജീവിതം അവന്റെ കുടുംബമായിരിന്നു, പെട്ടെന്ന് ദേഷ്യം വരുന്ന ഹരിയ്ക്ക് ചങ്ങാതിമാര് അനേകമുണ്ടെങ്കിലും അവരുമായൊക്കെ ഇടയ്ക്ക് വഴക്ക് കൂടുക പതിവാണെങ്കിലും ആ വഴക്കും ദേഷ്യവുമെല്ലാം കുറഞ്ഞ ആയൂസ്സ് മാത്രമേ ഉണ്ടായിരുന്നൊള്ളൂ , ഇടയ്ക്കിടെ ഹരിയെ കാണുമായിരുന്നെങ്കിലും അവന്റെ അസുഖം ചര്ച്ച ചെയ്യാന് അവനൊരിക്കലും ഇഷ്ടമായിരുന്നില്ല അതുകൊണ്ടു തന്നെ എത്രമാത്രം വിഷമകരമാണ് അവന്റെ അസുഖമെന്ന് ആര്ക്കുമറിയില്ലായിരിന്നു .
ഓപറേഷനില്ലാതെ ഇനി വളരെ കുറഞ്ഞ മാസം മാത്രം അത് കഴിഞ്ഞ് മുന്നോട്ട് പോവാനാവില്ലാന്ന് പറഞ്ഞപ്പോള് അതും 50 % 50% എന്ന് പറഞ്ഞിട്ടും ജീവിയ്ക്കാനുള്ള കൊതികൊണ്ടു തന്നെ അവനാ റിസ്ക്ക് എടുക്കാന് തയ്യാറായിരിന്നു … ചുമ്മാ കുറച്ചു കാലം കൂടി
ആഗ്രഹമെന്തന്ന് ചോദിച്ചപ്പോള് ചങ്ങാതിമാരെ കാണുക എന്നൊരു ആവശ്യം മാത്രമെ അവന് പറഞ്ഞൊള്ളൂ , അവന്റെ ചങ്ങാതി കൂട്ടം തൃശൂറിലേക്ക് അവനെ കാണാനായി, അപ്പോഴേക്കും അവനെ മയങ്ങാനുള്ള മരുത്ത് കുത്തി വെച്ചിരിന്നു എങ്കിലും അര്ദ്ധമയക്കത്തോടെ ജനലുകള്ക്കരികെ നിന്നവര് ഏവരുമായി മന്ദഹസിച്ചു ക്കൈകള് നീട്ടി യാത്ര ചോദിച്ചു മരണത്തിലേക്കൊ ജീവിതത്തിലേക്കോ എന്നറിയാതെ !!!!!!!
ആശുപത്രി വരാന്തയിലൂടെ അവന് നടന്നകലുന്നത് ചങ്ങാതിമാരുടെ മനസ്സില് ഒരു നീറുന്ന ഓര്മ്മ ബാക്കി വെച്ച് വീടിന്റെ അകത്തളത്തില് നിവര്ത്തി വെച്ച വായയിലയില് പ്രകാശം പരത്തി നിലവിളക്കരികെ സാക്ഷിയായി…
അവന് മരണത്തിലേക്ക് യാത്ര തുടങ്ങിയിട്ട് വര്ഷം ഒന്നു കഴിഞ്ഞിരിക്കുന്നു … ഞാനും അവനും വലിയൊരു ആത്മബന്ധമുണ്ടായിരുന്നോ എന്നൊന്നും എനിക്കറിയില്ലായിരിന്നു എന്നാല് കഴിഞ്ഞ 20 വര്ഷത്തിലധികമായി അവനെന്റെ ചങ്ങാതിയായിരിന്നു, അവന്റെ കീഴില് ജോലി ചെയ്തിരിന്നു ഒരുപക്ഷെ അതൊക്കെയായിരിക്കാം ഇന്നും അവനെന്റെ മനസ്സില് ഈ വാക്കുകളും വരികളും സൃഷ്ടിച്ചത് , ഹരി ഇന്ന് വെറും ഓര്മ്മയാണ് ഓര്മ്മിയ്ക്കുന്നവര് മരിക്കും വരെ പിന്നെ അവന് ഒരു മിഥ്യ മാത്രം .

കൂതറ പരിപാടി

2011-05-10T01:32:00.000-07:00

കൂതറ പരിപാടിയെന്ന് കേട്ട് ഹാഷിം വാളെടുക്കേണ്ട
ആദ്യമിത് വായിക്കുക

കൂട്ടാൻ ഒട്ടും രുചിയില്ലാതായിട്ട് കുറച്ച് മാസങ്ങളോളമായി, എനിക്ക് രുചി തോന്നിയിരുന്ന ഏതൊരു ഭക്ഷണത്തിനും വല്ലാത്തൊരു അരുചി ,അനാവശ്യത്തിനും ആവശ്യത്തിനും കയർക്കുക, ചുമ്മാ തല്ലൂടാൻ വരിക എന്നീ കലാപരിപാടികൾ , ഞാൻ അധികം മൈന്റ് ചെയ്യാത്തതിനാൽ ചായ കോപ്പയിലെ കൊടുങ്കാറ്റായി അതങ്ങ ആറി തണുക്കും പക്ഷെ ദിനവും തുടരുന്ന എന്റെ ഭാര്യയുടെ ഈ കാട്ടികൂട്ടലുകൾ എന്തെന്നറിയാൻ പണിക്കരുടെ അടുത്തെങ്ങാനും എനിക്ക് പോവാനും ആവില്ല കാരണം ഞാനൊരു യുക്തിവാദിയാണല്ലോ , അതിനുള്ള ഉത്തരം യുക്തിപരമായി തന്നെ കണ്ടെത്തണം അങ്ങനെ എന്റെ യുക്തിയിൽ ഇവളുടെ സ്വരൂപ ലക്ഷണങ്ങൾക്ക് കാരണം കണ്ടെത്താനുള്ള അന്വേഷണം എവിടേയും എത്തിയില്ല.

അങ്ങനെയിരിക്കെ ആ കൊടും ഭീകര സത്യം ഭാര്യയുടെ തിരുനാവിൻ തുഞ്ചത്ത് നിന്ന് തന്നെ ഒഴുകിയെത്തിയത് …

കഥയല്ലയിത് ജീവിതം എന്ന പരിപാടിയിലേക്ക് ഞാൻ നിങ്ങളെ വരുത്തും …. ഇതുകേട്ട് ഞാനൊന്ന് ഞെട്ടി .ഞാൻ എന്ത് തെറ്റ് ചെയ്തിട്ടാണാവോ ആ കൂതറ പരിപാടിയിലേക്ക് എന്നെ അവൾ പാമ്പിൻ കളത്തിലേക്ക് പാമ്പിനെ ഊതി വരുത്തിയ്ക്കും പോലെ വരുത്തിയ്ക്കുന്നത് ? മോഹം .. എന്റെ ഭാര്യയുടെ അതിയായ മോഹം ഈ കൂതറ പരിപാടിയിലേക്ക് അവൾക്ക് എത്തിപ്പെടണമെങ്കിൽ ഞാനുമായി അവൾ എന്തെങ്കിലും കാരണത്താൽ തെറ്റി പിരിയണം , അതിനുള്ള കലാപരിപാടികളായിരിന്നു മേൽ പറഞ്ഞ പ്രവൃത്തികൾ … രുചിയില്ലാത്ത ഭക്ഷണം ഉണ്ടാക്കിയാൽ ഏതൊരു ഭർത്താവും ചുമ്മാ ഒന്ന് പിറുപിറുക്കും , ഇതൊക്കെ കണ്ടില്ലാന്നുള്ള എന്റെ ഭാവം അവളുടെ കൂതറ പരിപാടിയിലേക്കുള്ള ആദ്യപടിയ്ക്ക് വലിയ പ്രഹരമേറ്റു , അസഹ്യമായിട്ടായിരുന്നു അവൾ തുറന്ന് പ്രഖ്യാപിച്ചത് .. നിങ്ങളെ ഞാൻ വരുത്തും .. മുഴുവൻ പറഞ്ഞു തീർത്ത ഉടനെ മനസ്സിൽ അതുവരെ കൊണ്ടു നടന്നിരുന്നതൊക്കെ ഒരു കൊടുങ്കാറ്റായി അതിശക്തമായ മഴയായി ….. അപ്പോ .. അതുശരി ഇതായിരുന്നോ നിന്റെ അസുഖം , കുറച്ച് നാളായി ഞാൻ ശ്രദ്ധിയ്ക്കുന്നു നിന്നിലെ നാഗവല്ലി മാറ്റങ്ങൾ … അപ്പോഴേ അങ്ങനെ വല്ല മോഹവും മനസ്സിലുണ്ടെങ്കിൽ അതങ്ങ മാറ്റി വെച്ചോളി അതുമാത്രമല്ല , ആ കൂതറ പരിപാടിയോ ആ ചാനലിലെ അമ്മയുടെ വിളയാട്ടമോ മറ്റോ കണ്ടു പോകരുത് , സമാധാനമായി ജീവിയ്ക്കുന്ന കുടുംബത്തിൽ കല്ലു വാറിയെറിയുന്ന ഓരോരോ പരിപാടികളുമായി വന്നോളും നാറികൾ …

നല്ല കുടുംബത്ത് പിറന്നവരോ, നല്ല വ്യക്തിത്വ ചിന്തയുള്ളവരോ ആ പരിപ്പാടി കാണുകയോ ആ പരിപാടിയിൽ പങ്കെടുക്കുകയോ ചെയ്യില്ല അത്രയ്ക്ക് മോശമായൊരു പരിപാടി ടെലിവിഷൻ ചരിത്രത്തിൽ ഉണ്ടാവില്ല…
ഇതാണ് ഹാഷിമേ കൂതറ പരിപാടി അല്ലാതെ നിന്നെയല്ല ഞാൻ പറഞ്ഞത്.

എൻഡോസൽഫാൻ ദുരിത ബാധിതരെ നാം എന്തു വിളിക്കണം ?

2011-05-03T10:48:00.000-07:00

സൌമ്യ ശ്രീ അവളുടെ അമ്മയോടൊപ്പം

പ്രസീത അവളുടെ വീടിന്റെ വരാന്തയിൽ ഞങ്ങളോട് കുശലം പറയാനായി ഇരിക്കുന്നു

അതിര് കർണ്ണാടകയിലായി പോയ പാവം നാസർ

തംസീറ … നിരന്തരം തലയാട്ടി തികച്ചും ഭയപ്പാടോടെ മാത്രം ഞങ്ങളെ നേരിട്ട ഒരു പാവം പെൺകുട്ടി

ആബിദ ഷാഹിറ സഹോദരിമാർ അവരുടെ വീടിന്റെ വരാന്തയിൽ

ഗുലാബി , അവരുടെ കൊച്ചു വീട്ടിനുള്ളിൽ , ഇതിനെ വീടെന്ന് പറയാനാവുമോ ?

ഉമ്മയും ഒരു മകളുമായി അവരുടെ അടച്ചുറപ്പില്ലാത്ത വീട്ടിൽ

ഞാൻ അവരെ യേശുവിന്റെ പ്രതിരൂപങ്ങൾ എന്ന് വിളിക്കുന്നു , (ഇവിടെ ഞാൻ നിരീശ്വരവാദിയാണതിൽ പ്രസക്തിയില്ല അനാവശ്യമായ ചോദ്യങ്ങൾ ചോദിക്കരുതെന്ന് മുൻകൂട്ടി പറയുന്നു).

ലോക ജനതയിൽ ഭൂരിഭാഗവും യേശുവിനെ വിലയിരുത്തുന്നത് .. ലോകത്തുള്ള എല്ലാവരുടേയും പാപങ്ങളെ തന്റെ രക്തത്തിലൂടെ ശുദ്ധീകരിച്ചു എന്നതാണ് ഇതൊരു കേവലം വിശ്വാസമാണ് എന്നാൽ എൻഡോസൽഫാൻ ദുരിതബാധിതർ ശരിക്കും സ്വന്തം ജീവിതം കൊണ്ട് ലോകത്ത് ഇപ്പോൾ ജീവിയ്ക്കുന്നവർക്കും ജനിയ്ക്കാൻ പോകുന്നവർക്കും വേണ്ടി സ്വന്തം ജീവിതത്തെ ത്യജിച്ചവരല്ലേ (അവരറിയുന്നില്ല എങ്കിലും) ?
അതേ … മാലാഖമാരേയും പുണ്യവാന്മാരേയുമായിരിന്നു ഞങ്ങൾ കാണാൻ പോയത് … ലോകത്തിന് വേണ്ടി സ്വന്തം ജീവിതത്തെ ദുരിതമയമാക്കപ്പെട്ട ഒരു കൂട്ടം പാവം നിസഹായവരുടെ ദുരിതപൂർണ്ണമായ ജീവിതം .. ദൃശ്യമാധ്യമങ്ങൾ നമ്മുക്ക് മുൻപിൽ ഒത്തിരി യാഥാർത്ഥ്യങ്ങൾ കാണിച്ചു തന്നിരിക്കുന്നു കണ്ടതിനേക്കാളധികം ഇനിയും കാണാനുണ്ടന്നാണ് എന്റെ കാഴ്ച്ചപ്പാട് .

ഞാൻ ഓരോ ദുരിതബധിതരെ കാണുമ്പോഴും , എന്റെ മനസ്സിൽ ഒത്തിരി ചോദ്യങ്ങൾ സ്വയം ചോദിച്ചു , ഇവർ സ്വയം കാഴ്ച്ചവസ്തുവാക്കപ്പെടുന്നുണ്ടെങ്കിലും ഇവർക്ക് ആവശ്യമുള്ളതൊന്നും ലഭിയ്ക്കുന്നില്ല എന്ന സത്യം , ഇവരുടെ പരിസരത്ത് കിട്ടുന്ന ഒരു മാങ്ങ, ചക്ക എന്നിവ പോലും ഇവർക്ക് അന്യമാണ് അതിന് പോലും ഇവർ കൈ നീട്ടേണ്ടി വരുന്നു .. കേരള ജനത ഒന്നടങ്കം ഇവരെ മുൻനിറുത്തി എല്ലാ ജനതയ്ക്കും വേണ്ടി നിരാഹാരം കിടന്നും മറ്റും ശബ്ദിയ്ക്കുമ്പോൾ , ദുരിതബാധിതരായ ഈ പാവങ്ങളുടെ ആവശ്യങ്ങളെ കുറിച്ച് ഒരു നിമിഷമെങ്കിലും ചിന്തിച്ചിരിന്നുവോ ? അങ്ങനെ ചിന്തിച്ചിരുന്നുവെങ്കിൽ അവർക്ക് നല്ല വസ്ത്രങ്ങളും മറ്റു സൌകര്യങ്ങളും എത്രയോ ലഭിയ്ക്കുമായിരിന്നു .

ഞങ്ങൾ കണ്ട ദുരിതബാധിതരിൽ ഒരാളായ ഖുലാബി ,എത്ര മനോഹരമായ നാമം എന്നിട്ടോ ? വാടി തളർന്ന പനിനീർ പുഷ്പം പോലെ നീല ടാർപാളിൻ മേൽകുരയാക്കി ഒരു തുറന്ന മുറിയ്ക്കുള്ളിൽ അടുക്കളയും കിടപ്പ് മുറിയും കീറിയ പായയിൽ കാല് നിവർത്തി ഇരിക്കുന്ന തികച്ചും ദയനീയമായ അവസ്ഥ , ഇവർക്ക് ലഭിയ്ക്കുന്ന ഓരോ രൂപയും ഏറ്റവും വലിയ ആശ്വാസമായിരിക്കും, ഒരു നല്ല കട്ടിൽ കിട്ടിയിരുന്നെങ്കിൽ ഒരു നല്ല പുതപ്പ് കിട്ടിയിരുന്നെങ്കിൽ എന്നൊക്കെ മാത്രം ആശിയ്ക്കുന്നവരാണിവരെന്ന് നാം അറിയുന്നുണ്ടോ ? അറിയണം അവർക്ക് നൽകുന്ന എന്തും അവർക്ക് ആവശ്യമുള്ളതാണ്.

ആബിദയും ഷാഹിറയും സഹോദരിമാരാണ്, ഞങ്ങൾ ചെല്ലുമ്പോൾ ഷാഹിറ ചക്ക തിന്നാൻ ശ്രമിയ്ക്കുകയായിരിന്നു എങ്ങനെ ചക്ക തിന്നണമെന്നു പോലും നിശ്ചയമില്ലാത്തൊരു അവസ്ഥ, തലചോറിന്റെ വളർച്ച ശരീര വളർച്ചയെക്കല്ലാതെ മാനസ്സികമായ വളർച്ചയ്ക്ക് തലച്ചോർ പാകമായിർന്നില്ല രണ്ടു പേരുടേയും, എല്ലാ എൻഡോസൽഫാൻ ദുരിതർക്കും ബാധിച്ചിരിക്കുന്ന പ്രശ്നം അവരുടെ ജന്മനാ തന്നെയായിരിക്കണം , ഗർഭാവസ്ഥയിൽ അമ്മ കഴിച്ചതോ , ശ്വസിച്ചതോ ആയ എൻഡോസൽഫാന്റെ വളരെ ചെറിയൊരു ഘടകമായിരിക്കണം കുഞ്ഞിന്റെ തലചോറിനെ ബാധിട്ടുണ്ടാവുക അതുകൊണ്ട് തന്നെയാണ് ഇവരൊക്കെ മന്ദബുദ്ധികളായവരും തലച്ചോർ വലുതായ അവസ്ഥയുള്ളവരായും , തലചോർ ഒട്ടും വളരാത്തവരായും തീർന്നത്, ലോകമെന്തന്ന് പോയിട്ട് തനിക്ക് ചുറ്റുമുള്ളവർ ആരൊക്കെ എന്നു പോലും തിരിച്ചറിയാനാവാത്ത അവസ്ഥ .. ഇവരെ സംരക്ഷിക്കേണ്ട ബാധ്യത നമ്മുക്കല്ലാതെ മറ്റാർക്കാണ് ?

നാസർ വയസ്സ് 21 ആയിട്ടും ഒരു വാക്ക് പോലും സംസാരിക്കാനായിട്ടില്ല , സാധാരണ കേൾവി കുറവുള്ളവരാണ് ഊമയാവുക എന്നാൽ നാസറിന് കേൾക്കാനാവും പക്ഷെ പ്രതികരിക്കാനാവില്ല കാരണം ജന്മനാ അവന്റെ തലചോർ പ്രവർത്തന രഹിതമായി മനുഷ്യന്റെ ലാഭകൊതിയാൽ , കശുമാവിൻ പൂവുകൾ കരിഞ്ഞ് പോവാതിരിക്കാനും അതുവഴി കശുമാവിന്റെ എണ്ണം കൂട്ടാനും അതിലൂടെ അനേകം പണം സമ്പാദിക്കാമെന്നുള്ള മനുഷ്യന്റെ അതിമോഹത്തിന്റെ ഇരകളായ പാവങ്ങൾക്കു പോലുമറിയില്ല ഞങ്ങൾ ഈ ഭൂമിയിൽ ജീവിയ്ക്കുന്നുണ്ടോന്ന് , നാസറിനും അവന്റെ കുടുംബത്തിനും ഒരു ദുര്യോഗം കൂടിയുണ്ട് ഈ പാവങ്ങളെ കേരള സർക്കാറിന്റെ ഒരു സഹായത്തിനും അർഹരല്ലാന്ന് മാസത്തിൽ കിട്ടുന്ന 400 രൂപയുടെ കർണാട സർക്കാറിന്റെ പെൻഷനല്ലാതെ മറ്റൊരു സഹായവും നാസറിന് ലഭിയ്ക്കില്ല കാരണം നാസറിന്റെ വീട് ഭൂമിശാസ്ത്രപരമായി കർണ്ണാടകയിലായി പോയി , നാസറിന് പ്രത്യേക പരിഗണന നൽകാനായാൽ ഒരു മനുഷ്യനോട് കാണിക്കുന്ന ഏറ്റവും വലിയ കരുണയായിരിക്കും.

സൌമ്യ ശ്രീ .. പതിനെട്ടു വയസ്സുകാരി അവൾ സംസാരിക്കും പക്ഷെ ചിന്തിയ്ക്കാനാവില്ല , നിഷ്കളങ്കമായ പുഞ്ചിരിയാണ് നമ്മെ ചിന്തിപ്പിയ്ക്കുന്നതും കരയിപ്പിയ്ക്കുന്നതും , ജന്മനാ മന്ദബുദ്ധിയായി ജനിച്ച പാവം , ഒട്ടും സൌകര്യമില്ലാത്ത വീട്ടിൽ ഒത്തിരി പരിമിധികളോടെ കഴിയുന്നവർ ..

പ്രസീത .. എട്ടുവയസ്സുക്കാരി സൌമ്യ ശ്രീയുടെ അടുത്ത വീട്ടുക്കാരി സൌമ്യ ശ്രീയുടെ പോലെ തന്നെ മന്ദബുദ്ധി … ഇവരുടെയൊക്കെ വീടുകൾക്ക് ചുമരുകലുണ്ടെങ്കിലും അത് തേയ്ക്കുകയോ തെളി വലിക്കുകയോ ചെയ്തിട്ടില്ല , വീടും വീടിനകവും ഇത്തിരി വെട്ടം ഉണ്ടായാൽ പോലും ഇവർക്ക് ഇത്തിരിയെങ്കിലും മനസ്സിന് സന്തോഷങ്ങൾ ഉണ്ടാവുമായിരിക്കാം .. ഇവരുടെ സന്തോഷങ്ങളായിരിക്കണം നമ്മുടെ സന്തോഷങ്ങൾ ചിന്തിച്ചാൽ മാത്രം പോരാ ഇവരെ സഹായിക്കാൻ ഏവരും മുന്നോട്ട് വരണം .

ഒരു ഉമ്മയും മകളും മാത്രമുള്ള ഒരു കൊച്ചു വീട് , തകര ഷീറ്റാണ് ഇപ്പോൾ തത്ക്കാലം അത് അടച്ചുറപ്പോടെ വാർപ്പിടണമെങ്കിൽ 50,000 രൂപയുടെ ആവശ്യമുണ്ട് ദുരിതം അനുഭവിയ്ക്കുന്ന ഇവർക്ക് താങ്ങായി തണലായി നമ്മൾ ഉണ്ടാവണമെന്ന് ഓർമ്മിപ്പിയ്ക്കുന്നു.

തംസീറ .. ലോകത്തെ ഭയപ്പാടോടെ മാത്രം വീക്ഷിക്കാൻ വിധിക്കപ്പെട്ട ഒരു പാവം, അതിശക്തമായി തലയാട്ടി ഭയപ്പാടോടെ തനിക്ക് ചുറ്റുമുള്ളവരെ കാണുന്ന പാവം പെൺകുട്ടി ..

പണം മാത്രമല്ല ഇവർക്ക് ഇന്നാവശ്യം , കളിപ്പാട്ടങ്ങളും പുതപ്പുകളും കട്ടിലുകളും കിടക്കകളും അങ്ങനെ നമ്മുടെ വീട്ടിൽ ആവശ്യത്തിലധിമായി തട്ടി കളിക്കുന്നതൊക്കെ ഇവരുടെ ആവശ്യങ്ങൾക്ക് അത്യാവശ്യമായവയാണ് , ബ്ലോഗേർസ് ഇവർക്കായി വിഭവസമാഹരണം നടത്തണം പണത്തിന് പുറമെയായിരിക്കണം ഇതൊക്കെ …. ഒരു ചർച്ച ആവശ്യമാണ് , ഇവരെ സദാസഹായിക്കാൻ വേണ്ടി ഒത്തിരി മനുഷ്യ സ്നേഹികൾ പ്രത്യേകിച്ച് കെ.എസ് അബ്ദുള്ള, വത്സൻ മാഷ്, വിജയൻ , റഹ്മാൻ മാഷ് തുടങ്ങിയ ഒത്തിരി ഒത്തിരി മനുഷ്യ സ്നേഹികളായ നിസ്വാർത്ഥമതികൾ നമ്മുക്ക് വഴിക്കാട്ടിയായി തുണയായി ഉണ്ട് .. നമ്മൾ സംഭരിക്കുന്ന എന്തും ഇവരുടെ കയ്യിൽ തന്നെ എത്തുമെന്ന് നമ്മുക്ക് ഉറപ്പിയ്ക്കാം .. ഞങ്ങൾ പതിനാലോളം അംഗങ്ങളുള്ള സംഘമായാണ് പോയത് അടുത്ത തവണ അത് അതിലധികം പേരോടെ നമ്മുക്ക് പോവണം വെറും കയ്യോടെ അല്ലാതെ .. പാവം മാലാഖമാർക്കും പുണ്യവാർന്മാർക്കുമായി അവരുടെ സന്തോഷത്തിനായി നമ്മുടെ കൈ നിറയെ അവർക്കാവശ്യമുള്ളതുണ്ടായിരിക്കണം ..

പ്രത്യാശയോടെ നിങ്ങളുടെ സ്വന്തം “വിചാരം“

മരിക്കാൻ എനിക്ക് മനസ്സില്ല

2011-04-26T03:16:00.000-07:00

"ആശയങ്ങൾ സ്വീകരിക്കാൻ ആർക്കും എളുപ്പമാണ് എന്നാൽ ആ ആശയങ്ങൾക്ക് ചിലപ്പോൾ ദുർബലത വന്നേക്കാം ആ സാഹചര്യത്തിൽ ദൃഢമായ മനസ്സോടെ ആ ആശയത്തെ പുൽകുന്നവനായിരിക്കും കാലാതീതൻ,ഒരിക്കൽ കൂടി അഹങ്കാരത്തോടെ പറയട്ടെ .. എനിക്ക് ഞാനാണ് വലുത് ."
ഇത് എന്റെ തന്നെ സ്വന്തം വാക്കുകൾ .

കുവൈത്തിലെ അൽ സബാ ആശുപത്രി .
ഇതൊരു മെഡിക്കൽ കോളേജ് ആശുപത്രിയാണ്, ഒരു വലിയ ഡോൿടറും ഒത്തിരി കുട്ടി ഡോൿടർമാരും ഇവിടെ കിടയ്ക്കുന്ന രോഗികളെ ഗിനി പന്നികളായി പരിഗണിക്കുന്ന ഒരിടം , ഇവിടെ ഞാനൊരു ഗിനി പന്നിയായി 22 ദിവസം ചിലവയിച്ചു .

രോഗങ്ങൾ മനുഷ്യരെ കീഴടയ്ക്കുന്നത് ഏതെങ്കിലും ദൈവത്തിന്റെ ശാപം കൊണ്ടാണോ എങ്കിൽ എനിക്കാ ദൈവത്തോട് സഹതാപമുണ്ട് കാരണം ഇത്ര വലിയ ദൈവം ശപിച്ച് നൽകിയ ഏതൊരു രോഗത്തേയും ഇച്ഛാ ശക്തികൊണ്ടും മനുഷ്യനാൽ കണ്ടെത്തിയ മരുന്നുകൾ കൊണ്ടും മാറ്റിയെടുക്കുന്നു ഇവിടെ ആരാണ് വലുത് .

ആറടി നീളവും നാലടി വീതിയുമുള്ള കട്ടിലിന്റെ നടുവിലൊരു എല്ലിൻ കൂട് കണക്കേയായിരിന്നു എന്റെ കിടപ്പ്, വലിയ ഡോൿടർമാരും കുട്ടി ഡോൿടർമാരും കൂട്ടമായും ഒറ്റയ്ക്കും വന്ന് ഒരു പരീക്ഷണ വസ്തുവെന്ന പോലെ എന്റെ ശരീരം സൂക്ഷമായി പരിശോധിയ്ക്കുന്നു .. ജീവച്ഛവം പോലെ ഞാനവർക്ക് മുൻപിൽ .

എന്താണ് രോഗമെന്ന് കണ്ടെത്താൻ എന്നെ പരിശോധിച്ചിരുന്ന ഡോൿടർക്ക് നാലുമാസമായിട്ടും കഴിയാത്തതിനാലാണ് എനിക്ക് ആശുപത്രി വാസം വിധിച്ചത് അപ്പോഴേക്കും രോഗം എന്നെ പൂർണ്ണമായും കീഴടക്കിയിരിന്നു .

ഓരോ തുമ്മലിലും മുലപ്പാലിന്റെ ചുവ എന്റെ വായിൽ വന്നു അത്രയ്ക്ക് അസഹനീയമായ വേദനയായിരിന്നു എന്റെ ശരീരത്തിന്റെ ഒരു ഭാഗത്തുണ്ടായ മുഴയിൽ നിന്ന് , വരുന്ന കുട്ടിയും വലുതുമായ ഡോൿടർമാരെല്ലാം ഞെക്കി കൊണ്ടിരിന്നതും ഈ മുഴ തന്നെ , ഒരു പരിശോധനയും കൂടാതെ വലിയ ചെറിയ ഡോൿടർമാർ വിധി എഴുതി “കാൻസർ” , ആ വിധിയിൽ ഞാൻ എന്നെ തന്നെ നോക്കി .. തികച്ചും നിസംഗനായി .. ജീവിതത്തിൽ ഒരു സിഗരറ്റോ ഒരു പുക ചുരുൾ ബീഡിയോ വലിക്കാത്ത എനിക്കും കാൻസർ , ഞാൻ കരഞ്ഞില്ല കാരണം എന്തു വന്നാലും കരയില്ലാന്നുള്ള വാശി കുഞ്ഞായിരിക്കുമ്പോൾ തന്നെ ഞാൻ സ്വയത്തമാക്കിയിരിന്നു പക്ഷെ എന്തുകൊണ്ടോ എന്റെ ചിന്തയിൽ ഇത്തിരിയെങ്കിലും സങ്കടം വന്നിരുന്നു എന്നത് സത്യമാണ് .

കാൻസർ എന്ന് വിധി എഴുതിയെങ്കിലും അതിനൊരു വ്യക്തത വരുത്താൻ എന്നെ കാൻസർ സെന്ററിലേക്ക് …. ആംബുലൻസിൽ ആദ്യമായി ഒരു രോഗിയായി … ഒരു ഫിലിപൈൻസ് നഴ്സ് സ്നേഹത്തോടെ എന്റെ കൈ പിടിച്ച് ആംബുലൻസിനകത്തേയ്ക്ക് . ശരിയ്ക്കും നടയ്ക്കാൻ എനിക്കാവില്ലായിരിന്നു , എന്റെ ഊഴം വന്നപ്പോൾ എന്നെ പരിശോധനാ റൂമിലേക്ക് ആനയിച്ചു .. ചുമ്മാ ഇരിന്നാൽ പോലും വേദനിയ്ക്കുന്ന ആ മുഴയിലേക്ക് വളരെ ആഴത്തിലെത്താവണ്ണമുള്ള സൂചി കുത്തിയിറക്കിയപ്പോൾ ഞാൻ ആനന്ദിയ്ക്കുകയായിരുന്നില്ല , മുഴയ്ക്കകത്തെ ദ്രാവകം കുത്തിയെടുത്ത് പരിശോധന ….. രണ്ടു ദിവസം കഴിഞ്ഞപ്പോൾ പരിശോധന റിസൾട്ട് വന്നു കാൻസർ അല്ല പകരം അവർ കണ്ടുപിടിച്ചത് .. ട്യൂബർകുലൂഷ്യസ് …

എന്നിൽ പിടിപ്പെട്ട രോഗം ശരീരത്തിന്റെ ഏതെല്ലാം ഭാഗത്ത് ബാധിച്ചിട്ടുണ്ടന്നറിയാനായിരിന്നു അടുത്ത ശ്രമം , അതിനായ് സി.ടി .സ്കാൻ റൂമിലേക്ക് , അവർ തന്ന വസ്ത്രം ധരിച്ച് ആ ഗുഹപോലുള്ളതിലേക്ക് കടത്തി വിടാനായി ചലിക്കുന്ന ഷീറ്റിൽ കിടത്തി , റൂമിലുള്ളവരൊക്കെ വെളിയിൽ പോയി , മൈക്കിലൂടെ എനിക്ക് നിർദ്ദേശം വന്നു കൊണ്ടിരിന്നു . ശ്വാസം അകത്തേയ്ക്ക് വലിക്കാനും പുറത്തേയ്ക്ക് തള്ളാനും, പെട്ടെന്ന് തന്നെ റിസൾട്ടും കിട്ടി , എന്റെ ശരീരത്തിന്റെ എല്ലാ ജോയിന്റിനും ഈ രോഗം ബാധിച്ചു കഴിഞ്ഞിരിന്നു അതിന് പുറമെ മൂന്ന് വാരിയെല്ലിനും, അതിലൊരു വാരിയെല്ല് ക്ഷയിച്ച് (ക്ഷയമാണല്ലോ രോഗം) അതിലെ ചലവും മറ്റുമായിരിന്നു എന്നെ വേദനപ്പെടുത്തിയ മുഴയ്ക്കുള്ളിൽ.

രോഗം സ്ഥീരീകരിച്ചപ്പോൾ മരുന്നും കുറിക്കപ്പെട്ടു ഒൻപത് മാസത്തെ തുടർച്ചയായ ട്രീറ്റ്മെന്റിലൂടെ എന്റെ രോഗത്തെ ഇല്ലാതാക്കാമെന്ന് അതിനേക്കാൾ ആവശ്യം ഉറച്ച മനസ്സായിരിന്നു.

സന്ദർശകർ എനിക്ക് കുറവായിരിന്നു കാരണം ആരുമറിഞ്ഞിരിന്നില്ലായിരിന്നു , എന്റെ ബന്ധുക്കൾ ആവശ്യത്തിലധികം കുവറ്റിലുണ്ടായിരിന്നു അതിലൊരാളായ എന്റെ അവസാനത്തെ മാമൻ എന്റെ ബഡ്ഡിനരികെ ഇരിന്നിട്ട് ഇങ്ങനെ മൊഴിഞ്ഞു

“ ഇനിയെങ്കിലും നീ നല്ല വഴിക്ക് നടയ്ക്കുക , നിനക്കീ രോഗം വരാൻ കാരണം നീ ദൈവത്തേയും മതത്തേയും തള്ളി കളഞ്ഞതൂം കൊണ്ടാണ്“

സത്യത്തിൽ എനിക്ക് ആ മാമനോട് തികച്ചും പുച്ചമായിരിന്നു , ആ രസത്തോടെ തന്നെ ഞാൻ പറഞ്ഞു “ എന്റെ ചിന്തകൊണ്ടാണ് ഈ രോഗം ഉണ്ടായതെങ്കിൽ , ഈ നിമിഷം ഞാൻ മരിച്ചാലും ഞാൻ സന്തോഷാനാണ് പക്ഷെ എന്റെ ചിന്തയേയൊ ആശയത്തെയേയോ ഉപേക്ഷിക്കാൻ ഞാൻ ഒരുക്കമല്ല.
എഴുപത്തി നാലു കിലോവിൽ നിന്ന് 48 കിലോവിലേക്കുള്ള എന്റെ പരിണാമം എന്നിൽ ഉണ്ടാക്കിയ മാനസ്സിക വ്യഥ എത്രെയെന്ന് പറഞ്ഞറീയ്ക്കാനാവില്ല ഈ രോഗം ഏതൊ ഒരു മരുഭൂമിയിലയോ കാട്ടിലേയോ നാട്ടിലേയോ ദൈവമാണ് തന്നതെങ്കിൽ എന്റെ ഇച്ഛാ ശക്തികൊണ്ടാ ഭൂതം തന്ന രോഗത്തെ ഇല്ലാതാക്കും കൂടെ മനുഷ്യൻ കണ്ടെത്തിയ മരുന്നും കഴിച്ച് …

കേവലം ഒൻപത് മാസത്തിനുള്ളിൽ ചികിത്സയും ഉറച്ച മനസ്സിനാലും എന്റെ രോഗം പൂർണ്ണമായും ഇല്ലാതായി , ആദ്യത്തെ മൂന്ന് മാസത്തിനുള്ളിൽ തന്നെ എന്റെ പഴയ തൂക്കത്തിലേക്ക് തിരികെ വന്നു … എന്റെ മാമന്റെ വാക്കുകളും അതിലുപരി മറ്റൊരു സംഭവുമാണ് എന്റെ തിരിച്ച് വരവിന് പ്രധാന കാരണം
അടുത്ത പോസ്റ്റിൽ ആ മറ്റൊരു സംഭവം …………………………….
തുടരും......,

പുലർകാലം

2011-04-23T03:10:00.000-07:00

വയസ്സ് 10

അമ്മായിയുടെ കൂടെയാണ് എന്റെ താമസം, ഇല്ലം എന്നു പറയും ഉപ്പാന്റെ വീടാണെങ്കിലും ഉപ്പ ഇവിടെയല്ല, ഇവിടെ ഉപ്പയുടെ സഹോദരിയും രണ്ടു എളീമമാരും ഉപ്പാവ (ഉപ്പയുടെ ഉപ്പ)യും, വീട്ടിന്റെ ഉമ്രത്താണ് മദ്രസ്സ അതുകൊണ്ട് തന്നെ അവിടെ പോവുക പതിവില്ല… കാലത്തെഴുന്നേറ്റാൽ കേൾക്കുന്ന നബി വചനങ്ങളും ഇസ്ലാം കാര്യങ്ങളും ഇമാൻ കാര്യങ്ങളുമാണ് , എന്നും ഈ കാര്യങ്ങൾ എന്നെ ബോറടിപ്പിച്ചതിനാലാവാം ഞാനൊരു മത ചിന്തയില്ലാത്തൊരുവനായത്.(ഉപ്പാന്റെ വീട്ടിൽ താമസിക്കുന്ന കാലം)

വയസ്സ് 16

എലി കാലിൽ കടിച്ചോന്നൊരു സംശയം , ഹോട്ടലിന്റെ മച്ചിൻപുറത്താണ് താമസം, ഒരാൾക്ക് നിൽക്കാനാവാത്ത സ്ഥലം , ഇവിടെയാണ് പണിക്കാരും മുതലാളിയും മക്കളുമെല്ലാം താമസ്സിക്കുന്നത് , സമയം 6 മണി കഴിഞ്ഞിരിക്കുന്നു
ഒരു കുപ്പിയിൽ വെള്ളവുമായി പബ്ലിക്ക് കക്കൂസിലേക്ക് സ്ഥലം ബോംബെ ആയതിനാൽ വെള്ളത്തിന് ഇത്ര ദൌർലഭ്യം ഉണ്ടാവുമെന്ന് കരുതിയിരുന്നില്ല. നാലഞ്ചാളുകളുള്ള ക്യൂ , അന്നെനിക്കറിയാത്ത ഭാഷയാണ് ഹിന്ദി എന്തല്ലാമോ ഓരോരുത്തർ പറയുന്നുണ്ട് മൂന്നോ നാലോ മിനുറ്റിനുള്ളിൽ ദേഷ്യത്തോടെ ഇറങ്ങി വരുന്നവർ . (ബോംബെ, വഡാല , കിട്വായ് നഗറിൽ താമസ്സിക്കുന്ന കാലം)

വയസ്സ് 21

സമയം പുലർച്ചേ അഞ്ചുമണി കഴിഞ്ഞിരിക്കും, അമ്പലത്തിൽ നിന്ന് തമിഴ് കീർത്തനങ്ങൾ കോളാമ്പിയിലൂടെ അത്യുച്ചത്തിൽ , ശല്യം എന്നേ എന്നും എനിക്ക് തോന്നിയിട്ടൊള്ളൂ , ഉണരുക ആ മൂഡിലായിരിക്കും , സ്ഥലം മദ്രാസിനടുത്തുള്ള വെല്ലൂർ , ഹിന്ദുക്കൾ സംസാരിക്കുന്നത് തമിഴിലും മുസ്ലിംങ്ങൾ ഉറുദുവിലും , ഭാഷകൊണ്ടും വസ്ത്രങ്ങൾ കൊണ്ടും വേർത്തിരിക്കപ്പെട്ട മനുഷ്യ മനസ്സുകൾ , ഇവരെല്ലാവരും ചായ കുടിയ്ക്കാൻ ഞാൻ ക്യാഷറായ കൊച്ചു ചായക്കടയിലാണ് വരിക.(മദ്രാസ്സിനടുത്ത് കാഡ്പാടിയിലെ വെല്ലൂരിൽ താമസ്സിക്കുന്ന കാലം)

വയസ്സ് 24

13 പേരിൽ 5 വിത്തുകൾ 5 വിത്തൌട്ടുകൾ (കോത്തായികൾ), 3 മിക്സ് … ഹോട്ടൽ മാനേജ്മെന്റ് വിദ്യാർത്ഥികൾ വാടകയ്ക്കെടുത്ത് താമസ്സിയ്ക്കുന്നൊരു വീട്ടിലെ പുലർകാല കാഴ്ച്ചയാണിത് , മൂന്ന് റൂമിൽ മൂന്ന് തരം വ്യക്തിത്വങ്ങൾ .. വിത്തൌട്ട് റൂമിലേക്കാരും എത്തി നോക്കില്ല ഞാനൊഴികെ മറ്റെല്ലാവരും കരുതുന്നത് ആ റൂമിലെ കാഴ്ച്ച കണ്ടാൽ അന്നത്തെ ദിവസം മഹാ പോക്കായിരിക്കുമെന്ന് , ഞാൻ വിത്തിലെ മെംബർ.( പാലക്കാട് കോണ്ടിനെന്റൽ ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് സ്ഥാപനത്തിൽ പ്രഡക്ഷൻ (കുക്കിംഗ്) വിഭാഗത്തിൽ പഠിയ്ക്കുന്ന കാലം)

25 വയസ്സ്

യാ ഹിമാർ ആലത്തൂൾ നായിം .. അറബിച്ചിയുടെ കരപിര ശബ്ദമാണെന്നെ ഉണർത്തുക , എന്റെ പുലർക്കാലം ഉച്ച കഴിഞ്ഞതിന് ശേഷമായിരിക്കും കാരണം കുവൈറ്റിലെ അറബി വീട്ടിലെ ദുവാനിയായിൽ വരുന്നവർക്ക് ചായയും ഗഹ്വയും കൊടുക്കുക എന്നതാണെന്റെ ജോലി ആ ജോലി കഴിയുക പുലർച്ചേ ആറുമണി കഴിഞ്ഞിരിക്കും പിന്നെയായിരിക്കും എന്റെ ഉറക്കം ആരംഭിയ്ക്കുക ഒരു അമേരിക്കൻ ജീവിതം .(കുവൈറ്റിലെ(ഫിർദൌസ്) ഒരു അറബി വീട്ടിലെ വാസകാലം)

26 വയസ്സ്

ക്യാ ഭായ് അഭിത്തക്ക് ഉഠാ നഹി ? ടൈം ബഹുത്ത് ഹോഗയാ സഹ പ്രവർത്തകന്റെ സ്നേഹ ഭാഷണത്തോടെയായിരിന്നു എന്നും ഉണരുക .. പുലർച്ചേ അഞ്ചുമണിയ്ക്ക് എഴുന്നേറ്റാലേ ഹോട്ടലിലെ കാലത്തേയ്ക്കുള്ളതുണ്ടാക്കാൻ പ്രധാന കുക്കിനെ സഹായിക്കാനൊക്കൂ .(കുവൈറ്റിലെ(സഫാത്ത്) ഒരു മലബാർ ധാബയിൽ ജോലി ചെയ്യുന്ന കാലം)

26 ൽ തന്നെ

വാ പെട്ടെന്നെഴുന്നേൽക്ക് ….. കൊയിലാണ്ടിക്കാരൻ കോയാക്കാന്റെ വിളികേട്ടായിരിക്കും ഉണരുക , നാലു മണി കഴിഞ്ഞിട്ടുണ്ടാവുകയേ ഒള്ളൂ അതി പുലർച്ചെ സബ്ജി മാർക്കറ്റിലെത്തിയാലേ പച്ചക്കറികൾ എല്ലാം കിട്ടൂ … കുവൈറ്റിലെ എല്ലാ ബക്കാലകളിലേക്കും പച്ചക്കറി എത്തിയ്ക്കണമെങ്കിൽ അതി പുലർച്ചെ എഴുന്നേൽക്കണം.(കുവൈറ്റിൽ (സഫാത്ത്)ഒരു പച്ചക്കറി സപ്ലേക്കാരന്റെ കൂടെ ജോലി ചെയ്യുന്ന കാലം)

27 വയസ്സ്

പോത്തുപോലെ കിടന്നുറങ്ങുന്ന ഹംസത്തിന്റെ കൂർക്കം വലിയാണെന്റെ അലറാം , ആറുമണിയ്ക്കാണ് സൈറ്റിലെത്തേണ്ടത് സൈറ്റിൽ എനിക്കും ഹംസത്തിനും വേണ്ടി ബണ്ടലുകൽ കണക്ക് ജിപ്സം ബോർഡും മറ്റു ഡക്കറേഷൻ അനുബന്ധ സാമഗ്രികളും ലിഫ്റ്റില്ലാത്ത നിർമ്മാണത്തിലിരിക്കുന്ന ബിൽഡിംഗിന്റെ മുകളിലെത്താൻ കാത്തിരിക്കുന്നുണ്ടാവും , ലെബനാനി വണ്ടിയുമായി അഞ്ചു മണിക്ക് തന്നെ പിക്ക് അപ്പ് പോയിന്റിലെത്തും ഇല്ലെങ്കിൽ മറ്റൊരു ചീത്ത ലബനാൻ അറബിയില്ലായിരിക്കും , ക്രിസ്ത്യാനിയായ ലബനാനി ഫോർമാന്റെ മാതൃഭാഷ അറബിയാണ്.( കുവൈറ്റിൽ(ഹവ്വല്ലി)ഒരു ഡക്കറേഷൻ കമ്പനിയിൽ ജോലി ചെയ്യുന്ന കാലം)

28 വയസ്സ്

പത്തുമണിക്കാണ് പുലർക്കാലം , പതിനൊന്ന് മണിക്ക് അണിഞ്ഞൊരുങ്ങി താഴെ സ്റ്റാർട്ടാക്കിട്ടിരിക്കുന്ന വാനിലെത്തിയാൽ മതി, ഫ്ലാറ്റിൽ 14 പേരുണ്ട് ഒരു ബാത്ത് റൂം , സമയത്തെ ഹരിച്ചും ഗുണിച്ചും ക്ലിപ്തപ്പെടുത്തി ഓരോരുത്തർക്ക് പകുത്തിയിരിക്കുന്നു അതുകൊണ്ട് തിക്കും തിരക്കുമില്ല സീനിയർമാർ നേരം വൈകിയും ജൂനിയേർസ് നേരത്തേയും എഴുന്നേൽക്കണമെന്ന് മാത്രം, സ്റ്റാർ റസ്റ്റോറന്റാണെങ്കിലും എന്റെ പോസ്റ്റ് വെയിറ്റർ/പിക്ക്മാൻ ആണെങ്കിലും നിലം തുടയ്ക്കുക എന്നത് എന്നിലേല്പിച്ച കർത്തവ്യമാണ്., അത് ചെയ്യണമെങ്കിൽ ആദ്യത്തെ വണ്ടിയിൽ ഞാൻ ഹോട്ടലിലെത്തണം.( കുവൈറ്റിൽ(റിഗ്ഗായി) ഒരു സ്റ്റാർ റസ്റ്റോറന്റിൽ ജോലി ചെയ്യുന്ന കാലം)

30 വയസ്സ്

താമസ സ്ഥലത്ത് നിന്നും ജോലി സ്ഥലത്തേക്ക് ബസ്സിലാണ് പോവേണ്ടത് , ഡ്യൂബ്ലി ചാവി ഉണ്ടാക്കുക എന്നത് വലിയ ബുദ്ധിമുട്ടുള്ള ജോലിയൊന്നുമല്ല എങ്കിലും കൃത്യ സമയത്ത് തന്നെ ഷോപ്പിലെത്തണം , നേരം വൈകിയാലും സിറിയക്കാരൻ മുതലാളി ചീത്ത പറയില്ല.(കുവൈറ്റിൽ(ഹവ്വല്ലി) ഒരു ചാവി ഉണ്ടാക്കുന്ന കടയിൽ ജോലി ചെയ്യുന്ന കാലം)

31 വയസ്സ്

താമസ്സം ജോലിസ്ഥലത്തിനടുത്താണെങ്കിലും കൃത്യം 9 മണിക്ക് ഷോപ്പിലെത്തണം കാരണം ലോകത്തിലേറ്റവും വൃത്തികെട്ട നാറിയ സ്വഭാവക്കാരായ പലസ്ഥീൻക്കാരനാണ് എന്റെ സൂപ്പർവൈസർ അഹമദ്, ക്ഷമ എന്നത് എനിക്കില്ലായിരുന്നെങ്കിൽ ഞാനിന്ന് കുവൈറ്റിലെ ജയിലനകത്ത് അഴിയെണ്ണുമായിരുന്നു , പുലർക്കാലങ്ങളെല്ലാം ഇവന്റെ നശിച്ച വക്രിച്ച മുഖമോർത്തുകൊണ്ടാണ് എഴുന്നേൽക്കാറ് , ഒരു അവിശ്വാസിയായിട്ട് പോലും എനിക്കവന്റെ മുഖം കാണുന്നത് ഇഷ്ടമല്ല (കുവൈറ്റിൽ(സാൽമിയായിൽ) ഒരു സ്പോർട്സ് കടയിലെ സെയിത്സ്മാനായി വർക്ക് ചെയ്യുന്ന കാലം).

32 വയസ്സ്

ജോലി ഇല്ലെങ്കിലും താമസം ഫ്രീയല്ല, ആയതുകൊണ്ട് തന്നെ അന്നത്തിനുള്ള വകയ്ക്കായ് വൈകുന്നേരം മീൻ മാർക്കറ്റിലെത്തി മത്സ്യം ലേലം കൊണ്ട് അത് ഹോട്ടലിൽ കൊണ്ടു പോയി കൊടുക്കണം എങ്കിലേ വല്ലതും തടയൂ … പുലർകാലം എന്നത് കണികാണാത്ത കാലം (ജോലി ഇല്ലാതെ കുവൈറ്റിലെ ഷർക്ക് മിൻ മാർക്കറ്റിൽ മീൻ വിൽപന തൊഴിലാളികളായ മലയാളി സുഹൃത്തുക്കളുമൊത്ത് താമസ്സിക്കുന്ന കാലം)

33 വയസ്സ്

താമസ്സവും ജോലിയും ഒരേ സ്ഥലത്ത് ആദ്യത്തെ ക്യാമ്പ് വാസം , മരുഭൂമിയിലെ രസകരമായ പുലർക്കാലം , അസി:കുക്കിന്റെ ജോലി ഏറെ സന്തോഷം നൽകുന്നതായിരിന്നു , എന്നും പുലർച്ചെ എഴുന്നേൽക്കുമ്പോൾ എന്തല്ലാം ഉണ്ടാക്കണമെന്ന ധാരണയോടെ ഉന്മേഷത്തോടെയായിരിന്നു ( കുവൈറ്റിലെ അഹമദി മേഖലകളിലെ ഒയിൽ റിഗ്ഗിൽ കാറ്ററിംഗ് സെക്ഷനിൽ ജോലി ചെയ്യ്തിരുന്ന കാലം).

33 വയസ്സ് മുതൽ 38 വരെ

ജീവിതത്തിലെ ഏറ്റവും സുന്ദരമായ പുലർകാലങ്ങൾ ആസ്വദിച്ച കാലം , ഇറാഖിലെ നസറിയായിലെ ,മരുഭൂമിയിലെ എല്ലാ പുലർകാലവും ഏറ്റവുമാദ്യം ആസ്വദിച്ചത് പ്രായക്കാരിൽ കുറവുള്ള ഞാനായിരിക്കും ,ഡ്യൂട്ടി കാലത്ത് ആറുമണിക്കാണെങ്കിലും എന്നും മൂന്ന് മണിക്ക് എഴുന്നേറ്റ് പുലർക്കാലങ്ങളൊക്കെ ആവോളം ആസ്വദിച്ചിട്ടുണ്ട്. യൂഫ്രട്ടീസ് നദിയിൽ നിന്ന് കനാൽ വഴി ശേഖരിച്ച വെള്ളത്തിലെ കുളി, എത്ര ചൂടുള്ള കാലാവസ്ഥയിൽ ആ നദിയിലെ വെള്ളം നല്ല തണുപ്പായിരിന്നു .(ഇറാഖിലെ (മെസപ്പെട്ടോമിയ) നാസറിയായിലെ അഞ്ചു വർഷകാല ജീവിതം) ഏറ്റവും മെച്ചപ്പെട്ട ജീവിതവും , നല്ല ജോലികളൂം (ഡോക്യുമെന്റെ കണ്ട്രോൾ സ്പെഷലിസ്റ്റ്,ഓഫ്ഫീസ് അഡ്മിനിസ്റ്റ്രേറ്റീവ്)

വയസ്സ് 39

കാലത്ത് 2 മണിക്ക് എഴുന്നേറ്റാലേ നാലു മണിക്കുള്ള ലാസ്റ്റ് ബസ്സിന് മുൻപ് ഏതെങ്കിലും ഒരു ബസ്സിൽ കയറി കുവൈറ്റിലെ ഒരറ്റത്തുള്ള വിശാലമായ മരുഭൂമിയെ വളച്ചുകെട്ടിയുണ്ടാക്കിയ “അരിഫ് ജാൻ” ക്യാമ്പിലെത്താനാവൂ .. ക്യാമ്പിനകത്തേയ്ക്ക് ഒന്നെത്തിപ്പെടണമെങ്കിൽ മൂന്ന് ചെക്കിംഗ് പോയിന്റുകളിൽ ക്ഷമയോടെ ക്യൂ നിൽക്കണം എങ്കിലേ ഏഴുമണിക്കാരംഭിയ്ക്കുന്ന ഓഫീസ്സിൽ കൃത്യ സമയത്തിന് മുൻപെത്താനാവൂ (കൃത്യത അത് നിർബ്ബന്ധമാണ് അമേരിക്കൻ കമ്പനികളിൽ) … (കുവൈറ്റിലെ അരിഫ് ജാൻ ക്യാമ്പിൽ പ്രഡക്ഷൻ കണ്ട്രോളറായി ജോലി ചെയ്ത കാലം .)

വയസ്സ് 40 … മാർച്ച് 16

മകന്റേയും മകളുടേയും ഉപ്പച്ചീന്നുള്ള മണിമൊഴികൾ കേട്ടാണ് ഞാൻ ഉണരുക ….. പ്രവാസത്തോട് വിട പറഞ്ഞ് എന്റെ നാടിന്റെ പുലർകാലങ്ങൾ കഴിഞ്ഞ ഒന്നര വർഷത്തിലധികമായി ഞാൻ ആസ്വദിക്കുന്നു , എന്നും ജിമ്മിന് പോകുന്നു.. കുട്ടികളുമായും ഭാര്യയുമായിമൊക്കെ കളിച്ചുല്ലസിച്ച് ജീവിതത്തിന്റെ ആനന്ദകരമാക്കുന്നു.
എന്റെ പുലർകാലങ്ങൾ തുടരുന്നു .

എന്റെ വോട്ട് ആർക്ക് ???

2011-04-09T01:12:00.000-07:00

ഇന്ത്യൻ പൌരന്റെ ഏറ്റവും വലിയ പവർഫുൾ ആയുധമാണവന്റെ വോട്ടവകാശം , ഈ അവകാശം യുക്തിഭദ്രമായ രീതിയിൽ ചിന്തിച്ച് ഉപയോഗിക്കുക , കേരള ജനതയുടെ 60% ത്തിലധികം ജനതയും വ്യക്തമായ രാഷ്ട്രീയ ചിന്തയുള്ളവരാണ് ബാക്കി വരുന്ന 40 % ത്തോളം പേരിൽ ഭൂരിഭാഗവും അടിസ്ഥാനപരമായ സാഹചര്യങ്ങൾക്കനുസരിച്ച് ചിന്തിയ്ക്കുന്നവരാണ്, ഇങ്ങനെയുള്ള ചിന്തകരിൽ ഭൂരിപക്ഷം പേരും ഇടതുപക്ഷം വീണ്ടും ഭരണത്തിൽ വരണമെന്ന് ആഗ്രഹിയ്ക്കുന്നു എന്തുകൊണ്ടങ്ങനെ ജനത ചിന്തിയ്ക്കുന്നു ?

---------------------------------------------------------------

പൊന്നാനി മണ്ഡലത്തിലെ ഇടതുപക്ഷ സ്ഥാനാർത്ഥി ശ്രീരാമകൃഷ്ണന് അദ്ദേഹത്തിന്റെ ചിഹ്നമായ ചുറ്റിക അരിവാൽ നക്ഷത്രത്തിന് വോട്ട് നൽകണമെന്ന് അഭ്യർത്ഥിയ്ക്കുന്നു .. എന്തിനെന്ന് ആരെങ്കിലും ചോദിച്ചാൽ പൊന്നാനിക്കാരനായ എന്റെ ഉത്തരം ഇതായിരിക്കും

കഴിഞ്ഞ 50 വർഷത്തെ വികസനം കേവലം 5 വർഷം കൊണ്ട് ഇടത്പക്ഷ സർക്കാറും ഈ മണ്ഡലത്തെ പ്രതിനീധീകരിച്ച പാലൊളി മുഹമദ് കുട്ടിയും ചെയ്തതിനാൽ … അജയ്മോഹൻ എന്ന വ്യക്തി ജയിച്ചാൽ ഇനിയൊരിക്കലും പൊന്നാനിക്ക് വികസനമെന്നത് ഉണ്ടാവില്ല എന്നത് 100% വും ഉറപ്പാണ് കാരണം . സ്വാഭാവികമായ ചിന്ത തന്നെ ഇത്രയും വികസനം ഉണ്ടാക്കിയ മുന്നണിയെ പരാജയപ്പെടുത്തിയ ജനതയാണ് പൊന്നാനിക്കാർ ഇനിയിപ്പോ ഞാൻ വികസനം ഉണ്ടാക്കിയാലും അടുത്ത തവണ എന്നെ ഈ മണ്ടന്മാർ പരാജയപ്പെടുത്തും .

വിലപ്പെട്ട വോട്ട് വിലയറിഞ്ഞ് ചെയ്യുക .. രാമകൃഷ്ണനെ വിജയിപ്പിച്ച് സ:വി.എസിന്റെ കരങ്ങൾക്ക് ശക്തി പകരുക അദ്ദേഹത്തെ കേരളത്തിന്റെ അടുത്ത മുഖ്യമന്ത്രിയായി വീണ്ടും തിരഞ്ഞെടുക്കാൻ യുക്തിപൂർവ്വം എല്ലാവരും ശ്രമിയ്ക്കുക

കേരളത്തിലെ എല്ലാ ഇടതുപക്ഷ സ്ഥാനാർത്ഥികൾക്ക് നിങ്ങളുടെ വിലയേറിയ വോട്ട് ചെയ്യണമെന്ന് അഭ്യർത്ഥിയ്ക്കുന്നു .

ഇറാഖിയുടെ ജീവൻ …. തോക്കിൻ മുൻപിലെ നിമിഷങ്ങൾ

2011-04-02T04:58:00.000-07:00

ഏതൊരു വ്യക്തി ജീവിതത്തിലും അനേകം മറക്കാനാവാത്ത മുഹൂർത്തങ്ങൾ സ്വാഭാവികമാണ് അതൊക്കെ മറ്റൊരാളോട് പറയുമ്പോൾ അവർ “പുളു” ബഡായി എന്നൊക്കെ പറഞ്ഞു തള്ളി കളയും കാരണം അങ്ങനെയുള്ള കാര്യങ്ങൾ ഒരിക്കലും സംഭവിക്കില്ലാ എന്നതാണ് ധാരണ , അങ്ങനെ തള്ളികളയാൻ സാദ്ധ്യതയുള്ളൊരു സത്യമാണ് ഞാനിവിടെ കുറിക്കുന്നത് ….
മെസപ്പെട്ടോമിയ, യൂഫ്രട്ടീസ്, ടൈഗ്രീസ് എന്നൊക്കെ ഹിസ്റ്ററി അധ്യാപകൻ പഠിപ്പിയ്ക്കുമ്പോൾ അതൊക്കെ എന്റെ ജീവിതത്തിലെ ഒരു ഭാഗമാവുമെന്ന് ഞാൻ ഒരിക്കലും ചിന്തിച്ചിരുന്നില്ല , അഞ്ചു വർഷകാലം മെസപ്പൊട്ടൊമിയായിലെ ഏറ്റവും പ്രസിദ്ധമായ നസിറീയായിലായിരിന്നു ഞാൻ , ഇവിടെയാണ് സെമിറ്റിക്ക് മതങ്ങളുടെ പിതാവായാ അബ്രഹാമിന്റെ വാസ സ്ഥലവും വീടും നില നിന്നിരുന്നത് , ഇപ്പോഴും അതവിടെയുണ്ട്.

കഥ ഇതല്ല എന്നാൽ ഈ നാട്ടുക്കാരന്റെ (ഇറാഖിയുടെ) ദയനീയമായൊരു അവസ്ഥയാണ് വിശേഷം , ഇറാഖിലെ നസറിയ ക്യാമ്പിലെ ഒരു ഭാഷാ സഹായിയായി കുറച്ചു കാലം ജോലി ചെയ്തിരിന്നു , അങ്ങനെയിരിക്കേ ഒരു ദിവസം എന്റെ ബോസ് ജയിംസ് വെയർ തിരക്ക് പിടിച്ച് വന്നന്നെ വണ്ടിയിൽ കയറ്റി ക്യാമ്പ് ഗേറ്റിനടുത്തേക്ക് ….

ഒരു ഇറാഖി തന്റെ ക്കൈകൾ മേലോട്ട് ഉയർത്തി മുട്ടുകുത്തി , അതിന് ചുറ്റും ഒന്നര മീറ്റർ അകലത്തിലായി വട്ട വളഞ്ഞ് അമേരിക്കൻ പട്ടാളക്കാരും, ഇറാഖിയുടെ മടിയിൽ ഒരു പ്ലാസ്റ്റിക്ക് ബാഗിൽ എന്തോ ഉണ്ട് …
പട്ടാള മേജർ എന്നോട് പറഞ്ഞു “ഇയാളോട് ചോദിക്കുക എങ്ങനെ ഇവിടെ എത്തിയെന്ന്, ഇയാൾ പറയുന്നു ബസ്സിലാണ് വന്നതെന്ന് ബസ്സ് എവിടെ പോയി എന്നു ചോദിച്ചപ്പോൾ ക്യാമ്പിനകത്തേക്ക് പോയി എന്നാണ് , കാര്യങ്ങൾ ചോദിച്ച് മനസ്സിലാക്കുക .ഇവരുടെ കൂട്ടത്തിലെ ഒരു പട്ടാളക്കാരന് കുറച്ച് അറബി അറിയാം അത് വെച്ച് ഇറാഖിയെ ചോദ്യം ചെയ്തിരിന്നു അതിന്റെടിസ്ഥാനത്തിലാണ് മേജർ എന്നോട് വിവരങ്ങൾ പറഞ്ഞത്.സാധാരണക്കാർക്ക് ഒരിക്കലും പ്രവേശനമില്ലാത്ത സ്ഥലത്ത് വെച്ചാണ് ഇറാഖിയെ ഇവർ പിടികൂടിയത് സാദാ ലെവലിൽ ഇറാഖിയുടെ ജഡമാവേണ്ട സമയം കഴിഞ്ഞിരിന്നു എന്നാൽ ഇയാളെങ്ങനെ വന്നുവെന്നറിയാനുള്ള ആകാംക്ഷയാണ് ഇറാഖിയുടെ ജീവൻ ഇത്രയും നീട്ടി കിട്ടിയത്

ഇറാഖിയുടെ കയ്യിൽ ബോംബൊ മറ്റോ ആണെങ്കിൽ എന്റെ കാര്യം ഗോവിന്ദ , അങ്ങനെ സംഭവിയ്ക്കുകയാണെങ്കിൽ കൂടെ ചാവാനായി പട്ടാളക്കാരും ഉണ്ടല്ലോ എന്ന സമാധാനത്തോടെ ഞാൻ ഇറാഖിയോട് ചോദിച്ചു
“നിങ്ങളെങ്ങനെയാ ഇവിടെ എത്തിയത് ?”
ഇറാഖി “ ഞാൻ അബ്ബാസിന്റെ കൂടെയാണ് വന്നത് ?
അബ്ബാസ് ആരാണ് ?
ഇറാഖി ജോലിക്കാരുടെ ഫോർമാൻ , ഇവരുടെ ഭാഷാ സഹായി കൂടിയാണ് ഇയാൾ (ക്യാമ്പിൽ 100 ളം ഇറാഖികൾ ജോലി ചെയ്യുന്നുണ്ട് അവരുടെ ഫോർമാനാണ് അബ്ബാസ്…)
അബ്ബാസ് എവിടെ പോയി ?
അബ്ബാസ് അകത്തേയ്ക്ക് പോയി ..
പാവം ഇറാഖിയുടെ ജീവൻ ഇത്രയും നേരം മുൾമുനയിൽ നിൽക്കാൻ കാരണം ഒരു അരമുറിയൻ അറബി അറിയാവുന്ന പട്ടാളക്കാരന്റെ അറിവില്ലായ്മ.
മേജറോട് ഞാൻ ചോദിച്ചു .. ഇവിടെ അബ്ബാസ് എന്നൊരു ഇറാഖിയുണ്ടോ ?
യെസ് ഉണ്ട്
അയാളുടെ കൂടെ ജോലിക്കായാണ് വന്നത് , അബ്ബാസ് ഇയാളെ ഇവിടെ നിറുത്തി ,ക്യാമ്പിനകത്തേയ്ക്ക് പോയി , അല്ലാതെ ഇയാൾ ബസ്സിലല്ല വന്നത് , അരമുറിയൻ അമേരിക്കൻ ഇറാഖിയോട് എങ്ങനെ വന്നുവെന്ന് ചോദിച്ചപ്പോൾ അബ്ബാസ് എന്നു പറഞ്ഞത് ബസ്സിലാണന്നാണ് പട്ടാളക്കാരൻ മനസ്സിലാക്കിയത് ഇതോടെ കൺഫ്യൂഷൻസും കൂടി ഒരു പാവത്തിന്റെ ജീവൻ മുൾമുനയിലുമായി.
അയാളുടെ കയ്യിലെ പൊതിയെന്താണന്ന് അഴിച്ചു പരിശോധിച്ചു, അതൊരു കറന്റ് പരിശോധനാ യന്ത്രമായിരിന്നു , ഇറാഖി അബ്ബാസ്സിന്റെ കൂടെ ഇലൿട്രിക്കൽ ജോലിക്കായാണ് വന്നത് ,അയാളുടെ പണിയായുധം പ്ലാസ്റ്റിക്ക് ബാഗിലും പിന്നെന്തെങ്കിലും വേണോ പണി പാളാൻ ..
ചോദ്യം ചെയ്യലിന് ശേഷം ഇറാഖിയെ വിട്ടയച്ചു …….

ജീവിതത്തിന്റെ വഴിത്തിരുവുകൾ ..

2011-03-31T04:32:00.000-07:00

ഒന്നും പ്ലാൻ ചെയ്തട്ടല്ലായിരുന്നു കാര്യങ്ങൾ പോയികൊണ്ടിരിന്നത്, എന്റെ , എനിക്ക് ചുറ്റുമുള്ളവരുടെ കാര്യങ്ങൾ എല്ലാം ഒരാളുടെ നിയന്ത്രണത്തിലാണന്ന് അപക്ക്വ ചിന്തയിൽ നിന്നകലെയാണ് ഞാനെന്നും എന്നാൽ എന്റെ ചിന്തയ്ക്കതീതമായതൊന്നും നടയ്ക്കുന്നില്ല എന്ന മൌഢ്യ ധാരണയൊന്നും എനിക്കില്ല , എന്നിൽ അനുഭവിയ്ക്കാത്തതും ദർശ്ശിക്കാത്തതുമായ കാര്യങ്ങളെ കുറിച്ച് ഞാൻ വറീഡല്ല , ഒരാൾ മറ്റൊരാളെ ആശ്രയിക്കാതെ നമ്മുക്കൊരിക്കലും സ്വയം ജീവിതത്തെ മുന്നോട്ട് നയിക്കാനാവില്ല എന്നതാണ് സാമൂഹിക ചുറ്റുപ്പാടുകളുടെ പൊരുൾ .

എന്റെ ഒരു കൂട്ടുക്കാരൻ അവന് അൿബർ എന്ന് പേരിടാം (യഥാർത്ഥ പേരല്ല) ഇന്നവൻ ആരൊക്കെയാണ് എന്നാൽ ഇന്നലെ അവനെന്റെ ചങ്ങാതിയായിരിന്നു (ഇന്നും അവൻ എന്റെ പ്രിയ ചങ്ങാതിമാരൊളാണ്, ) ഒത്തിരി ചങ്ങാതിമാർ എനിക്കുണ്ടായിട്ടുണ്ട് അന്നും ഇന്നും എന്നാൽ അൿബറിനെ പോലെയുള്ള ഒരു വ്യക്തിയുടെ ജീവിതം എനിക്ക് വല്ലാത്ത അത്ഭുതമാണ് .

എന്റെ സതീർത്ഥ്യനായിരുന്നു അൿബർ , എനിക്ക് ഏഴാം തരം വരെ മലയാളമോ മറ്റു ഭാഷകളോ (ഹിന്ദി,ഇംഗ്ലീഷ്) ശരിയ്ക്കും എഴുതാനാവില്ലായിരിന്നു, അൿബറായിരിന്നു എനിക്കെന്നും എഴുതി തന്നിരുന്നത് പ്രതിഫലം ഉപ്പയുടെ കടയിലെ പ്ലംസും തക്കാളിയും ,എലന്തക്കയുമൊക്കെയായിരിന്നു , അവനെന്തും ചെയ്തുകൊടുക്കുക എന്നത് എന്റെ സ്വാർത്ഥമായ ആവശ്യമായിരിന്നു .

പൊന്നാനിയിലെ ഒരു പ്രധാന കുളമാണ് , വലിയ ജുമാഅത്ത് പള്ളികുളം , വർഷകാലങ്ങളിൽ നിറഞ്ഞു കവിയുന്ന കുളത്തിൽ കുളിക്കാനും നല്ല രസമായിരിന്നു , ഞങ്ങൾ (ഞാൻ,അൿബർ, മറ്റൊരു ചങ്ങാതി) രണ്ടാൾ ആഴത്തിലുള്ള കുളത്തിൽ കളിച്ച് രസിച്ച് കൊണ്ടിരിക്കേ … നീന്തലറിയാത്ത അൿബർ നിലമില്ലാ ഭാഗത്ത് മുങ്ങി താഴുന്നു, ഞാൻ കുളക്കരയിലെ പടവിൽ പകുതി വെള്ളത്തിലിരിക്കുകയായിരിന്നു , അൿബറിന് ഒട്ടും നീന്തലറിയില്ലാന്ന് എനിക്കറിയില്ലായിരിന്നു, ആദ്യത്തെ മുങ്ങലിൽ അവൻ വിളറിയ മുഖവുമായി പൊന്തിവന്നു പെട്ടെന്ന് തന്നെ താണു , അപ്പോളെനിക്ക് കാര്യം പിടികിട്ടി വീണ്ടും കൈ മുട്ടോളം ഉയർന്നു .. കാര്യം പന്തിയല്ലാന്ന് മനസ്സിലായി പിന്നെയൊന്നും ആലോചിച്ചില്ല എന്റെ കൊച്ചു ബുദ്ധിയിൽ (ഞാനന്ന് ആറാം ക്ലാസിലാണ് പഠിച്ചിരിന്നത് വയസ്സ് 11 ) അവനെ രക്ഷിക്കാനുള്ള ഉപായവും ഉദിച്ചു , പെട്ടെന്നവന്റെ പുറകിലേക്ക് നീന്തി ചെന്നു മുങ്ങികൊണ്ടുതന്നെ അവനെ തള്ളി തള്ളി കരയിലേക്ക് … കരയിലെ ചങ്ങാതിയുടെ സഹായത്തോടെ അവനെ കരക്ക് കയറ്റി, ജീവിതത്തിലേക്ക് കൈപിടിച്ച് കയറ്റി എന്നു തന്നെ പറയാം , ഇതൊന്നും വീട്ടിൽ പറഞ്ഞിട്ടില്ലായിരിന്നു, വീട്ടുക്കാർ അറിഞ്ഞാൽ തല്ലുറപ്പായിരിന്നതിനാൽ , ഞാൻ ചെയ്തത് വലിയ സാഹസമായിരിന്നോ ? എനിക്കറിയില്ല പക്ഷെ അവന്റെ ജീവിതം അന്നുമുതൽ എന്റെ ശ്രദ്ധ പതിച്ചുകൊണ്ടിരിന്നു , ഏഴാം തരത്തിലെ പരീക്ഷ ഞങ്ങളെ രണ്ടു വഴികളാക്കി ഞാൻ പരാജയപ്പെട്ടു അവൻ വിജയിച്ച് എട്ടിലേക്ക് (മറ്റൊരു സ്ക്കൂളിലേക്ക്) സത്യത്തിൽ ആ പരീക്ഷ എന്റെ ജീവിത വിജയത്തിലേക്കുള്ള ആദ്യപടിയായി , ഒരാളുടെ സഹായമില്ലാത്തതിനാൽ ഞാൻ എന്റെ ബ്രയിൻ ഉപയോഗിച്ച് തുടങ്ങി .ഞാൻ എട്ടിലെത്തിയപ്പോൾ അവൻ ഒൻപതിലുണ്ടായിരുന്നുവെങ്കിലും ഞങ്ങടെ സൌഹൃദത്തിന് യാതൊരു ബന്ധവും ഉണ്ടായിരുന്നില്ല അവനവന്റെ വഴിക്ക് ഞാൻ എന്റെ വഴിക്ക് .

കാലം കടന്ന് പോയി , എന്റെ ജീവിത വഴിയിൽ വെച്ച് ഞാൻ എന്റെ ചങ്ങാതിയെ പറ്റി അറിഞ്ഞുകൊണ്ടിരിന്നു , ഒരിക്കൽ കേട്ടു അവനൊരു സ്വർണ്ണ കടത്ത് കേസിൽ പെട്ട് ജയിലിലാണന്ന് പിന്നെ കേട്ടു അവനോടിച്ചിരുന്ന വണ്ടിയിടിച്ച് ഒരാൾ മരിച്ചു വെന്ന് … അധ്വാനത്തിലൂടെ അവനെയൊരു ജീവിത വിജയത്തിനുടമയാക്കി , പ്രതിസന്ധിഘട്ടത്തിൽ വഴിയിൽ വെച്ചവനെ കണ്ടപ്പോൾ സ്നേഹപരിഭവമായി അവൻ പറഞ്ഞതോർക്കുന്നു .. എന്തിനാടാ എന്നെ നീ രക്ഷപ്പെടുത്തിയത് അന്ന് ഞാൻ മരിച്ചിരുന്നെങ്കിൽ ഇന്നനുഭവിയ്ക്കുന്നതൊന്നും ഇല്ലാതായാനെ …. പിന്നേയും അവന്റെ ജീവിത യാത്ര തുടർന്നു .
ഒരാളുടെ ജീവിതത്തിലും ഒരു പ്രശ്നവും ശാശ്വതമായി നിൽക്കുന്നില്ല, ജീവിതത്തിന്റെ വ്യത്യസ്ഥമായ ഘട്ടത്തിൽ തികച്ചും സമാനമായി തന്നെയാണ് ജീവിത യാത്ര തുടരുന്നത് ഒട്ടുമിക്കവരിലും.

വാൽകഷണം …
ഒന്നു മുതൽ നാലു വരെ താനി ലോകത്ത് കളിക്കാനും കൊഞ്ചാനും മാത്രമായിട്ടുള്ളവനാവുന്നു എന്നു ചിന്തിയ്ക്കാം (സ്വയം ചിന്ത എന്നത് ഭക്ഷണം കഴിക്കാനും കളിക്കാനും മാത്രമുള്ള കാലം) നാലു മുതൽ 12 വരെ വിദ്യാരംഭത്തിന്റേയും നിഷ്കളങ്ക സ്നേഹത്തിന്റേയും ആദ്യക്ഷരങ്ങളും എന്തന്ന് മനസ്സിലാക്കി അത് ജീവിതമാക്കുന്ന കാലം.12 മുതൽ 16 വരെ ലൈഗീകമായ ചിന്ത, ഇത് എന്ത് ഏത് എന്നറിയാത്ത കാലം ശരിക്കുള്ള നിയന്ത്രണങ്ങളില്ലെങ്കിൽ വഴിതെറ്റാവുന്ന കാലം, 16 മുതൽ 21 വരെ ശരിയ്ക്കും അപകടം നിറഞ്ഞ പീരിയഡ് പ്രണയവും കാമവും ,വികാരങ്ങളും വിചാരങ്ങളും എല്ലാം ഒത്തൊരുമിച്ച് ജീവിതത്തെ ആകെയൊരു ഹലാക്കിന്റെ അവലും കഞ്ഞിയാക്കുന്ന ഒരവസ്ഥവിശേഷമാക്കുന്ന കാലം 21 മുതൽ 28 വരെ സ്വയം ചിന്തിയ്ക്കുകയും ജീവിതത്തെ എങ്ങനെ മുന്നോട്ട് നയിക്കാമെന്ന് ആശങ്കയും ആകുലതകളും, നിരാശയും എല്ലാമുള്ള കാലം , ഈ കാലയളവിൽ നല്ല ആത്മവിശ്വാസവും ഉറച്ച മനസ്സും സുഹൃത്തുക്കളുടെ നിസീമമായ പിന്തുണയും സ്നേഹവും വളരെ അത്യാവശ്യമാണ് അല്ലെങ്കിൽ വ്യക്തി ജീവിതത്തിൽ എന്തും സംഭവിക്കാം., 28 മുതൽ 40 വരെ വല്ലാത്തൊരു ഒഴുക്കാണ് ജീവിതത്തിൽ നാം വിചാരിക്കാത്തയിടത്ത് എത്തുന്ന കാലയളവ് സാമ്പത്തിക ഭദ്രത, ജോലിയിലും കുടുംബ ജീവിതത്തിലും എല്ലാ കാര്യത്തിലും സംതൃപ്തി നൽകുന്ന കാലം (എല്ലാവരിലും ഈ അവസ്ഥ ഉണ്ടന്ന് ഞാൻ അവകാശപ്പെടുന്നില്ല) 40 മുതൽ ….നിർവ്വചിക്കാനാവാത്ത ചിന്തകളായിരിക്കും

സജ്ജാദ് ഹുസൈന്‍ ഒരു കവിയല്ല

2011-03-19T07:33:00.000-07:00

(ചില വർഷങ്ങൾക്ക് മുൻപ് ഞാനെഴുതിയൊരു കൊച്ചു കഥ ….. )
സിന്ദഗി കിസീ ക്കാ ഉദാര്‍ ഹൈ
ക്യാ മിലാ വൊ ഉദാര്‍സെ
ന കുച്ച്.
ആസ്മാന്‍ പര്‍ ചിടിയോ ഖില്‍ഖിലാത്തെ ഖുശി മനാത്താ ഹൈ
മുജേ...മുജേ.. വൊ ഖുശി ബി നഹി.
മേം പാഗല്‍ ഹും
ലോഗ് പുകാര്‍ത്താ ഹൈ ... യേ പാഗല്‍
ന കിസീക്കൂ മാലും വഹീ ഹൈ പാഗല്‍.
മേം ബി ഹോജായേഗാ പ്രയാര്‍ കാ ഏക്ക് നിശാന്‍
ജൈസെ ലൈല മജ്നൂം, ഷാജഹാന്‍ മുംതാസ് ഐസേ.
ലേകിന്‍ അബ് നഹി
ജബ് മേരാ ശരീര്‍ ജമീന്‍ കാ നീച്ചേ ഖഫന്‍ ഹോനേക്കെ ബാത്ത് .
സിന്ദഗി കിസീ ക്കാ ഉദാര്‍ ഹൈ
ന മിലാ കുച്ച് വൊ ഉദാര്‍സെ .

ദു:ഖ സാന്ദ്രമായ വരികള്‍ ഈണത്തില്‍ പാടി സജ്ജാദ് നിമിഷങ്ങളെ സ്വര്‍ഗ്ഗീയമാക്കി.
സജ്ജാദ് ഹുസൈന്‍ ഒരു ഹിന്ദുസ്ഥാനി ഗായകനല്ല, ഒരു കവിയുമല്ല ഏവരാലും ഒരു ഭ്രാന്തനായി അറിയപ്പെടുന്നവന്‍
പൊന്നാനി തെരുവില്‍ കുപ്പായമിടാതെ നടന്നു നീങ്ങുന്നവന്‍, പീടിക തിണ്ണയില്‍ പെട്ടികള്‍ തബലയാക്കി കഞ്ചാവിന്റെ മാസ്മരികതയില്‍ പഴയ ഗസല്‍ താളുകള്‍ അയവിറയ്ക്കുന്ന കൂട്ടങ്ങളില്‍ ഈണത്തോടെ അര്‍ത്ഥഭംഗിയോടെ പാട്ടുകള്‍ പാടുന്നവന്‍.

മുജേ ബി ഥാ ഏക്ക് മുംതാസ്
മേം നഹി ബനാ ഉസ്കേലിയേ താജ്‌മഹല്‍
ലേക്കിന്‍ വഹ് ബനാ മേരേലിയെ ഏക് പാഗല്‍ ഘാന
മേം അബി ഏക്ക് പാഗല്‍ ഹും.

പൊന്നാനിക്കാരുടെ ഇടയില്‍ അവരിലൊരാളായിരിന്നു സജ്ജാദ്.
അയല്‍‌വാസിയെ പ്രണയിച്ച സജ്ജാദ്, പ്രണായാതുരമായ കവിതകള്‍ക്ക് ഈണമിട്ടു പാടി

മേരെ യാദോംക്കി കഹി മുഹല്ലാമെ തേരി തസ്‌വീര്‍ ഹൈ.
മേരെ മന്‍ ക്കി ചാരോം തരഫ് തേരി തസ്‌വീര്‍ ഹൈ
മേരെ കമരോം കീ സാരാ ദീവാരോം പര്‍ തേരി തസ്‌വീര്‍ ഹൈ
മേം കഹി ദേഖാ ത്തോ വഹാം സബ് തേരി തസ്‌വീര്‍ ഹൈ
മേരാ മന്‍, ശരീര്‍ ദുനിയാ പൂരാ തേരി തസ്‌വീര്‍ ഹൈ.

ഇന്നവന്റെ ഇഷ്ട സ്ഥലം ശവപറമ്പാണ്, ഭാരതപുഴയിലെ മണല്‍ തിട്ടയില്‍ കുഴിച്ചിടപ്പെട്ട അപ്പുവേട്ടന്റേയും , കൃഷ്ണേട്ടന്റേയും ശവകൂനകരികെ നിലാവില്‍ ഓരിടുന്ന കുറുനരികള്‍ക്കുമിടയില്‍ യാമങ്ങളെ നിദ്രാവിഹീനങ്ങളാക്കി സദ്ദാദ് പാടി

വിളിച്ചു അവളെന്നെ അരികിലേക്ക്
ചെന്നു ഞാനവളുടെ അരികിലേക്ക്
അധരങ്ങള്‍കൊണ്ടെന്റെ അധരങ്ങളില്‍
മധുരം നല്‍കി.
രതി ലഹരിയില്‍ ഞാന്‍ എന്നെ മറന്നു
എന്നിട്ടും അവളെന്നെ ..... ഹഹ ഹഹ
പിന്നെ വരികള്‍ക്ക് പൊട്ടിചിരിയുടെ ..പിന്നെയത് ആര്‍ത്തനാദമായി .
ചിരി നിന്നു സജ്ജാദ് ദേഷ്യത്തോടെ സ്വയം ആരോടിന്നില്ലാതെ പറഞ്ഞു
അവള്‍ക്കെന്നെ അറിയില്ലത്രെ .. അവള്‍ക്കെന്നെ അറിയില്ലത്രെ .. അവള്‍ക്കെന്നെ അറിയില്ലത്രെ
ഒരു നിമിഷത്തിന്റെ ആയിരത്തൊന്നു അംശത്തിന്റെ മാറ്റത്തിനുള്ളില്‍ അവളെന്നെ അറിയാതെ പോയി .. സജ്ജാദ് ഉറക്കെ ഉറക്കെ പറഞ്ഞു .. പിന്നെയത് കരച്ചിലായി. തേങ്ങലായ് തികച്ചും നിശബ്ദമായി.

സജ്ജാദിനേയും അവളേയും കിടപ്പറയില്‍ നിന്നു പിടിക്കപ്പെട്ടപ്പോള്‍ അവള്‍ ഉണ്ണിയാര്‍ച്ചയുടെ തനി സ്വരൂപമായി
ഇവനെന്നെ കയറി പിടിച്ചു, പൊതിരെ തല്ലു കിട്ടിയ സജ്ജാദിനെ പോലീസിലേല്‍പ്പിച്ചു.
കോടതി സജ്ജാദിനെ വെറുതെ വിട്ടു. സജ്ജാദിന് മാനസ്സികരോകമെന്ന സര്‍ട്ടിഫിക്കറ്റ് നല്‍കിയതിനാല്‍.
കോടതി സജ്ജാദിനെ മോചിപ്പിച്ച ദിനം
സജ്ജാദിന്റെ വീടിനരികെയുള്ള ശവപറമ്പില്‍ കത്തിയെരിഞ്ഞമര്‍ന്ന ചിതയില്‍ അണയാതെ കിടന്ന തീ കനല്‍ കൂ‍ട്ടത്തിലേക്ക് കൈ കയറ്റി വേദനകളെ ആനന്ദമാക്കി അട്ടഹസിച്ചു.
ഇന്നും ഭാരതപുഴയുടെ ശ്മാശനപറമ്പുകളില്‍ ഒറ്റയ്ക്കിരിന്നു ഈണത്തില്‍ പാടുന്ന സജ്ജാദിനെ കാണാം.
സിന്ദഗി കിസീ ക്കാ ഉദാര്‍ ഹൈ
ക്യാ മിലാ വൊ ഉദാര്‍സെ
ന കുച്ച്
ആസ്മാന്‍ പര്‍ ചിടിയോ ഖില്‍ഖിലാത്തെ ഖുശി മനാത്താ ഹൈ
മുജേ...മുജേ.. വൊ ഖുശി ബി നഹി.
മേം പാഗല്‍ ഹും
ലോഗ് പുകാര്‍ത്താ ഹൈ ... യേ പാഗല്‍
ന കിസീക്കൂ മാലും വഹീ ഹൈ പാഗല്‍.

മാർച്ച് 16 എന്റെ 41മത്തെ ജന്മദിനം ….

2011-03-13T00:53:00.000-08:00

(എന്റെ കുടുംബം നിത്യ പ്രണയ നായികയായ കാഞ്ചന ചേച്ചിയോടൊപ്പം )

ജീവിതത്തിലെ അതിസുന്ദരവും മനോഹരവുമായ 41 വർഷങ്ങൾ …. പിന്നിട്ട് വഴിയിലേക്ക് ഒരെത്തി നോട്ടം
1970 മാർച്ച 16 തിങ്കളാഴ്ച്ച വൈകിട്ട് 7.20 ന് ….എന്റെ ജന്മം
1975-76 ജൂൺ 2 മുതൽ എന്റെ വിദ്യാഭ്യാസം ആരംഭിയ്ക്കുന്നു, പൊന്നാനി അങ്ങാടിയിലെ ടി.ഐ.യു.പി.സ്ക്കൂളിൽ, ഏഴിൽ ഒരുവട്ടം തോറ്റത് ഉൾപ്പെടെ … 8 കൊല്ലത്തെ പഠനം.
1983-84 മുതൽ 1985-86 വരെ പൊന്നാനി എം.ഐ.ഹൈസ്ക്കൂളിൽ , പത്താം ക്ലാസിൽ മനോഹരമായി തോറ്റമ്പി, 86 സപ്തംബറിൽ ഒരു ഗ്രൂപ്പ് എഴുതി അതിലും തോറ്റു…
1986 ലെ ആദ്യത്തെ ബോംബെ യാത്ര..ഒരു വിദ്യാഭ്യാസവും കൈമുതലായി ഉള്ളവന് കിട്ടാവുന്ന ഏറ്റവും മുന്തിയതും എളുപ്പത്തിലും കിട്ടുന്ന ജോലി ഹോട്ടൽ ജോലിയാണ്, എത്ര മുഷിപ്പ് നിറഞ്ഞ ജോലിയാണതെന്ന് അതെടുത്തവനറിയാം … ബോംബെയിൽ ഒരു വർഷം മുഴുവൻ എനിക്കങ്ങനത്തെ ജോലികളായിരിന്നു , 87 ൽ തിരികെ വന്നു
88 ൽ പത്താം തരം വീണ്ടും പഠിയ്ക്കാൻ ആരംഭിച്ചു… 89 ൽ ജയിച്ചു
89-90-------90-91 പ്രി-ഡിഗ്രി …. ഇതേ കാലയളവിൽ ഹിന്ദി ഡിപ്ലോമയും
പ്രിയ കൂട്ടുക്കാരന്റെ മരണം 1991 നവംബർ 18 ന് …..
1992-93 കമ്പൂട്ടർ പഠനം –
1994-95 .. ഹോട്ടൽ മാനേജ്മെന്റ് പഠനം
1995 ഇരുപത്തിയഞ്ചാമത്തെ വയസ്സിൽ കുവൈത്തിലേക്ക്
1995 മുതൽ ,,, 1996 വരെ അറബി വീട്ടിൽ ഒരടിമ തുല്യമായ ജീവിതം…… ഗദ്ദാമ
1996 മുതൽ 2003 വരെ ശരിക്കും എന്തല്ലാം ജോലികൾ,2000 ത്തിൽ ഒരു മുസ്ലിം സംഘടനയുടെ കീഴിലെ കമ്പൂട്ടർ പഠനം എന്റെ ജീവിതത്തിലെ ഒരു നായിക കല്ലായി തീർന്നു എന്നത് വലിയൊരു സത്യമാണ്… പണ്ട് ഞാൻ പഠിച്ചിരുന്നത് പഴയ ഓ.എസ് ഇട്ട് പ്രവർത്തിയ്ക്കുന്ന കമ്പൂട്ടരൊക്കെ മാറി വിൻഡോസ് ആയത് പഠിച്ചത് ഇങ്ങനെയായിരിന്നു …
ഹോട്ടലിൽ…. പാത്രം കഴുകൽ, അസി: കുക്ക്.. പച്ചക്കറി വണ്ടിയിൽ സപ്ലേ…ചാവി ഉണ്ടാക്കൽ, കൺസ്ട്ര്ക്ഷൻ കമ്പനിയിൽ ലേബർ (അതി കഠിനം), സ്റ്റാർ ഹോട്ടലിൽ വെയിറ്റർ,മീൻ വിൽക്കൽ,റിഗ്ഗിലെ (ഒയിൽ) കാറ്ററിംഗ് സെക്ഷനിൽ വെയിറ്റർ,കുക്ക്,ലോണ്ടറി മാൻ, റിഗ് ബോയ് (റിഗ്ഗിലെ ജോലിക്കാർക്ക് ഫുഡ് സപ്ലേ ചെയ്യുക) അങ്ങനെ എന്നെകൊണ്ട് പറ്റാവുന്ന ഏത് ജോലിയും .
ഈ കാലയളവിൽ കുറി ഏർപ്പാടും ഉണ്ടായിരുന്നു … ഇറാഖ് രണ്ടാം യുദ്ധത്തോടെ കുറി എട്ടു നിലയിൽ പൊട്ടി 10 ലക്ഷത്തോളം കടക്കാരനായി നാട്ടിലേക്ക് മുങ്ങി … ഇത്രയും കാല ജീവിതത്തിലെ ഏറ്റവും ദുരിത നാളുകൾ..
2003 ലെ ചില മാസങ്ങളിൽ നാട്ടിൽ നിൽക്ക കള്ളിയില്ലാതായപ്പോൾ ബാംഗ്ലൂരിലേക്കൊരു മുങ്ങൾ .. അവിടേയും കച്ചി തുരുമ്പ് കിട്ടാതായപ്പോൾ ഉള്ള വിസ വേസ്റ്റാക്കാതെ കുവൈറ്റിലേക്ക് വീണ്ടും .. മൂക്കറ്റം കടക്കാരനായി ഒരു രണ്ടാം പോക്ക്
2003 മുതൽ 2008 വരെ ഇറാഖിൽ …. ലേബറായി അരങ്ങേറ്റം ടൂൾ റൂം നോട്ടക്കാരൻ, ഇന്റർപ്രട്ടർ കാർപെന്റർ, ഡോക്യുമെന്റ് കൺട്രോൾ സ്പെഷലിസ്റ്റ്, ലോണ്ടറി അഡ്മിനിസ്ട്രേറ്റർ, ഏ.സി ഡിപ്പാർട്ട്മെന്റ് അഡ്മിനിസ്ട്രേറ്റർ… അമേരിക്കക്കാരന്റെ ദയാദാക്ഷ്യണയ്ം കൊണ്ട് വെച്ചടിവെച്ചടി കയറ്റം തന്നെയായിരുന്നു … ജീവിതത്തിലെ വസന്തമായിരുന്നു ആ 5 വർഷ കാലയളവ്. ഈ കാലയളവിലാണ് എന്റെ വിവാഹം … 2006 മാർച്ച് 16 ന് ഞാൻ നാട്ടിലെത്തി വൈകിട്ട് എനിക്ക് വേണ്ടി വീട്ടുക്കാർ കണ്ട പെണ്ണിനെ കണ്ടു , അപ്പോൾ തന്നെ ഞാൻ കല്യാണവും നിശ്ചയിച്ചു നാളെ നമ്മുടെ വിവാഹം … 2006 മാർച്ച 17 ന് എന്റെ വിവാഹം … സലീന.. 2006 ഡിസംബർ 18 ന് എനിക്കൊരു മകൾ സ്നേഹ സെലിൻ ,2009 ജൂലായ് 21 എനിക്കൊരു മകനും സിനോവ് സെലിൻ ,
2008 നാട്ടിലേക്ക് …. 2009 ൽ വീണ്ടും കുവൈറ്റിലേക്ക് … അരിഫ് ജാൻ ക്യാമ്പിൽ 8 മാസ കാലയളവോളം നല്ലൊരു ജോലി….എന്റെ ആറാമത്തെ പെങ്ങളുടെ വിവാഹം കഴിഞ്ഞതോടെ എന്റെ പ്രവാസം മതിയാക്കാൻ തീരുമാനിച്ചു …. 2009 നംവംബർ 12 ന് കുവൈറ്റിനോട് താൽകാലികമായി വിട പറഞ്ഞു (ഇവിടെ ഒരു ഗതിയും പരഗതിയും ഇല്ലാതായാൽ വീണ്ടും ഒരുപക്ഷെ കുവൈറ്റിലേക്ക് പോയേക്കാം )
ഇപ്പോൾ സിനോവ് സ്പോർട്സ് എന്നൊരു സ്പോർട്സ് കടയുമായി പൊന്നാനിയിൽ രസായിട്ട് ജീവിയ്ക്കുന്നു …. ചിന്തയും പ്രവർത്തികളുമായി…
ഞാൻ നേടിയത്
പണം … അതെന്നെ ഇതുവരെ സ്വാധീനിച്ചിട്ടില്ല ഇനിയൊട്ടും സ്വാധീനിക്കാനും കഴിയില്ല അതിലുപരി എനിക്ക് ലഭിച്ചത് … ഒത്തിരി നല്ല ജീവിതാനുഭവം, ഭാഷ എട്ടോളം ഭാഷകൾ കൈകാര്യം ചെയ്യാനാവും എന്നൊരു ആത്മവിശ്വാസം അനേകം രാജ്യക്കാരുമായി സ്നേഹ സംവാദം… ഇറാഖിലായിരിക്കുമ്പോൾ ലോകത്തിലെ ഒത്തിരി പട്ടാളക്കാരെ ഒരുമിച്ച് ഒരേ സമയം അവരുമൊത്ത് ഭക്ഷണം കഴിക്കാനുള്ള അവസരം ലഭിച്ചത് തന്നെ ഒരു ജീവിത നേട്ടമായി കാണുന്നു… അനേകം … നല്ല ചങ്ങാതിമാർ കിട്ടിയതാണ് .. എന്റെ ഏറ്റവും വലിയ നേട്ടങ്ങളിലൊന്ന്..പിന്നെ ഇലക്ട്രോണിക്സ് മാധ്യമം എന്നിൽ നിന്നകലെയല്ലാ … എട്ടു വർഷമായി ബൂലോകത്തും നെറ്റിലും

പാതിവഴിൽ നിന്ന എന്റെ കുറിപ്പുകൾ /എന്റെയൊരു ചിത്രം

2011-02-24T02:43:00.000-08:00

എനിക്ക് 41 വയസ്സിന് ഇനി കേവലം ദിവസങ്ങൾ മാത്രം , എന്റെ 40 വർഷത്തെ ജീവിതാനുഭവം – 10 വർഷത്തെ കുവൈറ്റ് വാസം, 5 വർഷത്തെ കലുഷിതമായ ഇറാക്ക് വാസം ഇതിനെല്ലാം പുറമെ ഇന്ത്യയിലെ തന്നെ പ്രധാന പട്ടണങ്ങളിലെ ചെറിയ കാലയളവിലെ വാസങ്ങൾ അതിനും പുറമെ എന്റെ നാട്ടിലെ തന്നെ എന്റെ കൊച്ചനുഭവങ്ങൾ ..
എങ്ങനെ ഞാനൊരു യുക്തിവാദിയായി എന്ന് പല ചങ്ങാതിമാരും എന്നോട് ചോദിക്കാറുണ്ട്, ആ ചോദ്യത്തിനുള്ള കാരണം പൊന്നാനിയെ പോലുള്ളൊരു സ്ഥലം എന്നാൽ കേരളത്തിൽ മുസ്ലിംങ്ങൾ തിങ്ങി പാർക്കുന്ന ഒരിടം മാത്രമല്ല ഇസ്ലാമത സമുദായത്തിൽ ജനിച്ചു വളർന്നൊരു വ്യക്തിക്ക് ആ ചുറ്റുപ്പാടിൽ നിന്ന് അത്രപെട്ടെന്ന് പുറത്ത് പോവുക അസാധ്യമാണ് അത്രയ്ക്ക് അവരുടെ ചിന്തകളെ കൊച്ചുനാളിലേ വരിഞ്ഞു മുറുക്കിയിരിക്കും, ഇവിടെയാണ് ഞാൻ എന്റെ വിജയം കാണുന്നത് എന്റെ സ്വത്രന്ത്ര ചിന്തകൾക്ക് എന്നും പ്രചോദനം എന്റെ പിതാവാണ്, ഇദ്ദേഹം തികച്ചും സ്വത്രന്ത്രമായി ചിന്തിയ്ക്കുന്ന ഒരു പാവം മനുഷ്യൻ , തികഞ്ഞൊരു ഇസ്ലാമത വിശ്വാസിയാണെങ്കിലും പ്രവൃത്തിയിൽ ചിന്തയിലും കമൂണിസ്റ്റ് ചിന്താഗതിയുണ്ട് ഒരുപക്ഷെ ഇദ്ദേഹത്തിന്റെ വിശാലമായ ചിന്തയായിരിക്കണം എനിക്ക് ലഭിച്ച സ്വതന്ത്ര ചിന്തയ്ക്ക് കാരണം.
ഇതൊക്കെ ഇവിടെ എഴുതി ഫലിപിയ്ക്കണമെന്നുള്ള എന്റെ ആഗ്രഹത്തിന് തിരക്ക് വിഘാതമായി നിന്നു ,, ആരൊക്കെ വായിക്കുന്നു എന്നൊന്നും ഞാൻ ശ്രദ്ധിയ്ക്കുന്നില്ല അത് ശ്രദ്ധിച്ചാൽ ഇവിടെ ആരും ഒന്നും എഴുതുകയില്ല , ബ്ലോഗിൽ മതപരമായ ചില പരാമർശങ്ങൾ ആരെഴുതിയാലും 1000 ളം കമന്റുകൾ കുമിഞ്ഞു കൂടും എന്നാലിതൊന്നും കാര്യമാത്ര പ്രസക്തമായവ ഒട്ടും ഉണ്ടാവില്ല .. ഈ മതപരമായ പോസ്റ്റുകൾക്കിടയിൽ ഒന്ന് തിരിഞ്ഞ് നോക്കാൻ പോലും മിനക്കടാതെ ചവറ്റുകൊട്ടയിൽ തള്ളപ്പെടുന്ന ഒത്തിരി നല്ല രചനകൾ നാം അറിയാതെ പോകുന്നു , ഇത് തീർത്തും ബ്ലോഗ് എന്ന തുറന്ന മാധ്യമത്തിന് ഭൂഷണമല്ല മാറ്റം അനിവാര്യമായിരിക്കുന്നു .. മാറ്റത്തിനായ് കൊതിയ്ക്കുന്നു..
എനിക്കൊത്തിരി വായനക്കാരുണ്ടെങ്കിൽ എന്റെ സമയപരിമിധിയ്ക്കുള്ളിൽ നിന്ന തന്നെ എനിക്ക് എഴുതാനുള്ള പ്രചോദനം ലഭിയ്ക്കുന്നത് പോലെ തന്നെ ഇവിടെ ഏറ്റവും ശ്രേഷ്ടമായത് എഴുതുന്നവർക്ക് തികച്ചും പ്രോത്സാഹനമായിരിക്കും നിങ്ങളിലെ ഓരോ സാന്നിത്യവും .
ബ്ലോഗ് തികച്ചും ജനകീയമായൊരു മാധ്യമാക്കി മാറ്റാൻ ചില പ്രധാന ബ്ലോഗേർസ്സിന് കഴിയും … ഇന്ന് ആവശ്യത്തിനും അനാവശ്യത്തിനും സംവദിക്കുന്ന മത ചർച്ചയ്ക്ക് ഒരവസാനം ഉണ്ടാക്കുക … എന്റെ പ്രിയ ചങ്ങാതിമാരായ കാളിദാസൻ,സുശീൽ കുമാർ, കാട്ടിപ്പരുത്തി,എം.എ ബക്കർ,ദുൽഫുഖാർ ,അപ്പോക്ലിപ്തോ ,ലത്തീഫ് തുടങ്ങിയവർ തന്റെ രചനകൾ ഒന്ന് മിതപ്പെടുത്തിയാൽ തീർച്ചയായും ബൂലോകം സാദാരണക്കാരന് പോലും ആസ്വദിക്കാനും സംവദിക്കാനുമുള്ള നല്ലൊരു മാധ്യമമായി തീരും എന്നതിൽ സംശയം വേണ്ട , ഇതൊക്കെ ഞാൻ എഴുതിയത് എന്റെ അനുഭവകുറിപ്പുകൾ വായിക്കപ്പെടണമെന്ന് ആഗ്രഹമെന്ന് ചിന്തിയ്ക്കരുത് അങ്ങനെ ഇല്ലാതില്ല എങ്കിലും അങ്ങനെ അല്ല എന്നതാണ് യാഥാർത്ഥ്യം.
എന്റെയൊരു ചിത്രം ഏറ്റവും പുതിയത് ….. ഫെയ്സ് ബുക്കിലും ഓർക്കൂട്ടിലുമെല്ലാം എന്റെ ചങ്ങാതിമാർ എന്നെ കൊല്ലാകൊല ചെയ്യുന്നുണ്ട് ഈ ചിത്രം കണ്ടിട്ട് … ഞാൻ സജീവമായ ബ്ലോഗിലും ഒരു കുറവ് വേണ്ട .. എന്താ ചങ്ങാതിമാരെ തുടങ്ങാം അല്ലേ ..

പ്രതിബദ്ധതയില്ലാത്ത മന്ത്രി

2011-01-20T00:46:00.000-08:00

കേരള ജനതയോട് ഒട്ടും പ്രതിബദ്ധതയില്ലാത്തൊരു മന്ത്രിയാണ് താനെന്ന് സ്വയം തെളീച്ചിരിക്കുകയാണ് ബഹുമാനപ്പെട്ട വിദേശകാര്യ സഹമന്ത്രി മി.ഇ അഹമദ്, ഇദ്ദേഹം ഇന്നലെ വരെ (19-ജനുവരി-2011) വഹിച്ചിരിന്ന മന്ത്രിസ്ഥാനം തനിക്ക് വേണ്ടന്നും തനിക്കിഷ്ടം വിദേശകാര്യമാണന്ന് ചോദിച്ച് വാങ്ങിയ മന്ത്രി സ്വന്തം ജനതയോട് ഒട്ടും പ്രതിബദ്ധതയില്ലായ്മ കാണിച്ചിരിക്കുന്നു. തമിഴ് നാട്ടിൽ ബാലു റയിൽവേ സഹമന്ത്രിയായിരുന്നപ്പോൾ എന്തല്ലാം സൌകര്യങ്ങളാണ് തമിഴ്നാടിന് വേണ്ടി ചെയ്തത് , ഇ അഹമദ് അത്രയൊന്നും ചെയ്തില്ലെങ്കിലും അദ്ദേഹം ഇത്തിരിയെങ്കിലും ചെയ്തിട്ടുണ്ട് , എന്നാൽ ഇനിയും ഒത്തിരി ചെയ്യാനുണ്ട് അദ്ദേഹത്തിന് പാതിവഴിയിൽ ഈ സ്ഥാനം എന്തുകൊണ്ട് ഉപേക്ഷിച്ചു എന്നറിയാൻ കഴിഞ്ഞ തവണ വിദേശകാര്യം വഹിച്ചിരിന്നപ്പോൾ അദ്ദേഹം സഞ്ചരിച്ച വിമാന യാത്രയുടെ എണ്ണം മാത്രം നോക്കിയാൽ മതി, സ്വന്തം ആവശ്യത്തിനും പാർട്ടി ആവശ്യത്തിനും അനേകം വിദേശ യാത്രകൾ തരപ്പെടുന്നൊരു വകുപ്പ് ഈ വിദേശകാര്യമല്ലാതെ മറ്റേത് വകുപ്പാണുള്ളത് ?(പ്രവാസികാര്യവും ഉണ്ടിട്ടോ )
കേരളത്തിന് ഒ രാജഗോപാലിന് ശേഷം എന്നും അവഗണിക്കപ്പെട്ടിരുന്ന റയിൽവേയ്ക്കൊരു ആശ്വാസം തന്നെയായിരിന്നു ഇ അഹമദിന് ലഭിച്ച റയിൽവേ സഹമന്ത്രി സ്ഥാനം എന്നാലദ്ദേഹം ചോദിച്ച് വാങ്ങിയ വിദേശകാര്യം തികച്ചും സ്വാർത്ഥമായ ചിന്തയ്ക്കും പ്രവർത്തിയ്ക്കും മാത്രമാണതിൽ യാതൊരു സംശയവും ഇല്ല ഈ നാടിനോട് ഇ അഹമദ് എന്ന വ്യക്തി ചെയ്ത ഏറ്റവും വലിയ തെറ്റായേ ഇദ്ദേഹത്തിന്റെ ഈ സ്ഥാന ചലനം കാണാനൊക്കൂ ..

ഒറ്റയ്ക്കുള്ള ജീവിതയാത്രയുടെ ആരംഭം

2010-10-24T05:29:00.000-07:00

എട്ടു മുതൽ പത്തുവരെയുള്ള പഠനം ഒരു ഒഴുക്കോടെ പോയി പിതാവിൽ നിന്നുള്ള എതിർപ്പുകൾ അത്രയങ്ങ് ഇല്ലായിരുന്നു പക്ഷെ തറവാട്ടിൽ നിന്നുള്ള എതിർപ്പ് പണ്ടത്തെ പോലെ തുടർന്നു, എന്തോ നല്ല പരിശീലനമില്ലാത്തതിനാലായിരിക്കാം അതിമനോഹരമായി 1986 ലെ എസ്.എസ്.എൽ.സി പരീക്ഷയിൽ 144 മാർക്കോടെ ഗംഭീരമായി പരാജിതനായി, വീണ്ടും ഒരു ശ്രമം നടത്താൻ തീരുമാനിച്ചു 1986 സെപ്റ്റംബറിൽ എഴുതി റിസൾട്ടിന് കാത്തു നിൽക്കുന്നതിന് മുൻപ് തന്നെ കുടുംബത്ത് നിന്നുള്ള എതിർപ്പ് കാരണം സ്ഥലം വിടാൻ നിർബ്ബന്ധിതനായി അതിന് ബോംബെ തന്നെ തിരെഞ്ഞെടുത്തു കാരണം ഇംഗ്ലീഷ് ഭാഷയെ പ്രണയിക്കുന്നത് പോലെ തന്നെ ഹിന്ദി ഭാഷയോടും എനിക്കൊത്തിരി ഇഷ്ടമായിരുന്നു ഒഴുക്കോടെ സംസാരിക്കുക എന്നത് വലിയൊരു ആഗ്രഹമായതിനാൽ ബോംബെയിലേക്ക് യാത്ര തിരിച്ചു, പഠിയ്ക്കുന്നതിൽ എതിർപ്പുണ്ടായിരുന്ന എന്റെ പിതാവിന് ഞാൻ ബോംബെയിൽ പോകുന്നതിൽ വളരെ സന്തോഷവാനായിരുന്നു
വയസ് 16
ഒറ്റയ്ക്കുള്ള ജീവിതയാത്രയുടെ ആരംഭം
പത്താം ക്ലാസിലെ പരാജയം, അതുവരെ എത്തിയത് തന്നെ വല്ലാത്ത ഒഴുക്കുള്ള പുഴക്ക് എതിരെ നീന്തുന്നതിന് തുല്യമായിരുനു , കൈകാലുകൾ കുഴഞ്ഞിട്ടില്ല എതിരാളികൾക്ക് വേണ്ടി ഒരു ചെറിയ പരാജയ സമ്മതികൽ അങ്ങനെയേ ഞാനീ യാത്രയെ വിശേഷിപ്പിയ്ക്കൂ….
1986 നവംബറിലെ ഒരു രാത്രി, കുറ്റിപ്പുറ റയിൽവേ സ്റ്റേഷൻ

തികച്ചും ദരിദ്രമായിരുന്ന ഒരു സിറ്റുവേഷനിലായിരുന്നു എന്റെ യാത്ര ആകെ കൈമുതലായിരുന്നത് ഒരു പഴയ പെട്ടി, അതിൽ ഒരേയൊരു പാന്റ്സ്, രണ്ട് വെള്ള തുണി രണ്ട് ഷർട്ട്, ആരുടേയോ വലിയ പാന്റ്സ് ചെറുതാക്കിയതായിരുന്നു അത് , രാത്രി 2 മണിക്കായിരുന്നു ട്രയിൻ യാത്രയയക്കാൻ എന്റെ പിതാവും ഉണ്ടായിരുന്നു ആദ്യമായി ട്രയിൻ കാണാൻ വന്ന ഒരു സഹോദരിയും കൂടെയുണ്ടായിരുന്നു, കുറ്റിപ്പുറം റയിൽവേ സ്റ്റേഷനിൽ വന്നു നിന്ന ജയന്തി ജനത എക്സ്പ്രസ് (ഇത് തന്നെയായിരുന്നു ആ ട്രയിനിന്റെ പേരെന്നാണ് എന്റെ ഓർമ്മ)ൽ റിസർവ്വ് ചെയ്ത സീറ്റിൽ ഞാൻ പോയിരുന്നു, ഒരു മണിക്കൂറിനുള്ളിൽ തന്നെ ട്രയിൻ ഷൊർണ്ണൂറിൽ എത്തി , അന്ന് ബോംബെ ട്രയിൻ തമിഴ്നാട് ആന്ധ്ര ചുറ്റി കർണാടക വഴിയാണന്ന് തോന്നുന്നു ബോംബെയിലെത്തുക (ഓർമ്മകൾക്ക് അത്ര വ്യക്തത പോരാ..കാരണം വർഷം 24 കഴിഞ്ഞിരിക്കുന്നു) അധികം വിരസമായിരുന്നില്ല യാത്ര ഊഷരമായ കാലാവസ്ഥയും തണുപ്പുള്ള കാറ്റുമെല്ലാം മാറി മറിഞ്ഞ് രണ്ട് രാത്രിയും ഒരു പകലും പിന്നിട്ട് യാത്ര ബോംബെ നഗരമെത്താറാവുമ്പോൾ പുലർച്ചെ അഞ്ചുമണിയാകും .. പൂന കഴിഞ്ഞ ഉടനെ കുളിച്ച് പാന്റ്സ് മാറ്റി പെട്ടെന്നൊരു ശബ്ദം പാന്റ്സ് ഊരി വരുന്നു പഴയ പാന്റ്സ് ആയതിനാൽ അതിന്റെ ഹുക്ക് പൊട്ടിയ ശബ്ദമായിരുന്നു അത് ബെൽറ്റില്ലാത്തതിനാൽ ഒരു ചാക്ക് നൂലുകൊണ്ട് വരിഞ്ഞു മുറുക്കി കെട്ടി… സമയം അഞ്ചുമണിയായി ട്രയിൻ തന്റെ കിതപ്പ് അവസാനിപ്പിച്ചുകൊണ്ട് വിശ്വപ്രസിദ്ധമായ വിക്ടോറിയ ടെർമിനൻസിൽ (ഛത്രപതി ശിവാജി ടെർമിനൻസ്) നിന്നു

ബോംബെ എനിക്കൊട്ടും പരിചിതമല്ലാത്തൊരു നഗരം അവിടെ എന്നെ കാത്ത് എന്നെ അറിയാത്തൊരു മനുഷ്യൻ കാത്തു നിൽക്കുമെത്രെ .. പിള്ള മുഹമദ്ക്ക എന്ന എന്റെ ഉപ്പയുടെ ചങ്ങാതി , തിരക്കുകൾക്കിടയിൽ അപരിചിതമായ എന്നെ പ്രതീക്ഷിക്കുന്ന ആ മുഖം ഞാൻ അന്വേഷിച്ചു പെട്ടെന്നൊരാൾ .. ഫാറൂക്ക് അല്ലേ എന്നൊരു ചോദ്യത്തോടെ എന്നെ സമീപിച്ചു , ഞാൻ പ്രതീക്ഷിച്ച പിള്ള മുഹമദ്ക്കയായിരുന്നില്ല അദ്ദേഹം, ഒരു പ്രീമിയർ ടാക്സി കാറിൽ കയറി ഞങ്ങൾ പൊന്നാനി ജുമാഅത്തിന്റെ റൂമിലേക്ക് …( അന്ന് കേരളീയർ ഗൾഫ് യാത്രയ്ക്കും ജോലിയ്ക്കും പ്രധാനമായും ആശ്രയിച്ചിരുന്നത് ബോംബെയായിരുന്നു അതുകൊണ്ട് തന്നെ കേരളത്തിലെ പ്രധാന സ്ഥലങ്ങളിലെ പ്രത്യേകിച്ച് മലബാറിലെ ഓരോ പ്രദേശത്തുക്കാരും ഭൂരിപക്ഷമനുസരിച്ച് ഓരോ ജമാഅത്തായി സംഘടിച്ചിരുന്നു ഇവർ ചെയ്തിരുന്ന പ്രധാന സേവനം പല ആവശ്യങ്ങൾക്ക് വരുന്ന സ്വന്തം നാട്ടുക്കാർക്ക് സഹായം ചെയ്യുകയായിരുന്നു) .

വളരെ പ്രതീഷയോടെയായിരുന്നു ഞാൻ ജമാഅത്തിന്റെ റൂമിലേക്ക് പോയത് .. ടെങ്കർ മുല്ല എന്ന തെരുവിലെ ഗോൽഡൻ മലബാർ ഹോട്ടലിനിടുത്തുള്ള ഇടയിലൂടെ … ബോംബെയിൽ ഇറങ്ങിയത് മുതൽ വന്നുകൊണ്ടിരുന്ന രൂക്ഷമായ ഗന്ധം അതിരൂക്ഷമായി തന്നെ മൂക്കിലേക്ക് ആഞ്ഞടിച്ചു, ഇരുട്ട് ശരിക്കും പോയിട്ടില്ലായിരുന്നു തെരുവിൽ നിയോൺ ബൾബിന്റെ പ്രകാശം ആ ഇടവഴിലേക്കധികമില്ലായിരുന്നു , ഇരുട്ടിൽ പെട്ടെന്ന് കാലിനിടയിലൂടെ വലിയൊരു പെരിച്ചായി പതുക്കെ ധൈര്യത്തോടെന്ന പോലെ നടന്ന് നീങ്ങുന്നു.. ഒരു വലിയ കാനയുടെ മുൻപിൽ ഞങ്ങൾ നിന്നു, പതുക്കെ ഞാൻ ഇരുണ്ട വെളിച്ചത്തിൽ റൂമിലേക്ക് ഒന്നെത്തി നോക്കി ഇരുണ്ട വെളിച്ചത്തിൽ മത്തി ഉണക്കാനിട്ടത് പോലെയുള്ള കാഴ്ച്ചകണ്ട് ഞാനൊന്ന് അമ്പരന്നു, രണ്ടു നിരയായി ഇരുപതിലധികം പേർ ഒന്നു തിരിയാൻ കഴിയാത്ത വിധം ഇടുങ്ങി തിങ്ങി കിടയ്ക്കുന്നു ഒരു നിരയിലുള്ളവരുടെ കാലുകൾ മറു നിരയിലുള്ളവരുടെ കാലുകളുമായി പിണഞ്ഞ് കിടയ്ക്കുന്ന രംഗം , ഒന്ന് നിക്കാൻ പോലും ഇടമില്ലാത്ത ആ മുറിയുടെ പുറത്ത് കാനയിൽ നിന്നുള്ള ഗന്ധം ആസ്വദിച്ച് നേരം വെളുപ്പിച്ചു.
ഓരോരുത്തർ എഴുന്നേറ്റ് ഡ്രമ്മിൽ ശേഖരിച്ച വെള്ളത്തിൽ ഒരു കാക്ക കുളിച്ച് ഒരുങ്ങി (ഇന്ന് ദുബായ് നഗരത്തിലും ഇതുപോലെയുള്ള കാഴ്ച്ചകളുണ്ടന്ന് മെയിലുകൾ സാക്ഷ്യപ്പെടുത്തുന്നു) പൌഡറും അത്തറും പൂശി തങ്ങളുടേതായ ജോലിക്ക് പോയികൊണ്ടിരുന്നു അവസാനം ജോലിയില്ലാത്തവർ പിന്നേയും നിണ്ട് നിവർന്ന് സുഖമായി ഉറങ്ങുന്നു, അപ്പോഴും അവിടെ പിള്ള മുഹമദ്ക്ക ഇല്ലായിരുന്നു, ആ വലിയ മനുഷ്യനെ പ്രതീക്ഷിച്ച് ഞാൻ അസഹ്യമായി റൂമിലിരുന്നു ഏത് നേരത്താണാവോ ബോംബെ തിരെഞ്ഞെടുക്കാൻ എനിക്ക് തോന്നിയത് എന്ന ചിന്തയോടെ..
ജോലി ഇല്ലാത്തവർ പതുക്കെ എഴുന്നേറ്റ് കണ്ണു തിരുമി എന്നെ നോക്കി പരിചിത ഭാവത്തിൽ ഒരു ചിരി, റൂമിന് വെളിയിൽ വലിയൊരു ജുബായും മലേഷ്യൻ കള്ളി മുണ്ടും ഒരു വെള്ള തൊപ്പിയും ധരിച്ച് അസലാമു അലൈക്കും എന്ന സ്നേഹത്തോടെയുള്ള അഭിവാദനത്തോടെ ചിരിച്ചുകൊണ്ടദ്ദേഹം വന്നു, എന്തോ അസഹ്യമായ ആ അവസ്ഥയിൽ സ്നേഹത്തോടെയുള്ള ആ പുഞ്ചിരി വല്ലാത്തൊരു ആശ്വാസമായിരുന്നു, യാത്രാ ക്ഷീണവും മറ്റും എന്നെ ഉറക്കത്തിലേക്ക് നയിച്ചിരുന്നു അതൊന്നും വകവെയ്ക്കാതെ അദ്ദേഹം എന്നെ ഒരാളെ ഏല്പിച്ചു കൊണ്ട് പറഞ്ഞു “ ഇവനെ ബോംബെ നഗരമൊന്ന് കാണിച്ചുകൊടുക്കൂ… അദ്ദേഹവുമായി ഹുക്കുപൊട്ടിയ പാന്റ്സുമിട്ട് സ്വപ്ന നഗരിയായ ബോംബെ കാണാൻ പുറപ്പെട്ടു ഏതല്ലാം നമ്പറുകൾ പറഞ്ഞ് പല ബസ്സുകളിലായി ബോംബെ ചുറ്റി സഞ്ചരിച്ചു പല സ്ഥലങ്ങളും കറങ്ങിയെങ്കിലും അതൊന്നും എന്റെ മനസ്സിൽ ആനന്ദം പോയിട്ടൊരു ആസ്വദനം പോലുമുണ്ടായില്ല പകരം അരോചകമായിരുന്നു, സമ്പാദിക്കണമെന്ന ചിന്തയേക്കാൾ ഭാഷ പഠിയ്ക്കണമെന്ന അതിയായ മോഹം എല്ലാ അതിരൂക്ഷ ഗന്ധത്തിൽ നിന്നും ഞാൻ അക്ഷമനായി ബോംബെ നഗരത്തെ ആസ്വാദനത്തിന്റെ മേഖലയിലേക്ക് മനസ്സിനെ നയിച്ചു.…

ഏഴിലെ തോൽവിയും എട്ടിലെ പ്രവേശനവും… വാശിയോടെയുള്ള ജീവിതവും

2010-10-23T23:57:00.001-07:00

നാലാം ക്ലാസ് മുതൽ ഒരു ധിക്കാരിയായിട്ടായിരുന്നു എന്റെ പെരുമാറ്റം എല്ലാവരോടും വല്ലാത്ത ദേഷ്യം എങ്കിലും പഠനത്തിൽ അത്ര മോശമാവാതിരിക്കാനും ശ്രമിച്ചു , കലുഷിതമായ ജീവിത സാഹചര്യം പഠനത്തെ വല്ലാതെ ബാധിച്ചിരിന്നു അതുകൊണ്ട് തന്നെ ഏഴിൽ മനോഹരമായി തോറ്റു, അന്നുവരെ എന്റെ പഠനത്തിൽ സഹായിയായിരുന്ന ജബ്ബാർ (അബുഹാജി മകൻ) എട്ടിലേക്ക് ജയിച്ചു കയറിയതോടെ തികച്ചും ഞാൻ ഒറ്റപ്പെട്ടു ഇനി സ്വയം പഠിയ്ക്കുക എന്ന ദൌത്യത്തോടൊപ്പം മറ്റൊരു ഊരാകുടുക്കും .. പിതാവിന്റെ മറ്റൊരു അന്ത്യശാസനം “ഏതായാലും തോറ്റില്ലേ ഇനിയെന്തിന് പഠിക്കയ്ക്കണം,?” എന്റെ തുടർ പഠനത്തെ ഇടങ്കോലിടുമെന്ന് തോന്നിയതിനാൽ ക്ലാസ് ടീച്ചറായിരുന്ന സഫിയ ടീച്ചറോട് വിഷയം അവതരിപ്പിച്ച് ടീച്ചറുടെ ഇടപ്പെടൽ കാരണം പിതാവ് ഒന്ന് തണുത്തു പക്ഷെ എതിർപ്പ് നീങ്ങിയില്ല, അതോടെ പഠിച്ച് ജയിക്കണമെന്ന വാശിയും കൂടി പിന്നെ ഒഴപ്പാൻ അവസരം നൽകാതെ ഏഴിൽ നിന്ന് കര കയറി.

എട്ടിൽ പ്രവേശനം നേടണമെങ്കിൽ പിതാവിന്റെ സഹായം ആവശ്യമായിരുന്നു, വിദ്യാഭ്യാസത്തിന് മുഖം തിരിച്ചുനിൽക്കുന്ന വ്യക്തിയോട് എങ്ങനെ നേരിടണമെന്ന് അന്നത്തെ ഫാറൂഖിന് നന്നായി അറിയാമായിരുന്നു, എനിക്ക് പ്രവേശനം നേടേണ്ടത് എം.ഐ.ഹൈസ്കൂളിലായിരുന്നു അവിടത്തെ പ്യൂൺ സൈനുദ്ധീൻ കുട്ടിക്ക എന്ന എയ്ന്തീൻ കുട്ടിക്ക എന്റെ ഉപ്പാന്റെ അയൽവാസിയും ബഹുമാന്യനുമായൊരു വ്യക്തിയായിരുന്നു അദ്ദേഹം എന്തു പറഞ്ഞാലും എന്റെ ഉപ്പ അനുസരിക്കുമെന്ന് എനിക്കറിയാമായിരുന്നത് കൊണ്ട് , എന്റെ തുടർ പഠന വിഷയം അദ്ദേഹത്തോട് പറഞ്ഞു അദ്ദേഹത്തിന്റെ പരിശ്രമത്താൽ എനിക്ക് എട്ടിലേക്ക് പ്രവേശനം ലഭിച്ചു.

എന്റെ പ്രൈമറി പഠനകാലത്തെ സഹപാഠികളിൽ അധികവും പൊന്നാനി അഴിക്കൽ പ്രദേശത്തുള്ള മത്സ്യ തൊഴിലാളികളുടെ മക്കൾ , ചങ്ങാതിമാരിൽ അധികം അവർ തന്നെയായിരുന്നു എന്തോ ഇവിടെ നിന്ന് വരുന്ന് മത്സ്യ തൊഴിലാളികളുടെ മക്കൾക്കും വല്ലാത്തൊരു ധൈര്യവും ശൌര്യവുമുണ്ടായിരുന്നു അവ രണ്ടിലും ഞാനും ഒട്ടും പിറകിലല്ലാത്തതിനാൽ സജാതീയ ദ്രുവങ്ങൾ തമ്മിലുള്ള വികർഷണം സ്വാഭാവികമായും ഇവിടെയുമുണ്ടായി, അതിന്റെ പ്രതിഫലനം എന്നും അടിയായിരുന്നു നാടൻ ശൈലിയിൽ പറഞ്ഞാൽ കട്ടയ്ക്ക് കട്ട പൊരുതി നിൽക്കും ഈ സ്വഭാവവുമായാണ് ഞാൻ എട്ടിലേക്ക് കയറി വന്നത് , എം.ഐ.ഹൈസ്ക്കൂളിലാണെങ്കിൽ പല പ്രദേശത്ത് വരുന്ന കുട്ടികളായിരുന്നു അവരിലധികവും വികൃതിയൊന്നുമില്ലാത്ത പാവങ്ങളായിരുന്നു ഇവർക്കാണെങ്കിൽ പൊന്നാനിക്കാരായ പിള്ളേരുടെ കളിച്ചുല്ലസിക്കാൻ പോലും ഭയമായിരുന്നു , ഞാൻ പഠിച്ച സ്കൂളിൽ 100% വും മുസ്ലിം വിദ്യാർത്ഥികളായിരുന്നെങ്കിൽ ഇവിടെ സമാസമം ഹിന്ദു മുസ്ലിം കുട്ടികളായിരുന്നു ശരിക്കും പാവങ്ങളായ ഇവരോട് കയർക്കുക അടികൂടുക (അടികൂടുക എന്നു പറയുന്നതിനേക്കാൾ അടിച്ചിടുക എന്നു പറയുന്നതായിരിക്കും ശരി )പതിവായിരുന്നു ഗുരുത്വ കേട് കൂടിയതിനാലായിരിക്കാം ഹെഡ്മാസ്റ്റർ സെയ്തുട്ടി മാഷ് കൈ രണ്ടും തൂക്കി പിടിച്ച് മുട്ടിന് താഴെ ചൂരൽ കൊണ്ട് അടിച്ച് ഒരു പരുവത്തിലാക്കി ഒരുപക്ഷെ വേദനകൊണ്ട് ഉറക്കെ കരഞ്ഞത് അന്നായിരിക്കാം ഒത്തിരി ദിവസം കാലിൽ ആ പാടുകൾ എന്നെ നോക്കി ചിരിച്ചു, മാഷ് തല്ലിയിന്നൊന്നും ആരോടും പരാതി പറയാനൊക്കില്ലായിരുന്നു, എല്ലാവരേയും എതിർത്ത് പഠിയ്ക്കുന്ന ഞാൻ ആരോട് എന്ത് പറയാൻ, ആ അടി എനിക്ക് അനിവാര്യമായിരുന്നു എന്ന് കാലം വീണ്ടും തെളീയിച്ചു അതോടെ എന്റെ ഗുരുത്വക്കേട് എവിടെ പോയി എന്നെനിക്ക് പോലുമറിയില്ലായിരുന്നു പിന്നീട് ഈ നിമിഷം വരെ തല്ലൂടുക എന്ന പരിപ്പാടി പാടെ നിറുത്തി.

ആരെപോലെ തന്നെ ഞാൻ വളരുന്നതോടൊപ്പം ഒരായിരം ചോദ്യങ്ങളും എന്നോടൊപ്പം വളർന്നു, അവയ്ക്കുള്ള ഉത്തരങ്ങൾ ഭാഗീകമായിട്ടെങ്കിലും പുസ്തകങ്ങളിൽ നിന്നല്ലാം ലഭിച്ചു, സ്കൂൾ ലൈബ്രററിയിലെ നല്ലൊരു പുസ്തക വായനക്കാരനായിരുന്നു അന്ന് ഞാൻ പ്രത്യേകിച്ചിഷ്ടം മതതത്ത്വാധിഷ്ടിതമായ പുസ്തകങ്ങൾക്ക് പുറമെ ഡിൿറ്ററ്റീവ് പുസ്തകങ്ങളോടായിരുന്നു മമത, അതിന് പുറമെ ഇംഗ്ലീഷ് പഠിക്കണമെന്ന് അധിയായ മോഹവും , ഈ മോഹം പൂവണിയാൻ പല ലൊട്ടുലൊടുക്ക് വിദ്യകളും പ്രയോഗിച്ചിരുന്നു, ദിനവും ഒന്നിലധികം പത്രങ്ങൾ വായിക്കുക പതിവായിരുന്നു അതിന് ശേഷം ഇന്ത്യൻ എക്സ്പ്രസും വായിക്കും സ്വാഭാവികമായും പ്രദേശിക കേരളീയ വാർത്തകൾക്ക് മലയാള പത്രവും ഇംഗ്ലീഷ് പത്രവും വാർത്തകൾക്ക് വലിയ സാമ്യം ഉണ്ടായിരുന്നതിനാൽ ഇംഗ്ലീഷ് മനസ്സിലാക്കി വായിക്കാൻ വളരെ എളുപ്പമായിരുന്നു. അത്യാവശ്യം പഠിയ്ക്കാനും മിടുക്കനായിരുന്നു പക്ഷെ പിതാവിന്റേയും തറവാട്ടിലെ അംഗങ്ങളുടേയും എതിർപ്പിനെ അതിജീവിയ്ക്കാൻ ചില സമയത്ത് എനിക്ക് തന്നെ ശക്തി ഇല്ലാതെ വന്നു എങ്കിലും പിടിച്ച് നിന്നു.

ഏഴിലെ തോൽവിയും എട്ടിലെ പ്രവേശനവും… വാശിയോടെയുള്ള ജീവിതവും

2010-10-23T23:57:00.000-07:00

നിരീശ്വര ചിന്തയുടെ ആദ്യ സ്റ്റെപ്പ്

2010-09-05T06:40:00.000-07:00

ഇസ്ലാമിക യാ‍ഥാസ്ഥിക കുടുംബത്തിലും ,ഇസ്ലാമിക ചുറ്റുപ്പാടിലും ജനിച്ചു വളര്‍ന്ന എന്നില്‍ നിരീശ്വര ചിന്ത വളര്‍ന്നു വരാന്‍ ഒത്തിരി കാരണങ്ങളുണ്ടായിട്ടുണ്ട് അതിലേറ്റവും പ്രധാനമായി ഞാന്‍ മനസ്സിലാക്കിയത് ഒരു സംഭവത്തിലൂടെയാണ്, പത്മിനി ടീച്ചറെ കുറിച്ച് എത്ര എഴുതിയാലും തീരില്ല കാരണം എന്റെ മാതാവ് കഴിഞ്ഞാല്‍ ഞാന്‍ ഏറ്റവുമധികം ഇഷ്ടപ്പെടുന്ന ഒരു സ്ത്രീയാണീ ടീച്ചര്‍, എന്റെ ഇല്ലത്തിന് മുന്‍പിലായി തന്‍‌വീറുല്‍ ഇസ്ലാം മദ്രസ്സയാണ് അവിടെ പഠിപ്പിയ്ക്കുന്നതൊക്കെ എനിക്ക് കേള്‍ക്കാനാവും അങ്ങനെ ഒരു ദിവസം അന്ന് ഞാന്‍ 4 ലിലാണ് പഠിയ്ക്കുന്നത് അതായത് എനിക്ക് 9 വയസ്സ് പ്രായം, കാലത്ത് വീടിന്റെ കോലായയില്‍ (വരാന്തയില്‍) ഇരിക്കുമ്പോള്‍ മുസല്യാര്‍ കുട്ടികളെ പഠിപ്പിയ്ക്കുന്നത് ഇങ്ങനെയായിരുന്നു “ ഇസ്ലാം കാര്യവും ഇമാന്‍ കാര്യവുമറിയാത്തവരൊക്കെ നരഗത്തിന്റെ അവകാശികളായിരിക്കും, മുസ്ലിംങ്ങളല്ലാത്ത ആരും സ്വര്‍ഗ്ഗത്തില്‍ പ്രവേശിക്കുകയില്ല ഈ വാക്കുകള്‍ എന്റെ കൊച്ചു മനസ്സില്‍ ചിന്തയുടെ നാമ്പിട്ടുവെന്നു പറയാം, ഞാന്‍ ഏറ്റവുമധികം ഇഷ്ടപ്പെടുന്ന പത്മിനി ടീച്ചറും അവരുടെ സ്നേഹമുള്ള അമ്മയുമെല്ലാം നരഗത്തില്‍ പോവുകയോ ?

ആ ചിന്ത എന്റെ മനസ്സില്‍ ഒരായിരം ചോദ്യങ്ങള്‍ക്കും അതിനുള്ള ഉത്തരവും തേടിയുള്ള അന്വേഷണം, അനേകം പുസ്തകങ്ങള്‍, ലേഖനങ്ങള്‍, ഖുറാന്‍ തന്നെ പലവട്ടം (മലയാള പരിഭാഷ) എന്റെ ചിന്തയോട് ഒത്തിരി താദാത്മ്യമുള്ള ഒരു പുസ്തകമായിരുന്നു സാംസ്കൃതയാലിന്റെ തത്ത്വചിന്ത എന്ന പുസ്തകം ഒരുപക്ഷെ ആ പുസ്തകമായിരിക്കാം എന്റെ അന്വേഷണത്തിന് ആത്മവിശ്വാസം പകര്‍ന്നു തന്നത്, സ്വര്‍ഗ്ഗ നരഗം എന്ന മൂഢചിന്തയോളം മറ്റൊരു ചിന്തയുണ്ടോന്ന് തോന്നുന്നില്ല, സ്വര്‍ഗ്ഗവും നരഗവും മതങ്ങള്‍ ഭീഷണിപ്പെടുത്തുന്ന കോലത്തിലുള്ള ദൈവവുമൊന്നും ഇല്ലാ എന്ന സത്യത്തിലേക്ക് ഞാനിന്ന് എത്തിയതില്‍ ഞാന്‍ ഏറ്റവുമധികം നന്ദി പറയേണ്ടത് അന്ന് മദ്രസ്സയില്‍ ആ വാക്കുകള്‍ പറഞ്ഞ മുസല്യാരോടാണ്.

അധ്യാപകര്‍

2010-08-27T10:45:00.000-07:00

അധ്യാപകരോട് പഠനവേളയില്‍ ദേഷ്യവും അതുകഴിഞ്ഞാല്‍ മരിച്ചാലും (ഇരുവരും)അവസാനിക്കാത്ത വല്ലാത്തൊരു ആത്മബന്ധവും ഏതൊരു വ്യക്തിയും വെച്ചുപുലര്‍ത്താറുണ്ട്, നമ്മുടെ ജീവിതത്തില്‍ പ്രഥമ അധ്യാപകന്‍/അധ്യാപികയ്ക്ക് വല്ലാത്തൊരു സ്ഥാനമുണ്ട്, എന്റെ ആദ്യത്തെ അധ്യാപികയായ പത്മിനി ടീച്ചറോട് ഇന്നും വലിയ സ്നേഹമാണ് ഇടയ്ക്കിടെ അവരുടെ വീട് സന്ദര്‍ശിക്കുക പതിവാണ്.

ജീവിതത്തില്‍ ഒത്തിരി അധ്യാപകര്‍ ഓരൊ വ്യക്തിയേയും സ്വാധീനിക്കും, നമ്മുടെ ജീവിതത്തില്‍ നമ്മെ പഠിപ്പിച്ച എല്ലാ അധ്യാപകരോടും അവര്‍ക്ക് നമ്മെ തിരിച്ചറിയാനാവില്ലെങ്കിലും വലിയ ബഹുമാനമാണ്, രണ്ടാം ക്ലാസിലെ ശ്യാമളെ ടീച്ചറെ കുറിച്ചുള്ള ഓര്‍മ്മകളേക്കാള്‍ ഒന്നാം ക്ലാസിലെ പത്മിനി ടീച്ചറുടെ ഓര്‍മ്മകളാണ് കൂടുതല്‍, മൂന്നാം ക്ലാസിലെ ഗോപാലന്‍ സാര്‍ ഇടയ്ക്കിടെ വലിയ ഒച്ഛയില്‍ കൊമ്പന്‍ മീശ ചുരുട്ടി കണക്ക് പഠിപ്പിയ്ക്കും ഇന്നും ഞാന്‍ കണക്കില്‍ വളരെ മോശമാണ് ഒരുപക്ഷെ അതിയായ ഭയമായിരിക്കാം എന്റെ മണ്ടയില്‍ കണക്ക് കയറാതിരുന്നത് അല്ലെങ്കില്‍ എന്റെ തലയുടെ കുഴപ്പമായിരിക്കാം.

ലളിതമായി തമാശകള്‍ പറഞ്ഞ് ചിരിപ്പിച്ച് ക്ലാസെടുക്കുന്ന ചെറിയ സി.സി എന്നറിയപ്പെടുന്ന അധ്യാപകന്റെ ക്ലാസിലിരിക്കാന്‍ ഏവര്‍ക്കും ബഹു ഇഷ്ടമായിരുന്നു ഇംഗ്ലീഷിന്റെ ബാലപാഠം പഠിപ്പിച്ച അധ്യാപകനോടുള്ള അതിരറ്റ സ്നേഹമായിരിക്കാം ഇംഗ്ലീഷ് ഭാഷ എന്റെ പ്രിയ ചങ്ങാതിയായത്, നാലാം ക്ലാസിലെ കണക്ക് അധ്യാപകനായി കുട്ടിഹസന്‍ മാഷിന്റെ അനവസരത്തിലെ നുള്ളിവേദനയാക്കള്‍ ആരും ഇഷ്ടപ്പെട്ടിരുന്നില്ല, ആ ക്ലാസിലിരിക്കാന്‍ ഒട്ടും താല്പര്യ കണക്ക് പിന്നേയും എനിക്ക് മണ്ടയില്‍ കയറാത്ത വിഷയമായത് അങ്ങനെ ഓര്‍ ക്ലാസിലും നമ്മുടെ മനസ്സില്‍ ചില പ്രത്യേക അധ്യാപകര്‍ സ്ഥാനം പിടിയ്ക്കും, ആറാം ക്ലാസില്‍ വലിയ സി.സി ഏഴില്‍ അബുബക്കര്‍ സാറും സഫിയ ടീച്ചറുമെല്ലാം..
------------------------------------------------------------

കഥാപാത്രങ്ങള്‍ - 4

2010-08-26T08:28:00.000-07:00

ഓരോ വ്യക്തിത്വവും തികച്ചും വ്യത്യസ്ഥമായ ജീവിതം നയിക്കുന്നവരും നയിച്ചവരുമാണന്ന് അവരുടെ ജീവിതം നിരിക്ഷിച്ചാല്‍ മനസ്സിലാവും കൊച്ചുനാളിലെ എന്റെ ശീലവും അതായിരുന്നു, എന്റെ ജീവിതത്തില്‍ മറയ്ക്കാനാവാത്ത ചില കഥാപാത്രങ്ങളുണ്ട് ഇവരുടെ ജീവിതം എന്തുകൊണ്ടിങ്ങനെയായി എന്ന് ചിന്തിച്ച് സ്വന്തം ജീവിതത്തിലും പല മാറ്റങ്ങളും വരുത്താന്‍ എനിക്കായിട്ടുണ്ട് അങ്ങനെ ഞാന്‍ നിരീക്ഷിച്ച പലരില്‍ പ്രധാനിയാണ് ആലിമുഹമദ്ക്ക്, പല അവസരത്തിലും പോസ്റ്റായി ഞാന്‍ ഇദ്ദേഹത്തെ കുറിച്ചെഴുതിയിട്ടുണ്ട്.

ആലി മുഹമദ്ക്ക ഭാര്യയും മക്കളും വീടുമില്ലാത്ത ഒരനാഥന്‍, ഇദ്ദേഹത്തിന് എല്ലാം ഉണ്ടായിരുന്നത്രെ പക്ഷെ ഞാന്‍ കണ്ട ആലിമുഹമദ്ക്കാക്ക് ആരുമുണ്ടായിരുന്നില്ല, ഇദ്ദേഹത്തിന്റെ ഒരകന്ന ബന്ധു എന്റെ അയല്‍‌വാസി അവരുടെ ഉമ്രത്ത് നല്‍കിയ ഒരു തുണ്ട് ഭൂമിയില്‍ ഒരു കെട്ട്‌‌പീടിക അതില്‍ കുറച്ച് മിഠായികളും സിഗരറ്റും മറ്റും, ഉറക്കവും തീറ്റയുമെല്ലാം അവിടെ വെച്ച് തന്നെ, അദ്ദേഹത്തിന്റെ പ്രായം ഞാന്‍ കാണുമ്പോള്‍ 60 വയസ്സിന് മേലെയാവും ആ കടയില്‍ അതേ പ്രായത്തില്‍ അബ്ദുറഹിമാന്‍‌ക്ക എന്നൊരാളും വരുമായിരുന്നു, ഇവരുടെ സഞ്ചാര കഥകളും ഹിന്ദിയിലെ ഡയലോഗെല്ലാം കേള്‍ക്കാന്‍ രസമായിരുന്നു, കുട്ടികാലം കഥകള്‍ കേള്‍ക്കാന്‍ വെമ്പുന്ന ഹൃദയമുള്ള കാലമാണല്ലോ, വാര്‍ദ്ദക്യത്തിലെ ഒരവശതയും ഇവരുടെ കഴിഞ്ഞ കാല കഥകള്‍ പറയുമ്പോള്‍ ഉണ്ടാവില്ല രണ്ടു പേരും കഥപറയുമ്പോള്‍ കേള്‍ക്കാനും ചോദ്യങ്ങള്‍ ചോദിയ്ക്കുവാനും ഞങ്ങള്‍ കുട്ടികള്‍ ചുറ്റും കൂടിയിരിക്കും.

ആലിമുഹമദ്ക്കയും അബ്ദുറഹിമാന്‍‌ക്കയും അവരുടെ യൌവ്വനം തിമിര്‍ത്ത് ആഘോഷിച്ചവരായിരുന്നു സ്വന്തം നാട്ടില്‍ ഒരു തുണ്ട് ഭൂമിയോ ഒരു കുടുംബമോ ഉണ്ടാക്കാന്‍ മറന്നവര്‍, ബാല്യവും കൌമാരവും യൌവ്വനവും മദ്ധ്യവയസ്ക്കതയുമെല്ലാം ആര്‍ക്കെല്ലാമോ എന്തിനെല്ലാമോ കത്തിച്ച് തീര്‍ത്തപ്പോള്‍ ശിഷ്ടമായത് ശോഷിച്ച ശരീരവും അത് താങ്ങാനാളില്ലാത്ത, ഒരു ഗ്ലാസ് ചൂട് വെള്ളം പോലും ഉണ്ടാക്കി തരാന്‍ ആരുമില്ലാത്ത തികച്ചും ഏകാന്തവും വേദനാജനകവുമായ ജീവിതം, കല്യാണമേ കഴിക്കരുതെന്ന് ശഠിച്ച് നടന്ന എന്റെ ചിന്തയെ മാറ്റി മറിയ്ക്കാന്‍ ഇദ്ദേഹത്തിന്റെ ജീവിതം എന്നെ പ്രേരിപ്പിച്ചിരുന്നു.

ഇദ്ദേഹത്തിന്റെ ജീവിതരീതി തികച്ചും ആത്മീയമായിരുന്നു അവസാനകാലം, അഞ്ചു നേരം നമസ്ക്കാരവും മറ്റുമായി ഭക്തിമാര്‍ഗ്ഗമായ ജീവിതം അദ്ദേഹത്തിന്റെ അന്ത്യം തികച്ചും വേദനാജനകമായിരുന്നു, ഞാന്‍ പ്രി-ഡിഗി പഠിയ്ക്കുന്ന സമയത്തൊരുരാത്രി.. ഒരു നേരിയ ശബ്ദം ഉറക്കത്തില്‍ നിന്ന് ഞാന്‍ കേട്ടുകൊണ്ടിരുന്നു പെട്ടെന്ന് അന്റെ അമ്മായി വന്നെന്നെ വിളിച്ചുണര്‍ത്തി ഡാ മോനെ ആല്യാമദാക്കയാണന്ന് തോന്നുന്നു കുറേ നേരമായി കരയുന്നു നീ ഒന്ന് ചെന്ന് നോക്ക്, കേട്ടപാതി കേള്‍ക്കാത്ത പാതി ഉടനെ ഞാന്‍ ഓടി അദ്ദേഹത്തിനടുത്തെത്തി ആരുമില്ലാതെ അദ്ദേഹം എണീറ്റിരുന്ന് ശ്വാസം കിട്ടാതെ ഉറക്കെ കരയുന്നു, വളരെ വിഷമത്തോടെ “ മോനെ എന്നെയൊന്ന് ഉഴിഞ്ഞു തരുമോ ?” തികച്ചും ദയനീയമായ ആ മുഖം .. മുളകൊണ്ടുള്ള വാതില്‍ ചാടികടന്ന് എന്റെ മേലിനോട് ചായ്ച്ച് കിടത്തി ഞാന്‍ നെഞ്ചില്‍ പതുക്കെ ഉഴിഞ്ഞുകൊടുത്തുകൊണ്ടിരിന്നു അപ്പോഴേക്കും അയല്‍‌വാസികളെ എന്റെ അമ്മായി ഉണര്‍ത്തി, സത്യത്തില്‍ എല്ലാവരും ഇദ്ദേഹത്തിന്റെ കരച്ചില്‍ കേള്‍ക്കുന്നുണ്ടായിരുന്നു .. എന്റെ മടിയില്‍ തല ചായ്ച്ച് പതുക്കെ പതുക്കെ അദ്ദേഹം നിശബ്ദനായികൊണ്ടിരിന്നു എന്റെ മടിയില്‍ കിടന്ന് അദ്ദേഹം ഓര്‍മ്മയായി അവസാനം എന്നോട് പറഞ്ഞ വാക്കും കൂടെ ഒത്തിരി കഥകളും.

പരീക്ഷണങ്ങള്‍ ആരംഭിയ്ക്കുന്നു 3

2010-08-25T09:12:00.000-07:00

സ്ക്കൂളിനെ സ്നേഹിച്ച അവിടെ തന്നെ ഉറങ്ങാന്‍ പോലും മോഹിച്ച ബാല്യമാണെനിക്കുണ്ടായിരുന്നത് ഒരുപക്ഷെ അതിന് കാരണം എന്റെ ഏകാകിയായി ജീവിതമായിരിക്കാം, ഇല്ലത്ത് അമ്മായിയും അവരുടെ ഉമ്മയുടെ രണ്ടു അനുജത്തിമാരും (ഇവരെ കുറിച്ച് മറ്റൊരു അധ്യായത്തിലെഴുതാം) സ്നേഹിക്കാന്‍ മാത്രം അറിയാവുന്നവര്‍ എന്നിട്ടും ഞാന്‍ വല്ലാതെ ഒറ്റപ്പെടല്‍ അനുഭവിച്ചിരുന്നു, കുഞ്ഞു നാളിലെ പുഴവക്കിലെ ചാഞ്ഞു കിടന്നിരുന്ന തെങ്ങിന്‍‌മേല്‍ ചാഞ്ഞുകിടയ്ക്കാന്‍ വലിയ ഇഷ്ടമായിരുന്നു, എന്തലാമായിരുന്നു ഞാന്‍ ചിന്തിച്ചിരുന്നത് എന്നൊന്നും എനിക്കോര്‍മ്മയില്ല എന്തലാമോ ചിന്തിച്ചിരുന്നു, ഇരുട്ടിനെ ഞാന്‍ വല്ലാതെ ഇഷ്ടപ്പെട്ടിരുന്നു ഭയവും എനിക്കില്ലായിരുന്നു.

സ്ക്കൂള്‍ വിട്ടാല്‍ കളിയ്ക്കാന്‍ പോവുക എന്ന പതിവൊന്നുമില്ലായിരുന്നു കാരണം ഞാന്‍ പറഞ്ഞുവല്ലോ ഇത്തിരി വികൃതി കൂടുതലായതിനാല്‍ ഒന്നും രണ്ടും പറഞ്ഞ് ഞാന്‍ ആരെയെങ്കിലും അടിച്ച് പരുവത്തിലാക്കുമായിരുന്നു, ഓട്ടിന്‍ കഷ്ണമുപയോഗിച്ച് അടിയ്ക്കുക ചോരവരുത്തുക ഒട്ടും കുറ്റബോധമില്ലാത് മനസ്സിന്റെ ഉടമയായിരുന്നു ബാല്യം, ഇതുകൊണ്ടല്ലാം തന്നെ കൂട്ടുക്കാരുടെ ഉമ്മമാരുടെ താക്കിത് അബുവിന്റെ മകന്‍ ഫാറൂഖുമായി ആരും കൂട്ട് കൂടരുത്, അറക്കല്‍ വളപ്പില്‍ ചങ്ങാതിമാര്‍ ഇല്ലാ‍ത്തതിനാലായിരുന്നു ഞാന്‍ സ്ക്കൂളിനെ വല്ലാതെ സ്നേഹിച്ചിരുന്നതും ഞായറാഴ്ച്ചകള്‍ അറുബോറന്‍ ദിവസങ്ങളായി തീര്‍ന്നതും.

എന്നും പിതാവിനരികില്‍ പരാതി പറയുന്ന രക്ഷിതാക്കളുടെ എണ്ണം കൂടി വന്നു, പരിഹാരം അതികഠിനമായ ശിക്ഷ തന്നെയായിരുന്നു,എന്നെ തല്ലാനായി മാത്രം വരുന്ന പിതാവ് (ഞാന്‍ ഇല്ലത്തും പിതാവ് എന്റെ തറവാട്ടിലുമായുന്നു താമസം) പച്ച മടല്‍ ചീളുകള്‍ മുറിഞ്ഞില്ലാതാവുന്നത് വരെ വല്ലാത്ത അടിയായിരുന്നു പിതാവിന്റെ കൈ കടഞ്ഞാലും അടി നില്‍ക്കില്ലായിരുന്നു, എന്റെ ശരീരത്തേക്കാള്‍ മനസ്സ് എത്ര നൊന്തിരുന്നു എന്നതിന് തെളിവ് രണ്ടാണ് ഒന്ന് ആരും കാണാതെ രാത്രി സമയങ്ങളില്‍ പുഴയരികിലെ ആ ചാഞ്ഞുകിടയ്ക്കുന്ന തെങ്ങിനടുത്ത് പോയി പൊട്ടി കരയും മറ്റൊന്ന് ആരോടിന്നില്ലാത്ത ദേഷ്യവും വെറുപ്പുമായിരുന്നു ഒരുപക്ഷെ അതായിരിക്കും ചങ്ങാതിമാരോട് എന്നും കലഹിച്ചിരുന്നത്.

തനി യാഥാസ്തിക മുസ്ലിം കുടുംബമായതിനാല്‍ അന്ന് വിദ്യാഭാസത്തിനെതിരായ ഒരു ചിന്ത പൊതുവെ മുസ്ലിംങ്ങള്‍ക്കുള്ളത് പോലെ എന്റെ കുടുംബത്തിന് ഇത്തിരി അധികമായിരുന്നു, എഴുതാനും വായിക്കാനും മാത്രം മതി എന്ന ചിന്ത, തറവാട്ടിലെ പിതാവിന്റെ വാസം, അവരുടെ വാക്ക് കേള്‍ക്കാന്‍ ഉപ്പ നിര്‍ബ്ബന്ധിതനായിരുന്നതിനാല്‍ എന്റെ പഠനം നാലാം തരത്തില്‍ വെച്ച് അവസാനിപ്പിയ്ക്കാന്‍ തീരുമാനിച്ചു ഇന്നും എന്റെ മനസ്സില്‍ ഉപ്പ അന്ന് പറഞ്ഞ വാക്കുകള്‍ മായാതെ കിടയ്ക്കുന്നു “ ഹംസക്കാന്റെ മകന്‍ മജീദ് നാലില്‍ പഠിപ്പ് അവസാനിപ്പിച്ചു നീ അഞ്ചിലേക്ക് ജയിച്ചില്ലേ ഇനി പഠിപ്പൊക്കെ മതി പീടികയില്‍ വന്നിരിക്കുക (എന്റെ പിതാവിനൊരു പച്ചക്കറി കടയുണ്ടായിരുന്നു)“ ആരാരും അനുകൂലിക്കാനില്ലാത്ത സമയം കേവലം ഒന്‍പത് വയസ്സ് പ്രായം മാത്രം, എന്റെ പിതാവിന്റെ തീരുമാനത്തെ ഞാന്‍ തനിയെ തന്നെ ശക്തിയുക്തം എതിര്‍ത്തു, അന്നെന്റെ ഉമ്മ പറഞ്ഞതും എന്റെ ഓര്‍മ്മയില്‍ തെളിയുന്നു, ഉമ്മയോട് ഞാന്‍ പറഞ്ഞതും “ നിനക്ക് പീടികയില്‍ പോയിരിക്കാന്‍ കഴിയില്ലെങ്കില്‍ കല്പണിക്ക് പോയികൂടെ ഇനി പഠിക്കേണ്ട” അതിനുള്ള ഒന്‍പത് വയസ്സുക്കാരന്റെ മറുപടി “ഉമ്മാ കല്പണിയ്ക്ക് പോയാല്‍ 15 രൂപ കിട്ടും (അന്ന് പണി അറിയാത്തവന് 15നും പണിക്കാരന് 35 രൂപയുമായിരുന്നു) എന്നാലാ പൈസ ഒരു ദിവസം കൊണ്ട് തീരും പഠിച്ചാല്‍ എനിക്കൊത്തിരി സമ്പാദിക്കാനാവും, എന്റെ വാക്കുകള്‍ ശ്രവിയ്ക്കാന്‍ ആരും തയ്യാറായില്ലെങ്കിലും എന്റെ തീരുമാനത്തില്‍ ഞാന്‍ ഉറച്ചു നിന്നു, പഠനം ഞാന്‍ തുടര്‍ന്നു, എന്റെ ജീവിതത്തിലെ ആദ്യത്തെ പരീക്ഷണമായിരുന്നു അത്, അതിന്റെ വിജയവും.

എന്റെ ജീവിതം ആരംഭിയ്ക്കുന്നു- 2

2010-08-24T06:02:00.000-07:00

1970 ലാണ് എന്റെ ജനനമെങ്കിലും എന്റെ ഓര്‍മ്മകള്‍ക്ക് ജീവന്‍ വെയ്ക്കുന്നത് അതായത് എനിക്ക് വ്യക്തമായ ഓര്‍മ്മകള്‍ ഉള്ളത് ഒന്നാം തരത്തില്‍ പഠിയ്ക്കുമ്പോള്‍ മുതലാണ്, എന്റെ ഓര്‍മ്മകള്‍ക്ക് അപ്പുറത്തുള്ളതല്പം പറഞ്ഞ് തുടങ്ങാം...
എന്റെ മാതാവ് മറിയ മാളിയേക്കലിനും അബുബബക്കറിനും ആദ്യത്തെ സന്താനമായി ഞാന്‍ പിറന്നതില്‍ അവരേക്കാള്‍ സന്തോഷമുണ്ടായിരുന്നത് എന്റെ പിതാവിന്റെ മാതാവിനായിരുന്നു അതുകൊണ്ട് തന്ന് എന്റെ ജീവിതത്തിന് ഒരു പ്രത്യേകത ഉണ്ടാവുകയും ചെയ്തു, ഇന്ന് കണ്ണൂര്‍, കോഴിക്കോട് ജില്ലകളിലെ മുസ്ലിം സമുദായത്തില്‍ നില നില്‍ക്കുന്ന പെണ്ണുവീട്ടില്‍ കൂടുക എന്ന ആചാരം പൊന്നാനിയിലും അന്നുണ്ടായിരുന്നു, എന്റെ തറവാട് ഈ ആചാരത്തില്‍ അധിഷ്ഠിതമായതിനാല്‍ എന്റെ പിതാവ് താമസിച്ചിരുന്നത് എന്റെ ഉമ്മയുടെ വീട്ടിലായിരുന്നു, എന്റെ പിതാവിന്റെ മാതാവിന് എന്നോടുള്ള വാത്സല്യവും സ്നേഹവും കാരണം എന്റെ ആറാമാസം മുതല്‍ എന്റെ ഉമ്മയില്‍ നിന്ന് വേറിട്ട് ഉപ്പയുടെ വീട്ടിലായിരുന്നു ജീവിതാരംഭം, ഒരുപക്ഷെ ആദ്യത്തെ യാത്രകളായിരിന്നു എന്റെ തറവാട്ടില്‍ നിന്ന് ഉപ്പയുടെ വീട്ടിലേക്കുള്ള ഒരു കിലോമീറ്റര്‍ ദൈര്‍ഘ്യമുള്ള യാത്ര ആദ്യമാദ്യം ദിനവും അങ്ങോട്ടുമിങ്ങോട്ടുമുള്ള യാത്ര പിന്നെ സ്ഥിരമായ വാസമായി തീര്‍ന്നു..
എന്റെ തറവാട്ടില്‍ ഒത്തിരി കുഞ്ഞുങ്ങളുണ്ടായിരുന്നു എന്നാല്‍ അവരോടൊത്തുള്ള ജീവിതം എനിക്ക് നിഷേധിക്കപ്പെട്ട് തികച്ചും ഏകാകിയായ ജീവിതം എനിക്ക് നയിക്കാനുള്ള അവസരം, ഞാന്‍ മുന്‍ അധ്യായത്തില്‍ പറഞ്ഞുവല്ലോ, എന്റെ ഉപ്പയുടെ വീട് സ്ഥിതി ചെയ്തിരുന്നത് ഭാരതപുഴയുടെ തീരത്തായിരുന്നതിനാല്‍ എന്റെ കുട്ടികാലം ശരിക്കും ആസ്വാദകരമായിരിന്നു വളരെ കുഞ്ഞു പ്രായത്തില്‍ തന്നെ നീന്തല്‍ പഠിക്കനുള്ള അവസരവും എനിക്ക് ലഭിച്ചത് ഇവിടെ വളര്‍ന്നത് കൊണ്ടാവാം, എന്റെ ജീവിതത്തിലെ ഒത്തിരി കഠിനമായ അവസരത്തില്‍ എന്റെ ചെറുപ്പകാല ജീവിതത്തിലെ ഏകാന്തത എന്നെ ഒത്തിരി സഹായിച്ചിട്ടുണ്ട്, എന്റെ രണ്ടാമത്തെ വയസ്സില്‍ എന്റെ ഉമ്മൂമ(ഉപ്പയുടെ ഉമ്മ) മരിച്ചുവെങ്കിലും എന്റെ ജീവിതം ഇല്ലത്ത് (ഉപ്പയുടെ വീടിനെ ഇല്ലം എന്നാണ് പറയുക) തുടരേണ്ടി വന്നു അവിടെ ഉപ്പയുടെ ഒരേയൊരു പെങ്ങളും അനുജനും അവര്‍ക്ക് താലോലിക്കാന്‍ ഒരു കുഞ്ഞ്, ഒരു കുഞ്ഞിന്റെ വളര്‍ച്ചയില്‍ അവന്/അവള്‍ക്ക് വേണ്ടത് അവരുടെ പ്രായത്തിലുള്ള കുഞ്ഞുങ്ങളോടൊത്തുള്ള കളിയും ചിരിയുമാണന്ന് സ്വാര്‍ത്ഥരായ വലിയവര്‍ക്ക് അറിവില്ലാത്തത് കൊണ്ട് എനിക്ക് നഷ്ടപ്പെട്ടത് എന്റെ സ്വന്തം സഹോദരങ്ങളോടും കസിന്‍സുകളുമൊത്തുള്ള ജീവിതമായിരിന്നു.
നാലാമത്തെ വയസ്സിലായിരുന്നു എന്റെ പഠനാരംഭം,പദ്മിനി ടീച്ചറായിരുന്നു എന്റെ ആദ്യത്തെ ക്ലാസ് ടീച്ചര്‍ എന്റെ ഇല്ലത്തിനടുത്തുള്ള സ്കൂളിലായിരുന്നു എന്റെ പഠനം എന്റെ നിര്‍ഭാഗ്യമെന്ന് പറയട്ടെ എന്റെ സഹോദരങ്ങളെല്ലാം മറ്റൊരു സ്കൂളിലുമായിരുന്നു, ഒരു ഒറ്റയാനയാതിനാലാവാം വികൃതി നല്ലോണമുള്ള ഒരു കുട്ടിയായിട്ടായിരുന്നു എന്റെ വളര്‍ച്ച.. ആ വികൃതിയുടെ വികൃതിത്തരങ്ങള്‍ തുടര്‍ന്നും വായിക്കുക

എന്റെ പ്രദേശം 1

2010-08-21T09:07:00.000-07:00

ഏതൊരു വ്യക്തിയുടെ ജീവിതത്തിലും അവനെ സ്വാധീനിക്കുന്ന പ്രധാന ഘടകം അവന്‍ ജനിച്ചു വളര്‍ന്ന പ്രദേശവും,അവിടത്തെ ജനങ്ങളുമാണ്, എനിക്കും എന്റെ നാടിനോട് വല്ലാത്തൊരു മമതയുണ്ട് , കേരളത്തിലെ ഏതൊരു വ്യക്തിയ്ക്കുമറിയുന്ന പൊന്നാനിയാണ് എന്റെ നാട്, കായലും (ബിയ്യം കായല്‍)കടലും, നിളാനദിയും കനോലി കനാലും, കോള്‍ കൃഷി മേഖലയും അനേകം കുളങ്ങളും മല നിരകളും വയലുകളുമെല്ലാം അടങ്ങിയ അനേകം സാധാരണക്കാര്‍ വളരെ സ്നേഹത്തോടെ സൌഹാര്‍ദ്ദത്തോടെ വസിക്കുന്നൊരിടം,ശരിക്കും പൊന്നാനിക്കാര്‍ക്ക് പോലുമറിയാത്ത അറക്കല്‍ വളപ്പ് എന്നൊരു കൊച്ചു പ്രദേശത്താണ് എന്റെ ബാല്യകാല ജീവിതം ആരംഭിയ്ക്കുന്നത്, തെക്ക് നിന്നൊഴുകിവരുന്ന കനോലി കനാല്‍ ഭാരതപുഴയില്‍ സംഗമിയ്ക്കുന്ന ഈ കൊച്ചു പ്രദേശത്ത് 1970 കാലത്തും 2010 കാലഘട്ടത്തിലും ഇവിടത്തുക്കാര്‍ എങ്ങനെ ജീവിച്ചു, ജീവിയ്ക്കുന്നു എന്നത് ഒരു രസകരമായ കാര്യമാണ്.
1970 കാലഘട്ടം ഈ കാലം എന്റെ ഓര്‍മ്മകള്‍ക്ക് അപ്പുറമാണ് എങ്കിലും ഞാന്‍ ജനിച്ചത് 1970 മാര്‍ച്ച് 16ന് തിങ്കളാഴ്ച്ച വൈകിട്ട് 7.20നായിരുന്നു അവിടെ ആരംഭിയ്ക്കുന്ന എന്റെ ജീവിതത്തില്‍ ഈ കാലഘട്ടം സുപ്രധാനമാണ്, അതുകൊണ്ടു തന്നെ ഇവിടത്തുക്കാര്‍ ആരൊക്കെയായിരുന്നു അവരുടെ ജീവിതം എങ്ങനെയായിരുന്നു എന്നതും.
ഈ സ്ഥലം എവിടെ സ്ഥിതി ചെയ്യുന്നുവെന്ന് പൊന്നാനിക്കാര്‍ക്ക് പോലും അറിയുക കുറവാണ്, പൊന്നാനി വലിയ അങ്ങാടിപാലത്തിന്റെ പടിഞ്ഞാറെ പൊളിയുടെ വടക്ക് മുതല്‍ പൊന്നാനിയിലെ ഏറ്റവും പഴയ പള്ളിയായ (500 വര്‍ഷത്തിലധികം പഴക്കമുള്ള) തോട്ടുങ്ങപള്ളി വരെ നീളുന്ന ഒരു കൊച്ചു പ്രദേശം, 60ളം വീടുകളാണ് ആന്നും ഇന്നും ഈ പ്രദേശത്തുള്ളത്, വ്യക്തികള്‍ക്ക് എന്ന പോലെ തന്നെ ഇവിടത്തെ ഓരോ വീടുകള്‍ക്കുമുണ്ട് ഇരട്ട പേരുകള്‍, ഇങ്ങനെ ഇരട്ട പേരുകള്‍ വരാന്‍ കാരണം അന്നത്തെ കാലത്ത് കുടുംബത്തെ പോറ്റാ‍ന്‍ സ്ത്രീകളും അധ്വാനിച്ചിരിന്നു, മുസ്ലിം സ്ത്രീകള്‍ വീടുകള്‍ക്ക് വെളിയില്‍ പോയി ജോലി ചെയ്യുക അന്നും ഇന്നും ഇവിടെ പതിവില്ല അതുകൊണ്ടവര്‍ സ്വന്ത് വീടുകളില്‍ പലഹാരങ്ങള്‍ ഉണ്ടാക്കി ചെറിയ ഹോട്ടലുകളില്‍ (മക്കാനുകളില്‍) കൊണ്ടു പോയി വില്‍ക്കും ഇങ്ങനെ പലഹാരങ്ങള്‍ വില്‍ക്കുന്ന വീടുകളെ, പോളന്റെ വീട് (പാന്‍‌കേക്ക്) പുട്ടുടമ്മാന്റെ വീട് (പിട്ട് ചുടുന്ന ഉമ്മാന്റെ വീട്) അങ്ങനെ നീളുന്ന ഇരട്ട പേരുകള്‍.
പുരുഷന്മാരുടെ തൊഴില്‍മേഖലയ്ക്കും ചില പ്രത്യേകതകളുണ്ടായിരുന്നു “വെണ്ണീര്‍ കച്ചവടം അഥവാ ചാമ്പല്‍ കച്ചവടം” ഈ മേഖല നിലനിന്നിരുന്നത് ഒരുപക്ഷെ കേരളത്തില്‍ ഈ കൊച്ചു പ്രദേശത്ത് മാത്രമായിരിക്കാം , ഒരിടത്തും ഗ്യാസടുപ്പുകള്‍ ഇല്ലാതിരുന്ന കാലമായതിനാലും ദാരിദ്രം ഒരു ജനതയുടെ മുഖമുദ്ര ആയതിനാലും ഏതൊരു വീട്ടിലും ആവശ്യത്തിലധികം വെണ്ണീരുണ്ടാവും ഇത് വീട്ടമ്മ ശേഖരിച്ച് വെയ്ക്കും ഇത് വാങ്ങിയ്ക്കാന്‍ വെണ്ണീര്‍ മുതലാളിമാരായ മുഹമദ്ക്ക,റൌഡി മൊയ്തീന്‍ കുട്ടിക്ക,ഇബ്രാഹിം കുട്ടിയ്ക്ക എന്നിവരുടെ കീഴില്‍ ജോലി ചെയ്യുന്ന അഞ്ചും ആറും ക്ലാസ് വരെ മാത്രം പഠിച്ച് ഇതൊക്കെ ധാരാളം എന്നു പറഞ്ഞു പഠനം അവസാനിപ്പിച്ച ചെറുപ്പക്കാര്‍ ഒരു അളവ് കുട്ടയും വലിയ കുട്ടയുമായി വന്ന് ഒരു അളവ് കുട്ടയ്ക്ക് 50 പൈസയോ 75 പൈസയോ വില പേശി വാങ്ങും, അവര്‍ വഴിനീളെ വിളിച്ച് കൂവും “വെണ്ണീറുണ്ടോ..വെണ്ണീറുണ്ടോ ആട്ടിന്‍ കാട്ടമുണ്ടോ... ആടിനെ വളര്‍ത്തുന്നവരും ആ കാലത്ത് ധാരാളമുണ്ടായിരുന്നു ആട്ടിന്‍ കൂട്ടിനടിയില്‍ ശേഖരിക്കപ്പെടുന്ന ആട്ടിന്‍‌കാഷ്ടവും ഒരു വരുമാനമാര്‍ഗ്ഗമായിരുന്നു, വെണ്ണീറില്‍ ഒരല്‍പ്പം കൃത്രിമം (ചകിരി തൊണ്ട് അടിച്ച് കയറുണ്ടാക്കുന്ന കമ്പനികളില്‍ വേസ്റ്റ് വരുന്ന ചകിരി ചോറ് കത്തിച്ച് വെണ്ണീറില്‍ മായം ചേര്‍ക്കും) കാണിച്ച് മുതലാളിമാര്‍ പുറത്തൂര്‍,തിരൂര്‍ മേഖലകളിലെ തെങ്ങ് കര്‍ഷകര്‍ക്ക് പുരവഞ്ചി (കെട്ടുവെള്ളം)യിലൂടെ ഭാരതപുഴ ക്രോസ് ചെയ്ത് പൊന്നാനി പുഴയിലൂടെ എത്തിയ്ക്കും .. അങ്ങനെ ഒത്തിരി പേരുടെ പ്രത്യക്ഷവും പരോക്ഷവുമായ ഒരു പ്രധാന ഉപജീവനമാര്‍ഗ്ഗമായിരുന്നു വെണ്ണീര്‍ കച്ചവടവും,ആട്ടിന്‍‌കാട്ട കച്ചവടവും.‍
എന്റെയീ പ്രദേശത്തുക്കാരുടെ മറ്റൊരു പ്രധാന വരുമാന മാര്‍ഗ്ഗമായിരുന്നു പൊന്നാനി അങ്ങാടിയിലെ കൂലി വേല അതില്‍ ഏറ്റവും പ്രധാനം കിഴങ്ങ് പാണ്ടികശാലയിലെ തൊഴില്‍, ഒരു കാലത്ത് നമ്മുടെയെല്ലാം പ്രധാന ഭക്ഷണമായിരുന്നത് കിഴങ്ങായിരുന്നല്ലോ, അതുകൊണ്ടു തന്നെ ആ മേഖലയുമായി ബന്ധപ്പെട്ട് അനേകം പേര്‍ ജീവിച്ചിരുന്നു, ഈ തൊഴില്‍ എടുത്തവരില്‍ മൂപ്പന്‍ സ്ഥാനം വഹിച്ചിരുന്ന ഒരു വ്യക്തിയാണ് എന്റെ പിതാവ്, പുലര്‍ച്ചേ രണ്ടു മണി മുതല്‍ കിഴങ്ങ് പാണ്ടിക ശാലയില്‍ ആളും ബഹളും തുടങ്ങും കിഴക്കന്‍ മേഖലകളില്‍ നിന്ന് വഞ്ചികള്‍ വഴി പൊന്നാനിയിലെത്തുന്ന കിഴങ്ങ് (പൂള,കപ്പ)പൊന്നാനിയിലേയും ചാവക്കാട് തുടങ്ങിയ പ്രദേശങ്ങളിലേക്ക് കനോലി കനാല്‍ വഴി പുരവഞ്ചിയിലൂടെ വലിയൊരു ബിസിനസ്സ് തന്നെ നടന്നിരിന്നു.അന്നത്തെ പ്രധാന പാണ്ടികശാല മുതലാളിമാര്‍ ഒസാന്‍ മൂസാക്കയും, അബ്ദുല്‍ ഖാദരാജിയുമൊക്കെയായിരിന്നു, മൊയ്തീന്‍ കുട്ടി മൂപ്പന്‍, അബു.ഖാലിദ് എന്നു പേരൊക്കെയുള്ള അനേകം സാധാരണക്കാരും വളരെ ദരിദ്രരരും ഈ മേഖലയില്‍ ജോലി ചെയ്തിരുന്നു.
------------
അടുത്ത പോസ്റ്റില്‍ എന്റെ നാട്ടു വിശേഷം വിശദമായി

ആമുഖം

2010-08-21T08:40:00.000-07:00

എനിക്ക് പിന്നില്‍ 40 വര്‍ഷത്തെ ജീവിതാനുഭവമേ ഒള്ളൂ അതിലും ഓര്‍മ്മകളുടെ നനവുള്ളത് എത്രയോ കുറവ്, ജീവിതത്തിന്റെ ഓരോ കോണിലും തികച്ചും വ്യത്യസ്ഥരായ എത്രയെത്ര ജനങ്ങളെ,അവരുടെ ചൂടുള്ള ചൂരുള്ള അനുഭവങ്ങള്‍ ഇതൊന്നും ആരോടും പങ്കുവെയ്ക്കാതിരിക്കുക എന്നത് ഒരു വ്യക്തി എന്ന നിലയില്‍ ജീവിതപൂര്‍ണ്ണത ഉണ്ടാവില്ല എന്ന് കരുതുന്ന ഒരാളാണ് ഞാന്‍, 40 വര്‍ഷത്തെ ജീവിതത്തില്‍ 15 വര്‍ഷം പ്രവാസിയായി അതില്‍ 5 വര്‍ഷം ഇറാഖിലെ യുദ്ധമേഖലയിലും 10 വര്‍ഷം കുവൈറ്റിലും, ഇപ്പോള്‍ ഏതൊരു പ്രവാസിയും ആഗ്രഹിയ്ക്കുന്ന സ്വന്തം നാട്ടിലെ സ്ഥിരവാസത്തിലും.
ആരേയും വ്യക്തിഹത്യനടത്തുന്ന രഹസ്യങ്ങളൊന്നുമില്ലാത്തതിനാല്‍ എന്റെ അനുഭവകുറിപ്പുകൊണ്ട് ആര്‍ക്കും യാതൊരു ദോഷവും ഉണ്ടാവില്ലാന്നുറപ്പ്.
വിചാരം

സമയമായോ ?

2010-08-21T07:47:00.000-07:00

സമയമായോ എന്നൊരു സംശയമില്ലാതില്ല എങ്കിലും എഴുതാനൊത്തിരി ഉണ്ടാവുമ്പോള്‍ സമയമായി എന്ന് തന്നെ പറയാം, ആത്മകഥ എന്നത് പ്രശസ്തര്‍ക്ക് മാത്രമേ എഴുതാവൂ എന്നൊക്കെ അലിഖിത നിയമം ഉണ്ടെങ്കില്‍ എനിക്കതിന് അര്‍ഹതിയില്ല, സാധരണക്കാരനില്‍ സാധാരണക്കാരനായ എന്നില്‍ നിന്നെന്ത് സമൂഹത്തിന് സ്വാംശീകരിച്ചെടുക്കാന്‍ എന്നൊക്കെ ആരെങ്കിലും ചോദിച്ചാല്‍ ഉത്തരം മുട്ടിപോകും, ഒരു വ്യക്തി (തനി സാധാരണക്കാരന്‍) തന്റെ ജീവിതത്തില്‍ എന്തല്ലാം നേരിടുന്നു എന്നത് എന്റെ ജീവിതത്തിലൂടെ-അനുഭവത്തിലൂടെ‌- മനസ്സിലാക്കാനാവും എന്നതിനാല്‍ ഇവിടെ ഞാന്‍ കുറിയ്ക്കുകയാണ് എന്റെ ജീവിതത്തിലെ ഓരോ ഏടുകളും .. ഇവയിലൂടെ ഞാന്‍ കണ്ട മനുഷ്യര്‍,സ്ഥലം,ജീവിതം, മറ്റുള്ളവരുടെ അനുഭവങ്ങള്‍, ഇവിടെ തര്‍ക്കങ്ങളും വാഗ്വാദങ്ങളുമില്ല, എതിരാളികളും അനുയായികളുമില്ല , യുക്തിവാദികളും വിശ്വാസികളുമില്ല എല്ലാം എന്റെ ചങ്ങാതിമാര്‍ മാത്രം.എന്തും തുറന്നെഴുതാം അതിന്റെ പേരില്‍ ആരും പരസ്പരമുള്ള അനാവശ്യ പോരാട്ടങ്ങള്‍ ഉണ്ടാവരുതെന്ന് ഞാന്‍ ആഗ്രഹിക്കുന്നു.

താലിബാനിസം കേരളത്തില്‍

2010-05-29T03:27:00.001-07:00

നമ്മള്‍ അഫ്‌ഗാനിസ്ഥാനിലെ താലിബാന്‍ ഭരണ സമയത്ത് കേട്ടുകൊണ്ടിരുന്ന വാര്‍ത്തകളാണ്, 1400 വര്‍ഷം മുന്‍പത്തേയ്ക്ക് അഫ്ഗാനിസ്ഥാനെ പിന്നോട്ട് നയിപ്പിച്ച്, മുഹമദ് എന്ന വ്യക്തിയുടെ തലതിരിഞ്ഞ ആശയങ്ങള്‍ പ്രാബല്യത്തില്‍ വരുത്തുക എന്ന ഉഗ്രചിന്തയോടെ താലിബാന്‍ അവിടെ അഴിഞ്ഞാടിയത്, അവര്‍ പുരോഗമനത്തിന്റെ അടിത്തറയായ വിദ്യാഭ്യാസ സ്ഥാപനങ്ങളെ തീയിട്ട് നശിപ്പിയ്ക്കുക തുടങ്ങി തികച്ചും അപരിഷ്കൃതമായ രീതിയിലുള്ള പ്രവര്‍ത്തനങ്ങള്‍ക്ക് നേതൃത്വം കൊടുത്തുകൊണ്ടിരുന്നത്, അവിടെ ജനാധിപത്യ വ്യവസ്ഥിതി ഇല്ലായിരുന്നതുകൊണ്ട് താലിബാനിതൊന്നും ചെയ്യുന്നതില്‍ വലിയ തടസ്സമുണ്ടായിരുന്നില്ല,2000 ല്‍ അധികം പുരാതനമായ ബുദ്ധ പ്രതിമകള്‍ നശിപ്പിച്ചതുമെല്ലാം അതിന്റെ ഉദാഹരണങ്ങള്‍ മാത്രം.
നമ്മുടെ കൊച്ചുകേരളത്തിലും ഈ താലിബാന്റെ ഒരു പതിപ്പ് ഈ അടുത്ത കാലത്തായി ഉയര്‍ത്തെഴുന്നേറ്റുകൊണ്ടിരിക്കുന്നു അതിന്റെ പേരാണ് സോളിഡാരിറ്റി എന്ന ജമാ‌അത്ത് ഇസ്ലാമിയുടെ തീവ്രവാദി സംഘം, ഈ സംഘങ്ങള്‍ കേരളത്തിലെ എന്തുതരം പുരോഗമന പ്രവര്‍ത്തനങ്ങള്‍ക്കും തടയിട്ടുകൊണ്ടിരിക്കുന്നു അവസാനം കിനാലൂരിലും അവരുടെ തീവ്രമുഖം കേരളം കണ്ടു (അവരെ ശരിക്കും തല്ലിയോടിച്ച കേരള പോലീസിന് ഒരായിരം അഭിനന്ദനങ്ങള്‍ ).
മൌദീദി ആശയങ്ങള്‍ക്ക് വിരുദ്ധമാണ് ഭാരതത്തിലെ ജനാധിപത്യ വ്യവസ്ഥിതി, ജനങ്ങള്‍ ജനങ്ങള്‍ക്ക് വേണ്ടി തെരെഞ്ഞെടുക്കുന്ന ഒരു വവസ്ഥിതിയോടല്ല മൌദൂദിയ്ക്കും അയാളുടെ അനുനായികള്‍ക്കും പഥ്യം “ഹുക്കൂമത്ത് ഇലാഹി” (ദൈവത്തിന്റെ ഭരണം അഥവാ ഭരണകൂടം) ഖുര്‍‌ആനെ അടിസ്ഥാനപ്പെടുത്തിയുള്ള ഭരണ വ്യവസ്ഥിതി സ്വപ്നം കാണുന്ന (സ്വപ്നം കാണുകയേ ഒള്ളൂ ഇവര്‍, ഒരായിരം കൊല്ലം കഴിഞ്ഞാലും ഭാരതത്തില്‍ ഹുക്കൂമത്ത് ഇലാഹി വരാന്‍ പോകുന്നില്ലാന്ന് ഒരു സത്യ, അങ്ങനെ സംഭവിച്ചാല്‍ അന്ന് കാക്ക തലകുത്തനെ പറയ്ക്കും) ജമാ‍ാത്തും അവരുടെ തീവ്രവാദ സംഘടനയായ സോളിഡാരിറ്റിയേയും കേരള ജനത ശരിക്കും തിരിച്ചറിഞ്ഞുകൊണ്ടിരിക്ക്കുന്നതില്‍ നമ്മുക്ക് സന്തോഷിക്കാം, ജമാ‍‌അത്തിന്റേയും സോളിഡാ‍ാരിറ്റിയൂടേയും ജനാധിപത്യം സ്നേഹം യഥാര്‍ത്ഥമാണെങ്കില്‍ അവര്‍ ഇന്ത്യന്‍ ജനാധിപത്യത്തില്‍ വിശ്വസിച്ച് ഭരണത്തില്‍ പങ്കാളിയാവാന്‍ ആഗ്രഹമുണ്ടെങ്കില്‍ ആദ്യം ചെയ്യേണ്ടത് മൌദൂദിന്റെ ആശയങ്ങളെ ഉപേക്ഷിക്കുക എന്നതാണ്.

താലിബാനിസം കേരളത്തില്‍

2010-05-29T03:27:00.000-07:00

നമ്മള്‍ അഫ്‌ഗാനിസ്ഥാനിലെ താലിബാന്‍ ഭരണ സമയത്ത് കേട്ടുകൊണ്ടിരുന്ന വാര്‍ത്തകളാണ്

ശശി തരൂരിനെ പിന്തുണയ്ക്കുക

2010-04-16T21:22:00.000-07:00

കേരള ജനത ഒറ്റയ്ക്കെട്ടായി നിന്ന് ശശി തരൂരിനെ പിന്തുണയ്ക്കുക, ഇതില്‍ രാഷ്ട്രീയ കലര്‍ത്താതെ ഒറ്റകെട്ടാവുക. കേരളത്തിനും കേരള ജനതയ്ക്കും ഒത്തിരി വികസന സാധ്യതയുള്ള ഐ.പി.എല്‍ ക്രിക്കറ്റിനെ കേരള മണ്ണില്‍ നിന്ന് ഗുജറാത്തിലേക്ക് പറിച്ചു നടാനുള്ള ലളിത് മോഡി, നരേന്ദ്ര മോഡി കൂട്ടുകെട്ടിന് ഓശാന പാടുന്ന ബിജെപിയുടെ പാര്‍ലിമെന്റ് നടപടിയ്ക്ക് പിന്തുണയ്ക്കുന്ന ഇടതുപക്ഷത്തിന്റെ ഇരട്ടതാപ്പ് നയം ജനങ്ങള്‍ മനസ്സിലാക്കുക.
ഇടതുപക്ഷമാണ് ഇപ്പോള്‍ പൊട്ടന്‍ കളിക്കുന്നത്, ലളിത് മോഡിയാണ് യഥാര്‍ത്ഥത്തില്‍ കേരളത്തിനെതിരായി ഇവിടെ കളിക്കുന്നത് , ഈ മോഡിക്കെതിരെ ബി.ജെ.പിയോ മറ്റു ഇടതുപക്ഷമോ ഒരാരോപണവും ഉന്നയിച്ചിട്ടില്ല അങ്ങനെ ഉന്നയിച്ചാല്‍ ലളിത് മോഡി നരേന്ദ്രമോഡിയ്ക്കെതിരെ വെടിപൊട്ടിയ്ക്കും അപ്പോള്‍ ബി.ജെ.പി.യുടെ രാഷ്ട്രീയ ലക്ഷ്യം പുറത്തറിയും എന്നാല്‍ കേവലം രാഷ്ട്രീയ ലാഭത്തിനായ് ശശി തരൂരിനെതിരെ കോണ്‍ഗ്രസ്സിനകത്തും, ഇടതുപക്ഷവും ചെയ്യുന്ന തെറ്റ് കേരളത്തിനെതിരാണന്ന ഓര്‍മ്മ ഉണ്ടായിരിക്കുന്നത് നല്ലതാണ്. ബിജെപിയ്ക്ക് കേരളത്തില്‍ നിന്ന് ഒന്നും നഷ്ടപ്പെടാനില്ല നഷ്ടം അത് ഇടതുപക്ഷത്തിന് മാത്രമായിരിക്കും എന്നോര്‍ക്കുക.
ശശി തരൂരെന്ന കഴിവും പ്രാപ്തിയുമുള്ള വ്യക്തിയെ രാഷ്ട്രീയത്തില്‍ നിന്നു തനെ ഉന്മൂലനം ചെയ്യുക എന്നത് എല്ലാ രാഷ്ട്രീയ സംഘടനകളുടേയും ലക്ഷ്യമാണ്, അദ്ദേഹത്തെ പോലെ സ്ഫുടതയോടെ ഒരു വാക്ക് ഇംഗ്ലീഷ് പോലും സംസാരിക്കാനാവാത്ത ചില നാലാം ക്ലാസുക്കാരായ മന്ത്രിമാര്‍ക്കും , ജരാനര ബാധിച്ച് ഒന്നെഴുന്നേറ്റ് നടയ്ക്കാനാവാത്ത പ്രധാനമന്ത്രി സ്ഥാനം മോഹിച്ച് നടയ്ക്കുന്നവര്‍ക്കും ശശി തരൂര്‍ എന്ന വ്യക്തിത്വം വലിയ തടസ്സമാണ്.

ക്രൂരന്‍, സാഡിസ്റ്റ്

2010-04-05T21:42:00.000-07:00

പത്ത് ദിവസം മുന്‍പ് അതിദാരുണമായൊരു സംഭവം എന്റെ സഹോദരിക്കുണ്ടായി, എന്റെ ഏറ്റവും താഴെയുള്ള സഹോദരിയുടെ 10 മാസം പ്രായമുള്ള അമീന്‍(ഏക മകന്‍) എന്ന കൈകുഞ്ഞിന്റെ തലയില്‍ ഒരു കരിക്ക് വീണ് അതിദാരുണമായി മരണപ്പെട്ടു, വിശ്വാസികളായ പലരും അവളെ ആശ്വസിപ്പിച്ചത് ഇങ്ങനെയായിരിന്നു “ അള്ളാന്റെ തീരുമാനമല്ലേ അവന്‍ വിളിച്ചാല്‍ പോവാതിരിക്കാനാവുമോ ?
ഈ വിശ്വാസികളോട്
..ഹേ മനുഷ്യരെ... നിങ്ങളുടെ ദൈവം ഇത്ര ക്രൂരനാണോ ? ഒരു പിഞ്ചു പൈതലിന്റെ തലയില്‍ കരിക്കെറിഞ്ഞ് തന്നെ വേണം തിരികെ വിളിക്കാന്‍ ? ഇത്രവലിയ ശക്തിയുള്ള ദൈവമല്ലേ നിങ്ങളുടേത്, ആ പാവം പൈതല്‍ ഉറങ്ങി കിടയ്ക്കുമ്പോള്‍ ഒരു ഉറുമ്പ് കടിച്ച വേദന പോലും ഏല്പിക്കാതെ തിരികെ എടുക്കാന്‍ കഴിയില്ലേ ?
.. ഹേ മനുഷ്യരെ.. നിങ്ങളുടെ ദൈവം ഇത്ര സാഡിസ്റ്റാണോ ? എന്റെ സഹോദരിയുടെ, കുട്ടിയുടെ പിതാവിന്റെ, എന്റെ മാതാവിന്റെ ആ കുട്ടിയെ പൊന്നുപോലെ നോക്കിയവരുടെയെല്ലാം മനസ്സ് നോവുമ്പോള്‍ അത് കണ്ടു രസിക്കുന്ന കേവലം സാഡിസ്റ്റല്ലേ നിങ്ങടെ ദൈവം ?
ചിന്തിയ്ക്കൂ മനുഷ്യരേ ദൈവം എന്നത് കരുണാനിധിയും ദയാനിധിയുമായിരുന്നെങ്കില്‍ ആ കുഞ്ഞിനെ ഇങ്ങനെ തിരികെ വിളിയ്ക്കുമായിരുന്നുവോ ? എന്നിട്ടും ആ ദൈവത്തില്‍ നിങ്ങള്‍ വിശ്വസിക്കാന്‍ ലജ്ജയില്ലേ ?

അള്ളാ പറഞ്ഞതും കോടതി വിധിച്ചതും

2010-04-02T02:49:00.000-07:00

അള്ളാ മുഹമദിനോടും അവന്റെ അനുനായികളോടും (ഖുറാനില്‍ എന്തൊക്കെ പറഞ്ഞുവോ അതൊക്കെ മുഹമദിനോടും അവന്റെ അനുനായികളോടും കൂടിയാണല്ലോ .. അള്ളാ പറഞ്ഞത് ഇങ്ങനെ ‘33മത്തെ അധ്യായത്തിലെ 52 മത്തെ സൂക്തം‘ “ ഇനിമേല്‍ നിനക്ക് (വേറെ) സ്ത്രീകളെ വിവാഹം കഴിക്കാന്‍ അനുവാദമില്ല, ഇവര്‍ക്ക് പകരം വേറെ ഭാര്യമാരെ സ്വീകരിക്കുവാനും (അനുവാദമില്ല) അവരുടെ സൌന്ദര്യം നിനക്ക് കൌതുകം തോന്നിച്ചാലും ശരി.നിന്റെ വലതുകൈ ഉടമപ്പെടുത്തിയവര്‍ (അടിമ സ്ത്രീകള്‍)ഒഴികെ അല്ലാഹു എല്ലാ കാര്യവും നിരീക്ഷിച്ചു കൊണ്ടിരിക്കുന്നവനുമാകുന്നു”
ഇതു തന്നെയല്ലേ നമ്മുടെ കോടതിയും പറഞ്ഞതും .. വിവാഹം ഹിന്ദുക്കള്‍ ഒന്ന്.. ക്രിസ്ത്യന്‍ 1 .. മുസ്ലിങ്ങള്‍ 4 അതിന് പുറമെ പ്രായ പൂര്‍ത്തിയായ ഏതൊരു ഇന്ത്യന്‍ പൌരനും പരസ്പര ധാരണയോടെ ഒരുമിച്ച് താമസിക്കാം , മുഹമദിന് വിവാഹം കഴിക്കാതെ സ്ത്രീകളെ വേള്‍ക്കാമെങ്കില്‍ എന്തുകൊണ്ട് അത് മറ്റുള്ളവര്‍ക്കായിക്കൂടാ ?
അതിനെന്തിനാ കാന്തപുരം സാറും മറ്റു ഇസ്ലാമിസ്റ്റുകളും വാളെടുക്കുന്നത്? വിവാഹം കഴിക്കാതെ സ്ത്രീകളെ വെച്ചിരിക്കുന്നത് തെറ്റാണോ ? ഇസ്ലാമിസ്റ്റുകള്‍ ഇത് തെറ്റാണന്ന് പറയില്ല അങ്ങനെ പറഞ്ഞാല്‍ അവര്‍ മുഹമദിനെ തള്ളി പറയുന്നവരായിക്കും, കാന്തപുരം സാറേ ഇതെങ്ങനെ മുസ്ലിം ശരീഅത്തിനെതിരായിരിക്കും , മുസ്ലിം ശരീഅത്ത് എന്നാല്‍ , ഖുറാനും മുഹമദിന്റെ ജീവിത ചര്യയുമെല്ലാം അല്ലേ ?

അവള് കാത്തിരിക്കുകയാണ്

2010-03-20T22:25:00.000-07:00

നിലാവുള്ള എല്ലാ രാത്രികളും അവളൊരിക്കലും ഉറങ്ങാറില്ല, നിലാവ് അവളുടെ സ്വപ്നങ്ങള്ക്ക് ജീവന് വെയ്പ്പിയ്ക്കുന്നു. മനസ്സിനെ മേയാനനുവദിച്ചവള് ശരീരത്തെ ശാന്തതയുടെ തീരത്തേയ്ക്ക് അടുപ്പിയ്ക്കുന്നു.
അവള് ആരെന്നായിരിക്കും നിങ്ങള് ചോദിയ്ക്കുക .
ഒരു സ്ത്രീ , അവളൊരു സാധാരണ സ്ത്രീയല്ല എന്നാല് എല്ലാ സ്ത്രീകളെ പോലെ തന്നെ എല്ലാം കൃത്യമായി ഉള്ളൊരു സ്ത്രീ പക്ഷെ എന്തല്ലാമോ ഇല്ലായെന്ന് സമൂഹവും അവളും കല്പിച്ചു , ബുദ്ധിയില്ലാത്ത, സൌന്ദര്യമില്ലാത്ത , ധനമില്ലാത്ത അങ്ങനെ ഒരു സ്ത്രീയ്ക്ക് ഏറ്റവും പ്രധാന്യമേറിയതൊന്നുമില്ലാത്ത ഒരു പാവം
“ മൂപ്പര് വിളിച്ചിരിന്നു, അടുത്ത മാസം വരുമെന്ന് പറഞ്ഞു , എനിക്ക് എന്താണ് വേണ്ടതെന്ന് ചോദിച്ചു, ഞാന് പറഞ്ഞു “എനിക്കൊന്നും വേണ്ട നിങ്ങളൊന്ന് വന്നാല് മതി”
അടുത്ത വീട്ടിലെ അവളുടെ കൂട്ടുക്കാരിയോടായി അവള് പറഞ്ഞു, കൂട്ടുക്കാരി ചിരിച്ചുവെങ്കിലും മനസ്സില് വല്ലാത്തൊരു വ്യഥ, സത്യത്തില് അങ്ങനെ ആരും അവള്‍ക്ക് വിളിക്കാനില്ലായിരിന്നു ,അവിവാഹിതയായ അവളുടെ മനസ്സില് താന് വിവാഹിതയായെന്നും , ഭര്‍ത്താവ് ഗള്ഫിലാണെന്നും ഇടയ്ക്കിടെ ടെലിഫോണ് ചെയ്യാറുണ്ടെന്നും ആ തോന്നലാണ് അവളെ ഓരോ നാളും എഴുന്നേല്‍പ്പിയ്ക്കുന്നത്, അനുജത്തിയുടെ വിവാഹ ദിവസം തന്റെ ഭര്ത്താവ് വന്നിട്ട് മതി വിവാഹമെന്നവള് ശഠിച്ചപ്പോള് മനസ്സുകൊണ്ട് കരയാത്തവര് ആരുമില്ലായിരിന്നു.
അടുത്തുള്ള അംഗനവാടിയിലെ കുഞ്ഞുങ്ങളെ സ്വന്തം കുഞ്ഞുങ്ങളെ പോലെ താലോലിക്കുമ്പോളറിയാം അവളിലും ഉറങ്ങി കിടയ്ക്കുന്നൊരു മാതൃത്വമുണ്ടെന്ന് , ഏതൊരു കുഞ്ഞുങ്ങളേയും സ്വന്തമെന്ന് സ്നേഹിക്കാനാവുന്ന അവള്‍ക്ക് ഒരു ജീവിതമോ കുഞ്ഞോ ഉണ്ടാവണമെന്നാഗ്രഹിക്കുന്നവര്‍ക്ക് പോലുമറിയാം അങ്ങനെയൊരു ജീവിതം അവള്‍ക്കുണ്ടാവില്ലാന്ന്, സൌന്ദര്യമോ, ധനമോ, വിദ്യാഭാസമോ ബുദ്ധിയോ ഇല്ലാത്ത ഒരു സ്ത്രീയെ ആരു വിവാഹം ചെയ്യാന് ? എല്ലാ ആശങ്കള്‍ക്കും ചോദ്യങ്ങള്‍ക്കും മുന്പില് എല്ലാ പല്ലുകളും കാട്ടി കണ്ണുകള് ഇറുകി പിടിച്ചവള് പറയും “ മൂപ്പരുടെ ഫോണിപ്പോള് വരും ഞാന് വീട്ടില് പോവട്ടെ “
അവള് കാത്തിരിക്കുകയാണ് , അവളുടെ മനസ്സില് മാത്രമുള്ള ആ സുന്ദരനായ തന്റെ ഭര്ത്താവിനെ.

വിവാഹ വാര്‍ഷികം “4”...

2010-03-17T02:03:00.000-07:00

ഇന്ന് ഞങ്ങളുടെ (ഫാറൂഖ് ബക്കര്‍ / സലീന ) 4ആം വിവാഹ വാര്‍ഷികമാണ് .. ഇപ്പോള്‍ ഞങ്ങള്‍ രണ്ടും ഞങ്ങള്‍ക്ക് രണ്ട് പേരും (സ്നേഹ സെലിന്‍/സിനോവ് സെലിന്‍).

മോഹന്‍ലാലിന് ഡി.ലിറ്റ് ബിരുദം നല്‍കിയതില്‍ പ്രതിഷേധിക്കുന്നു

2010-03-16T20:43:00.000-07:00

മോഹന്‍ലാലിന് ഡി.ലിറ്റും,കേണല്‍ പദവിയുമെല്ലാം എന്തടിസ്ഥാനത്തിലാണ് നല്‍കുന്നത് എന്ന് സാദാ ജനത്തിന് മനസ്സിലാവുന്നില്ല, രണ്ടു പടത്തില്‍ പട്ടാളക്കാരനായി അഭിനയിച്ചതിനോ , ഒരു നാടകത്തില്‍ സംസ്കൃത ഭാഷയില്‍ ഡയലോഗ് പറഞ്ഞ് അഭിനയിച്ചതിനോ ? അങ്ങനെയെങ്കില്‍ സ്ഫടികത്തിലെ തെമ്മാടി വേഷത്തിന് തെമ്മാടി പട്ടവും, മദ്യത്തിനും ഒരു കഴുത്തറപ്പന്‍ പലിശ കമ്പനിക്ക് വേണ്ടി പരസ്യം ചെയ്യുന്നതിനും എന്തു തരം ബിരുദമാണ് അദ്ദേഹത്തിന് നല്‍കേണ്ടത് ? , പത്മശ്രീയും , ഭരത് ആവാര്‍ഡുമെല്ലാമാവാം അതിന് പല ന്യായീകരണവും പറയാം എന്നാല്‍ ഈ ഡി.ലിറ്റ് നല്‍കാനും കേണല്‍ പദവി നല്‍കാനും മാത്രം എന്ത് മഹിമയാണ് മി.മോഹന്‍ലാലിനുള്ളത് ? അദ്ദേഹത്തേക്കാള്‍ എത്രയോ കഴിവുള്ള നടന്മാര്‍ ഇതിനേക്കാള്‍ എത്രയോ നല്ല വേഷങ്ങള്‍ ചെയ്തിട്ടുണ്ട് എന്തേ അവര്‍ക്കൊന്നും നല്‍കാത്തത് ഇദ്ദേഹത്തിന് നല്‍കണം , സുകുമാര്‍ അഴിക്കോട് എന്ന സാംസ്ക്കാരിക നായകനെ പരിഹസിച്ച ഒരു കാരണം മതി അദ്ദേഹത്തെ നമ്മുക്ക് സമൂഹത്തില്‍ നിന്ന് ഒഴിവാക്കാന്‍.. നമ്മുടെ ബെര്‍ള്ളി പണ്ടൊരു പോസ്റ്റില്‍ പറഞ്ഞത് പോലെ എത്രപേര്‍ക്ക് എന്തല്ലാം കൊടുക്കേണ്ടി വരുമോ എല്ലാം സഹിക്കേണ്ടെ ......

എന്റെ ജന്മദിനം മാര്‍ച്ച് പതിനാറിനു

2010-03-05T22:02:00.000-08:00

മാര്‍ച്ച് 16 എന്റെ ജന്മദിനമാണ്, ഈ ജന്മദിനത്തിനൊരു പ്രത്യേകതയുണ്ട് എന്റെ ജീവിതത്തിലെ മൂന്നിലൊന്ന് പൂര്‍ത്തീകരിക്കുന്ന ദിനം അതായത് എനിക്ക് 40 വയസ്സ് പൂര്‍ത്തീകരിക്കുന്ന ദിനം, ഈ ദിനം വരുമ്പോള്‍ ഗള്‍ഫ് ജീവിതം അവസാനിപ്പിച്ച് സ്വസ്ഥമായി നാട്ടില്‍ സ്ഥിരമാക്കിയിരിക്കുമെന്ന് ഗള്‍ഫിലെത്തിയ ആദ്യ വര്‍ഷങ്ങളില്‍ തന്നെ ഞാനെന്റെ ചങ്ങാതിമാരോട് പറഞ്ഞിരിന്നു, അന്നത് പറയുമ്പോള്‍ എന്റെ മുന്‍പില്‍ പര്‍വ്വതത്തേക്കാള്‍ ഉയരത്തിലുള്ള പ്രശ്നങ്ങളായിരുന്നു എനിക്കുറപ്പുണ്ടായിരുന്നു അതല്ലാം നിഷ്പ്രയാസം ഞാന്‍ തരണം ചെയ്യുമെന്നും... ഇന്ന് ഞാന്‍ എന്റെ നാട്ടില്‍ സ്ഥിരമാക്കിയിരിക്കുന്നു, പ്രവാസം എന്നത് ഒരു ഫെവികോള്‍ പശയല്ല നമ്മില്‍ നിന്ന് വിട്ടകലാതിരിക്കാന്‍ എന്ന് എന്റെ സ്വന്തം ചിന്തകൊണ്ടും പ്രവൃത്തികൊണ്ടും എനിക്ക് കഴിഞ്ഞിരിക്കുന്നു, 4 മാസമായിട്ടൊള്ളൂ പ്രവാസം അവസാനിപ്പിച്ചിട്ട് എങ്കിലും ആ തീരുമാനം വളരെ ശരിയെന്ന് തന്നെയാണ് ഓരോ നാളിലേയും എന്റെ അനുഭവം എന്നെ ബോദ്ധ്യപ്പെടുത്തുന്നത് , 40 വര്‍ഷം കൊണ്ട് വ്യക്തിപരമായി സാമ്പത്തിക നേട്ടമൊന്നും എനിക്കായില്ല എങ്കിലും അതിലേറെ ബൌദ്ധിക നേട്ടം എനിക്കുണ്ടായി എന്നത് സത്യമാണ് അതിലുപരി നല്ല നല്ല അനുഭവവും .

തിലകനോട് ഐക്യദാര്‍ഢ്യം പ്രകടിപ്പിയ്ക്കുന്നു

2010-02-22T04:28:00.000-08:00

എന്റെയീ കൊച്ചു ബ്ലോഗില്‍ ഒരു ചെറിയ പോസ്റ്റില്‍ മഹാ നടനായ തിലകനോട് ഐക്യദാര്‍ഢ്യം പ്രകടിപ്പിയ്ക്കുന്നു, ഏതൊരു സൂപ്പര്‍ സ്റ്റാറിന്റെ പടവും അതിന്റെ പൂര്‍ണ്ണതയില്‍ എത്തണമെങ്കില്‍ ഒത്തിരി നടമാരുടെ അഭിനയ ശേഷി ഉണ്ടായേ മതിയാവൂ, തിലകനെ പോലുള്ളൊരു നടനെ ഒഴിവാക്കുക എന്നൊക്കെ പറഞ്ഞാല്‍ അതൊരു ഫാസിസ്റ്റ് ചിന്താഗതിയായെ കാണാനാവൂ അതാര് ചെയ്താലും, തിലകനും നെടുമുടി വേണുവും പോലുള്ള നടന്മാരുടെ കഴിവ് കൊണ്ട് കൂടിയാണ് മലയാള സിനിമ ഇത്രയും നിന്ന് പോകുന്നത്, അവരോടൊക്കെ ദേഷ്യമുള്ള മലയാള സിനിമയെ സ്വാധീനിക്കാന്‍ കഴിവുള്ള ഏതൊരു നടനും ഒരു കഴിവുള്ള നടനെ വിലക്കുക എന്നാല്‍ തികച്ചും തെറ്റാണ് മാത്രമല്ല അവര്‍ കലാലോകത്തോട് ചെയ്യുന്ന ക്രൂരതകൂടിയാണ്.

വാല്‍‌കഷണം
മമ്മുട്ടിയും മോഹന്‍ലാലുമൊക്കെ അവരുടെ മക്കളുടെ പ്രായമുള്ളവരുമായൊക്കെ പ്രേമം അഭിനയിക്കുന്നത് കാണുമ്പോള്‍ മലയാള സിനിമയില്‍ യുവാക്കള്‍ക്ക് ക്ഷാമമോ എന്ന് സംശയിച്ച് പോകുന്നു മാത്രമല്ല വല്ലാത്ത അരോചകത്വവും.

ഇസ്ലാമത വിശ്വാസികളോട് ചില ചോദ്യങ്ങള്‍

2010-02-16T21:30:00.000-08:00

ബൂലോകത്തുള്ള എല്ലാ ഇസ്ലാമത വിശ്വാസികളോടുമായി ചില ചോദ്യങ്ങള്‍ ഇതെന്റെ സംശയങ്ങളുമാണ്, ഇതിന് വളരെ വ്യക്തമായ ഉത്തരം തരികയാണെങ്കില്‍ വളരെ സന്തോഷം.
1) മുഹമ്മദ് എത്ര വിവാഹങ്ങള്‍ ചെയ്തു , അവരുടെ പേരെന്തൊക്കെയാണ് , വിവാഹം കഴിക്കുമ്പോള്‍ പെണ്‍കുട്ടികളുടെ പ്രായം എത്രയായിരിന്നു ?
2) എന്താണ് ഹനീമത്ത് , ഇങ്ങനെ ലഭിച്ചിരുന്ന എല്ലാ സ്ത്രീകളേയും മുഹമ്മദ് വിവാഹം ചെയ്തിരുന്നുവോ (മുഹമ്മദിന് ലഭിച്ച പങ്ക് )? വിവാഹം ചെയ്യാതെ അവരെ ഭോഗിക്കാന്‍ മുഹമ്മദിനനുവാദം ഉണ്ടായിരുന്നുവോ ?
3) ഷിയാ സുന്നി വിഭാഗങ്ങള്‍ ഉണ്ടായെതെങ്ങനെ ?
4) ഇസ്ലാമില്‍ അടിമ വ്യവസ്ഥ പൂര്‍ണ്ണമായും നിരോധിച്ചിരുന്നുവോ ? അങ്ങനെയൊരു ആയത്ത് ഖുറാനിലുണ്ടോ ? എങ്കില്‍ അവ ഏതൊക്കെ ? (പ്രത്യേകം ... ഭാഗീകമായ നിരോധനമല്ല പൂര്‍ണ്ണമായ നിരോധനം ).

ഏതാണ് ശരി ?

2010-02-04T01:05:00.000-08:00

ഒത്തിരി ചര്‍ച്ച ചെയ്തതും, ചെയ്തുകൊണ്ടിരിക്കുന്നതുമായൊരു വിഷയമാണ് മതപരം പ്രത്യേകിച്ച് ഇസ്ലാമതത്തിലെ കൊള്ളരുതായ്മകള്‍,ഇന്ന് ഇസ്ലാമിക ചിന്താഗതി രണ്ടായി തിരിക്കപ്പെട്ടിരിക്കുന്നു, മിതവാദികളും തീവ്രചിന്താഗതിയും, തീവ്രചിന്താഗതിക്കാരുടെ തെറ്റായ പ്രവര്‍ത്തികളെ പരസ്യമായി തള്ളിപറയുകയും രഹസ്യമായി പിന്തുണയ്ക്കുകയും ചെയ്യുന്നതിന്റെ ഫലമാണ് താലിബാന്‍ തൊട്ട് മറ്റേത് ഭീങ്കരവാദികളുടെ കയ്യിലെത്തുന്ന അത്യാധുനികമായ ആയുധനങ്ങളുടെ ശേഖരം.
എന്റെ കാഴ്ച്ചപ്പാടിലും ഇസ്ലാമിനെ കുറിച്ചുള്ള എന്റെ പഠനത്തിലും ഞാന്‍ മനസ്സിലാക്കിയിട്ടുള്ളത്, യഥാര്‍ത്ഥമായ ഇസ്ലാമിക തത്ത്വചിന്ത പിന്‍‌പറ്റുന്നവര്‍ താലിബാന്‍ അനുയായികളും മറ്റു ഭീകരചിന്താഗതിക്കാരായ മുസ്ലിംങ്ങളുമാണ് , ഒരു യഥാര്‍ത്ഥ മുസ്ലിം പാട്ടു പാടാനോ മറ്റു വിനോദ പരിപരിപ്പാടികളിലോ പങ്കെടുക്കാന്‍ പാടില്ല, മനുഷ്യരുടെ ചിത്രം വരയ്ക്കാന്‍ പാടില്ല, ഫോട്ടോ എടുക്കാന്‍ പാടില്ല, കണങ്കാലിന് മുകളിലായിരിക്കണം മുണ്ട് എടുക്കുന്നുണ്ടെങ്കില്‍ (പാന്റ്സും അതുപോലെ തന്നെയായിരിക്കണം),കലാപരിപാടികളില്‍ പങ്കെടുക്കാന്‍ പാടില്ല, പ്രായ പൂര്‍ത്തിയായ പെണ്‍‌കുട്ടികള്‍ സമപ്രായക്കാരോ അതില്‍ കൂടുതല്‍ വയസ്സുള്ളവരുമായോ സംസാരിക്കാന്‍ പാടില്ല, പൊതുവേദികള്‍ പങ്കിടാന്‍ പാടില്ല(സ്കൂളിലോ, കോളേജിലോ പോകരുത്), സമൂഹ മദ്ധ്യത്തില്‍ വരുന്നുണ്ടെങ്കില്‍ അവര്‍ മുഖവും മുന്‍‌ക്കൈയും ഒഴികെ മറ്റെല്ലാം മറച്ചിരിക്കണം, ഇതൊക്കെയാണ് യഥാര്‍ത്ഥ ഇസ്ലാമിക നിയമങ്ങള്‍. ഈ നിയമങ്ങള്‍ കര്‍ശനമായി പാലിക്കുന്നവരാണ് താലിബാനികളും മറ്റു തീവ്രവാദി ഭീകരവാദി എന്നാരോപിയ്ക്കുന്നവര്‍ ഇനി പറയുക തെറ്റ് ഇസ്ലാമിക തത്ത്വചിന്തയ്ക്കോ അതോ അത് അതേപടി ഉള്‍കൊള്ളുന്ന താലിബാന്‍ തുടങ്ങിയവരോ ?

വിദ്യാര്‍ത്ഥികളുടെ അറിവിലേക്ക്.....

2010-01-29T03:00:00.000-08:00

ബ്ലോഗ് വായിക്കുന്നവര്‍ നിങ്ങളറിയുന്ന വിദ്യാര്‍ത്ഥികളോട് ഒരു കാര്യം പറയുക പ്രത്യേകിച്ച് മലബാറിലെ വിദ്യാര്‍ത്ഥികളോട്.... ഉത്തര കേരളത്തിലെ ഒട്ടു മിക്ക വിദ്യാര്‍ത്ഥികളും ട്രാന്‍സ്പോര്‍ട്ട് വണ്ടിയില്‍ കണ്‍ഷസന്‍ യാത്ര നടത്തുന്നവരാണ്, എന്നാല്‍ മലബാറിലെ 95% വിദ്യാര്‍ത്ഥികള്‍ക്കും സത്യത്തിലറിയില്ല തങ്ങള്‍ക്ക് കണ്‍ഷസന്‍ നമ്മുടെ സര്‍ക്കാര്‍ വാഹനത്തില്‍ ലഭിയ്ക്കുന്ന വിവരം. പ്രിയ വിദ്യാര്‍ത്ഥികളെ.... നിങ്ങള്‍ പഠിക്കുന്ന സ്ഥാപനത്തിലെ മേലാധികരിയില്‍ നിന്ന് ലഭിയ്ക്കുന്ന തിരിച്ചറിയല്‍ കാര്‍ഡില്‍ നിങ്ങളുടെ വീടും പഠിയ്ക്കുന്ന സ്ഥാപനവും (ഇവയ്ക്കിടെയിലെ ദൂരം മാത്രം) രേഖപ്പെടുത്തിയാല്‍ (ട്രാണ്‍സ്പോര്‍ട്ട് അധികാരികളുടെ ഒപ്പ് ചിലപ്പോള്‍ വേണ്ടി വരും)നിങ്ങള്‍ക്ക് നമ്മുടെ സ്വന്തം സ്വത്തായ ആനവണ്ടിയിലും കണ്‍ഷസന്‍ ലഭിയ്ക്കും ..
NB
ആനവണ്ടി നമ്മുടെ സ്വന്തം സ്വത്താണ്, ഏതച്ചന്‍ വന്നാലും അമ്മയ്ക്ക് തല്ലുറപ്പ് എന്ന നിലപാടാണ് പൊതുവെ ആനവണ്ടി കാണുമ്പോള്‍ സമരക്കാര്‍ക്ക്, ദേശസ്നേഹം ഞങ്ങള്‍ക്ക് മാത്രമൊള്ളൂ എന്നഹങ്കരിക്കുന്ന ബി.ജെ.പി യുടെ ഹര്‍ത്താലില്‍ 20 അധികം സര്‍ക്കാര്‍ വണ്ടികള്‍ എറിഞ്ഞു തകര്‍ത്തു .. ഇവരുടെ കസര്‍ത്ത് കണ്ടാല്‍ തോന്നും ഈ ബസ്സുകളൊക്കെ പാക്കിസ്ഥാന്‍ സര്‍ക്കാറിന്റേതാണന്ന്, പ്രിയ വിദ്യാര്‍ത്ഥികളെ നമ്മുടെ സ്വന്തം വീട്ടിലെ അലമാറയിലെ ചില്ല് നമ്മള്‍ പൊട്ടിയ്ക്കാറിലല്ലോ അതുപോലെ കരുതി നമ്മുടെ സ്വത്തായ ആനവണ്ടിയെ ഒരു സമരത്തിലും ഏര്‍പ്പെടുന്ന വിദ്യാര്‍ത്ഥികള്‍ എറിഞ്ഞു തകര്‍ക്കരുത് .. യഥാര്‍ത്ഥ രാജ്യ സ്നേഹികള്‍ പൊതുമുതല്‍ നശിപ്പിയ്ക്കില്ല

ശങ്കരനാരായണന് മറാത്ത അറിയുമോ ???

2010-01-22T23:03:00.000-08:00

മഹാരാഷ്ട്ര ഗവര്‍ണറായി ബഹുമാനപ്പെട്ട ശങ്കരനാരായണന്‍ ചുമതലയേറ്റു.. ഇതിലെന്തിരിക്കുന്നുവെന്നായിരിക്കും നിങ്ങള്‍ ചിന്തിയ്ക്കുക, ഉണ്ടല്ലോ എന്തോ ഉണ്ടല്ലോ, അവിടെ ഭരിക്കുന്നത് കേന്ദ്രത്തില്‍ നമ്മെ ക്ഷ .. ങ്ങ ..ണ്ണ വരപ്പിയ്ക്കുന്ന കാണ്‍ഗ്രസ്സ് അണ്ണന്മാരണല്ലോ, ഇവരടൊത്തൊരു നിയമം കൊണ്ടുവന്നല്ലോ മഹാരാഷ്ട്രയില്‍ , മറാത്ത സംസാരിക്കുകയും എഴുതുകയും വായിക്കുകയും അറിയാത്തവര്‍ക്കൊന്നും ഇനിമേലില്‍ ടാക്സി ഓടിയ്ക്കാന്‍ ലൈസന്‍സ് കൊടുക്കേണ്ട ആവശ്യമില്ലാന്ന്, നമ്മടെ താക്കറേ അണ്ണന്റെ മരുമോന്റെ നവ നിര്‍മ്മാണ സേനക്കാരുടെ പ്രകടന പത്രികയിലെ വാഗ്‌ദ്ദാനം കാണ്‍ഗ്രസ്സുക്കാര്‍ നടപ്പിലാക്കി, ഇവരങ്ങനെയാ എല്ലാ മണ്ടത്തരങ്ങളും ആദ്യമങ്ങട് ചെയ്യും അവസാനം അത് കാരണം തന്നെ ഇവരില്ലാതാവുകയും ചെയ്യും അതിനേറ്റവും വലിയ ഉദാഹരണം ബാബരി മസ്‌ജിത് പരിസരത്ത് അതും തര്‍ക്ക ഭൂമിയില്‍ ശിലാന്യാസത്തിന് നേതൃത്വം കൊടുത്തു അത് ബി.ജെ.പി.ഏറ്റെടുത്ത് കാണ്‍ഗ്രസ്സ് അണ്ണന്‍‌മാരെ പുറത്താക്കി,അവസാനം അഹങ്കാരത്തോടെ ഒറ്റയ്ക്ക് ഭരിച്ചിരിന്ന കാണ്‍ഗ്രസ്സ് സ്വന്തം നിലനില്‍പ്പിനായി ഇത്തിരി തല താഴ്ത്തി മറ്റു പ്രാദേശിക അണ്ണന്‍‌മാരുടെ കൂടെ രാജ്യം ഭരിക്കുന്നു എന്നിട്ടും ഇവരുടെ അഹങ്കാരത്തിനൊരു കുറവും ഇല്ലാന്ന് ഉള്ള കാര്യം ഒരു പെട്രോളിയം മന്ത്രിയുണ്ടല്ലോ മുരളി ദേവ്ര .. ന്റെമ്മോ മൂപ്പരുടെ നടത്തവും ഭാവവും കണ്ടാല്‍ തോന്നും താന്‍ ജനിച്ചത് തന്നെ, തനിക്ക് ലഭിച്ച ഈ സ്ഥാനം ദൈവത്തിന്റെ (ഇവരെ തിരെഞ്ഞെടുത്ത ജനങ്ങള്‍ക്കൊന്നും യാതൊരു വിലയും ഇല്ല) പെരുത്തിഷ്ടം കൊണ്ടാണന്ന് അതുകൊണ്ട് ജനങ്ങളെ സേവിക്കേണ്ട, മാസത്തിലൊരിക്കല്‍ അത് മലയാള മാസം ഒന്നാം തിയ്യതിയാണെങ്കില്‍ ബഹു ഭേഷ്ട് ദൈവത്തെ നേരിട്ട് കണ്ടാല്‍ മതിയല്ലോ , വല്ല കപ്പയോ മാങ്ങയോ ശരിയാവണ്ണം ഉണ്ടാവാന്‍ പ്രാര്‍ത്ഥിയ്ക്കുന്ന പാവങ്ങളുടെ നെഞ്ചത്തൂടെ ലാത്തി വീശി ഓടിച്ചിട്ടായിരിക്കും ഈ മന്ത്രിയും അല്ലാത്തതുമായ ഈ അഹങ്കാരികള്‍ ക്ഷേത്ര ദര്‍ശനം നടത്തുക.. അപ്പോ നമ്മളെന്താ പറഞ്ഞു വന്നത് ? മഹാരാഷ്ട്ര ഗവര്‍ണര്‍ ആയ നമ്മുടെ മലയാളിയായ ഗവര്‍ണര്‍ ബഹു: ശങ്കരനാരായണന്‍ അവര്‍കള്‍ക്ക് മറാത്ത അറിയുമോ , ഈ കാണ്‍ഗ്രസ്സ് അണ്ണന്മാര്‍ മഹാരാഷ്ട്രയിലെ പ്രത്യേകിച്ച് മറാത്തികളുടെ വോട്ട് നവ നിര്‍മ്മാണ സേനയ്ക്കാര്‍ക്ക് പോവാതിരിക്കാന്‍ കൊണ്ടു വന്ന, മഹാരാഷ്ട്രീയരല്ലാത്ത പാവങ്ങളുടെ നെഞ്ചത്ത് കഠാരി ഇറക്കുന്ന ഈ നിയമം, നിയമമായി പ്രാബല്യത്തില്‍ വരണമെങ്കില്‍ മറാത്ത അറിയാത്ത ഈ അണ്ണന്‍ തന്നെ ഒപ്പിടേണ്ടെ എന്നാണെന്റെ ചെറിയ വലിയ ചോദ്യം ??????

സംവരണം അവകാശമല്ല അത് കേവലം ഔദാര്യമാത്രം

2010-01-13T20:31:00.000-08:00

ബഹുമാനപ്പെട്ട ഹൈക്കോടതിയുടെ സുപ്രധാനമായ വിധി എന്തുകൊണ്ടും കേരളീയ സമൂഹത്തിനഭിമാക്കാം, സംവരണത്തിന്റെ ഔദാര്യം പറ്റി ഇത്തികണ്ണികളെ പോലെ കാലം കഴിച്ചുകൂട്ടീയ ന്യൂനപക്ഷാധികള്‍ കണ്ണിലെണ്ണ ഒഴിച്ച് പഠിച്ചുയരേണ്ട കാലത്തിന്റെ വരവിനെയാണ് ബഹുമാനപ്പെട്ട കോടതി വാക്കാലും ഉത്തരവാലും ചരിത്രമെഴുതിയിരിക്കുന്നത്, പരീക്ഷാ ഫീസടയ്ക്കുന്നത് മുതല്‍ (മേല്‍ ജാതി എന്ന വര്‍ഗ്ഗത്തില്‍ ജനിച്ചതുകൊണ്ട് മാത്രം പാവപ്പെട്ട ഒട്ടനവധിപേര്‍ മൂന്നും നാലിരിട്ടി ഫീസ് അടക്കേണ്ട ഗതിക്കേട് , വിദ്യാഭ്യാസ സ്ഥാപനങ്ങളിലും സര്‍ക്കാര്‍ ജോലികളിലും പിന്നാമ്പറത്തേക്ക് ചവിട്ടി മെതിയ്ക്കപ്പെട്ട ദുരനുഭവം) എല്ലായിടത്തും അവഗണിക്കപ്പെട്ട ഉന്നത ജാതിയിലെ പാവങ്ങളുടെ ഉയിര്‍ത്തെഴുന്നേല്‍പിനെ മനസ്സാ ഞാന്‍ സ്വാഗതം ചെയ്യുന്നു.
---------------------------------------------------
ബാല്‍‌താക്കര്‍ക്കെന്തവകാശം
ഭാരതസ്നേഹം പ്രകടിപ്പിയ്ക്കാന്‍ ആസ്ത്രേലിയന്‍ ക്രിക്കറ്റ് കളിക്കാരെ ഭാരത മണ്ണില്‍ പ്രത്യേകിച്ച് മഹാരാഷ്ട്രയിലോ ബോംബെയിലോ കാലുകുത്തിയ്ക്കില്ലാന്ന് പറയാന്‍ ബാല്‍താക്കര്‍ക്കെന്തവകാശം ? .

അശാന്തിയുടെ ക്സ്തുമസ്സ്

2009-12-24T08:11:00.000-08:00

ക്രിസ്തുമസ്സ് ശാന്തിയുടേയും സമാധാനത്തിന്റേയും സ്നേഹ സന്ദേശമാണന്ന അഭിപ്രായത്തോട് ഒട്ടും യോജിപ്പില്ല, സത്യത്തില്‍ അശാന്തിയുടേയും മനുഷ്യ സൗര്യക്കേടിന്റേയും ആരംഭമായിരിന്നു ക്രിസ്തുവെന്ന വ്യക്തിയുടെ ജനനം, അദ്ദേഹം ജനിച്ചില്ലായിരുന്നെങ്കില്‍ കുരിശു യുദ്ധത്തിലൂടെയോ, മറ്റു വംശീയ ജാതീയ വര്‍ഗ്ഗീയപരമായി ലക്ഷങ്ങള്‍ മരിച്ചു വീഴില്ലായിരിന്നു, ഇന്നും പെന്തകോസ്തുക്കാരും കാത്തോലിക്കക്കാരും പരസ്പരം തമ്മിലടിക്കില്ലായിരിന്നു, യേശു സമാധാനം പറഞ്ഞുരിന്നുവെങ്കില്‍ അദ്ദേഹം വധിക്കപ്പെടില്ലായിരിന്നു.. എനിക്ക് മനസ്സിലാവാത്തത് എന്തിന്റെ അടിസ്ഥാനത്തിലാണ് ക്രിസ്തുമസ്സും, ബലിപെരുന്നാലും ചെറിയപെരുന്നാളും, ശ്രീ കൃഷ്ണ ജയന്തിയുമെല്ലാം സമാധാനത്തിന്റെ ദിനങ്ങളാവുന്നു, ഇതല്ലാം ഉണ്ടാക്കിയ മത സ്ഥാപകരല്ലേ ലക്ഷങ്ങള്‍ കൊല്ലപ്പെട്ടതിന്റെ ഉത്തരവാദികള്‍ ?

വിചാരം

എനിക്ക് ലഭിച്ച രണ്ട് വിട പറയല്‍ ചടങ്ങ്

2009-11-09T00:24:00.000-08:00

എന്റെ പ്രവാസ ജീവിതാവസാനത്തിന്റെ ഭാഗമായി സ്നേഹമുള്ള കുവൈറ്റ് ബ്ലോഗേര്‍സ്സും എന്റെ സഹപ്രവര്‍ത്തകരും ചങ്ങാതിമാരും നല്‍കിയ ഹൃദ്യമായി വിടചൊല്ലല്‍ അതിലെ ചിത്രങ്ങള്‍ ... സാധാ‍ാരണ യാത്ര അയപ്പ് ചടങ്ങ് സംഘടിപ്പിയ്ക്കുന്നവരാണ് തീറ്റ നല്‍കുക എന്നാല്‍ എന്റെ ക്കൈകൊണ്ടുണ്ടാക്കിയതാവാം എന്ന എന്റെ നിര്‍ബ്ബന്ധം ... ബ്ലോഗേര്‍സ്സിന് (വൈകുന്നേരമായതിനാല്‍) ഇറച്ചിയും മരചീനിയും ... സഹചാരികള്‍ക്ക് നെയ്‌ച്ചോറും മലബാര്‍ സ്റ്റൈല്‍ തേങ്ങ വറുത്തരച്ചുണ്ടാക്കിയ ക്കോഴിക്കറിയും .... എങ്ങനെ ജീവിയ്ക്കും എന്ന ചോദ്യത്തിനുള്ള ഉത്തരങ്ങള്‍ ഈ വിരുന്നിലും വെയ്പ്പിലും ഉണ്ട് എന്നത് ആരെങ്കിലും മനസ്സിലാക്കിയോ ആവോ :)

ഇതല്ലാം എന്റെ സഹപ്രവര്‍ത്തകരും ചങ്ങാതിമാരും

വിനോദേട്ടന്റെ ആശംസ

തയ്യാറായിരിക്കുന്ന നെയ്ചോറും കറിയും

എനിക്ക് നിഴലായി എല്ലാ സഹായവും

ചെയ്തു തന്ന എന്റെ പ്രിയ മിത്രം യൂസഫ്

കുവൈറ്റ് ബ്ലോഗേര്‍സ് നല്‍കിയ ഹൃദ്യമായ യാത്രയയപ്പ് ചിത്രങ്ങള്‍

പ്രണയ ജിഹാദ്

2009-11-03T20:10:00.000-08:00

പ്രണയ ജിഹാദ് ഇന്ന് കേരളത്തില്‍ മറ്റൊരു മതില്‍ കെട്ട് സൃഷ്ടിച്ചുകൊണ്ടിരിക്കുന്ന വാചകം, മംഗാലാപുരത്തെ ഒരു പ്രണയ ജോഡികളില്‍ നിന്ന് ഉരിത്തിരിഞ്ഞ (ഒരു വക്കീലിന്റെ ബുദ്ധിയില്‍ വന്നൊരു വാചകം) വാക്കുകള്‍ നീതിന്യായ കസേരകളിരിക്കുന്നവര്‍ വരെ ഉപയോഗിച്ച് ഒരു വിഭാഗം ജനതയ്ക്ക് മാനസ്സിക വ്യഥയുണ്ടാക്കുന്നു, ഇതിലെ ആരോപണങ്ങളില്‍ കാമ്പില്ലാന്നുള്ള (മതം മാറ്റി പെണ്‍കുട്ടികളെ കൊല്ലുകയൊ , ജിഹാദിനായ് ഉപയോഗിക്കുകയോ ചെയ്യുന്നു) ത് വളരെ വലിയ സത്യം കാരണം അങ്ങനെയുള്ളൊരു കേസും ഈ നിമിഷം വരെ ഒരു പോലീസും റജിസ്ട്രര്‍ ചെയ്തിട്ടില്ല, തികച്ചും പ്രചരണം അല്ലാതെ മറ്റൊന്നുമല്ല എന്നത് സത്യമാണെങ്കിലും ചിലകാര്യങ്ങള്‍ ഇല്ലാ എന്ന് പറഞ്ഞൂട। വ്യത്യസ്ഥ മത വിഭാഗങ്ങളില്‍ പെട്ടവര്‍ പ്രണയിച്ച് വിവാഹിതരായാല്‍ പുരുഷന്‍ ഏത് മതത്തിലാണോ ആ മതത്തിലായിരിക്കും പിന്നെയങ്ങോട്ടുള്ള പെണ്ണിന്റെ വിശ്വാസജീവിതം, സത്യത്തില്‍ എല്ലാ മതവിഭാഗത്തിലുള്ളവരും ഇത് ചെയ്യുന്നു എന്നത് സത്യമായിരിക്കേ എന്തുകൊണ്ട് ഇസ്ലാമിനെ മാത്രം കുറ്റപ്പെടുത്തുന്നു ( കാരണം കണ്ടെത്തേണ്ടത് ഞാനല്ല ആ മതത്തില്‍ വിശ്വസിക്കുന്നവരായിരിക്കണം) ഒരുപക്ഷെ ഇങ്ങനെയുള്ള വിവാഹങ്ങളില്‍ പുരുഷന്മാര്‍ മുസ്ലിം വിഭാഗത്തില്‍ പെട്ടവരായിരിക്കണം, വ്യത്യസ്ഥ വിഭാഗങ്ങളില്‍ പെട്ടവര്‍ ഇനിമേലില്‍ പ്രണയിച്ചൂടാന്ന് ആദ്യമായി പറഞ്ഞത് മംഗലാപുരത്തെ ശ്രീരാമ സേനയാണ് , അവരുടെ ലക്ഷ്യം മുസ്ലിംങ്ങള്‍ സ്വയം അങ്ങനെ തീരുമാനമെടുക്കണം അതിനുള്ള മാര്‍ഗ്ഗം ഈ ദുഷ്പ്രചരണം അല്ലാതെ മറ്റെന്താണ് ?। ഇവിടെ സര്‍ക്കാര്‍ ചെയ്യേണ്ടത് , വ്യത്യസ്ഥ മതത്തിലോ ജാതിയിലോ പെട്ട ഒരാണും പെണ്ണും ഇഷ്ടമായാല്‍ അവര്‍ വിവാഹം ചെയ്തേ അടങ്ങൂ എന്ന നിര്‍ബ്ബന്ധമുണ്ടായാല്‍ അവരെ ഒരുമിപ്പിയ്ക്കാനും അവരെ അതേ മതങ്ങളിലും വിശ്വാസങ്ങളിലും നില നിര്‍ത്താനും അവര്‍ക്ക് വേണ്ട എല്ലാ സഹായങ്ങളും ചെയ്യാനും ഒരു സംവിധാനം ഒരുക്കുക , ഇനി അതിലൊരാള്‍ക്ക് മറ്റൊരാളുടെ മതത്തില്‍ ചേക്കേറാണ് താല്പര്യമെങ്കില്‍ കോടതി മുഖേനെ മതം മാറ്റത്തിന് അനുവധി കൊടുക്കുക। മിശ്ര വിവാഹത്തിന് സര്‍ക്കാര്‍ പ്രോത്സാഹനം നല്‍കുന്നുണ്ടെങ്കിലും ശക്തമല്ല ആ സംവിധാനം അത് ശക്തമാക്കുക ।
പ്രണയം ഒരു വികാരമാണ് മതത്തിന്റെ കാണാകയറുകള്‍കൊണ്ടതിനെ വരിഞ്ഞു കെട്ടരുത്, അതിനെ ഇല്ലാതാക്കുകയും ചെയ്യരുത് ।പ്രണയത്തിന്റെ പേരില്‍ മതം മാറുന്നതും അത്ര ശരിയല്ല എന്നത് തന്നെയാണ് എന്റെ ശക്തമായ അഭിപ്രായം വ്യത്യസ്ഥ മതവിഭാഗത്തില്‍ പെട്ടുള്ളവര്‍ പ്രണയിച്ചാല്‍ അവര്‍ ജീവിതാന്ത്യവരെ സധൈര്യം അങ്ങനെ തന്നെ നില്‍ക്കുക ॥ മക്കളെ സ്വതന്ത്രമാരായി വളര്‍ത്തുക അവര്‍ക്കിഷ്ടമുള്ള മതമോ എന്തും അവര്‍ തന്നെ സ്വീകരിക്കട്ടെ।
പതിനെട്ട് വര്‍ഷം മുന്‍പ് നടന്നൊരു സംഭവം പറയാം, ഞാനും എന്റെയൊരു ചങ്ങാതിയും (ഫയങ്കര മാര്‍ക്സിറ്റുക്കാരനാണ് ഇപ്പോഴും അദ്ദേഹം) പൊന്നാനി കിണര്‍ ബസ്റ്റോപ്പില്‍ നിന്ന് സംസാരിക്കുകയായിരിന്നു ( കിണര്‍ ബസ്റ്റോപ്പിലിറങ്ങിയാലേ പൊന്നാനി മൌനത്തുല്‍ ഇസ്ലാം സഭയിലേക്ക് പോകാനാവൂ॥ ഇവിടെയാണ് മതം മാറുന്ന സ്ഥലം) ,ബസ്സിറങ്ങിവന്നൊരു കൌമാരക്കാരന്‍ (യുവാവ് എന്നും പറയാം) എന്നോടായിരിന്നു ചോദിച്ചത്, ഇവിടെ എവിടെയാണ് സഭ എന്ന്... ഞാനൊന്നവനെ അടിമുടി വീക്ഷിച്ചു।
“എന്തിനാ മതം മാറാനാണോ ? ”
“അതേ”
“ഇസ്ലാമതത്തെ കുറിച്ച് മനസ്സിലാക്കിയിട്ടാണോ വരുന്നത്”
“അല്ല”
“പിന്നെ॥ പ്രണയം വല്ലതും”
“അതേ”
“ ആകട്ടെ നിന്റെ പേരെന്താ”
“ മനോജ്”
“സ്ഥലം”
“ കണ്ണൂര്‍, പഠിക്കുന്നത് ബ്രണ്ണന്‍ കോളേജില്‍” ( ഈ വ്യക്തി ഇത് വായിക്കാനിടവരട്ടെ എന്നാശിക്കുന്നു)
“ എന്റെ ചങ്ങാതി॥ നിനക്ക് നിന്റെ മതത്തെ കുറിച്ചെന്തറിയാം”
“അതൊന്നും ഞാന്‍ കാര്യായിട്ട് പഠിച്ചിട്ടില്ല”
“ നമ്മള്‍ ഒരു മതത്തില്‍ നിന്ന് വ്യതിചലിക്കുന്നുണ്ടെങ്കില്‍ ആദ്യം സ്വന്തം മതത്തെ കുറിച്ച് വിശദമായി പഠിക്കുക, എന്താണ് അതിലെ പോരായ്മ എന്നതാദ്യം മനസ്സിലാക്കുക, എന്നിട്ട് ആ പോരായ്മയും മറ്റും ഉള്ള മതത്തിനെ കുറിച്ച് പഠിക്കുക, അതിലും പോരായ്മകളുണ്ടോന്ന് അന്വേഷിക്കുക മാത്രമല്ല നാം ഏത് മതത്തില്‍ വിശ്വസിക്കുന്നുണ്ടോ,വളരുന്നുണ്ടോ അതൊരിക്കലും നമ്മുടെ വിശ്വാസത്താലല്ല നമ്മുടെ രക്ഷിതാക്കളുടെ വിശ്വാസപ്രേരണത്താലാണ്, നാം മറ്റൊരു മതത്തില്‍ പോവുകയാണെങ്കില്‍ അവര്‍ക്കുണ്ടാവുന്ന മാനസ്സിക ക്ഷതവും മറ്റും നാം മനസ്സിലാക്കണം, ഒരു സുപ്രഭാതത്തില്‍ ഏതെങ്കിലും ഒരു പെണ്ണിനെ കണ്ട് പ്രണയിച്ച് അവളെ കിട്ടാന്‍ മതം മാറുകയേ മാര്‍ഗ്ഗമൊള്ളൂ എന്ന രീതിയാണെങ്കില്‍ അത് തെറ്റാണ്, ഇനി ആ പെണ്ണുമായി സ്വര ചേര്‍ച്ച ഇല്ലാതായാല്‍ അല്ലെങ്കില്‍ മറ്റൊരു മതത്തില്‍ പെട്ട പെണ്ണിനെ ഇഷ്ടപ്പെട്ടാല്‍ ആ മതത്തില്‍ ചേക്കേറില്ലാന്ന് എന്ത ഉറപ്പ്, ആദ്യം മനോജ് നന്നായി ആലോചിക്കുക എന്നിട്ട് ഉചിതമായ തീരുമാനമെടുക്കുക”
സഭയിലേക്ക് പോവാതെ, മറ്റൊരു ബസ്സ് പിടിച്ചവന്‍ നാട്ടിലേക്ക് തിരികെ പോയി, ഇതിന്റെ പേരില്‍ പല കോലാഹലങ്ങളുമുണ്ടായി , എന്നെ കൊല്ലുക എന്ന ലക്ഷ്യത്തോടെ എന്റെ ചെറിയ മാമനടക്കമുള്ളവര്‍ । ഞാന്‍ ചെയ്ത പാതകം “ മുസ്ലിമാവാന്‍ വന്നവനെ തിരികെ വിട്ടു” ഇന്നും എനിക്കതില്‍ അഭിമാനമേ ഒള്ളൂ । ഞാന്‍ ചെയ്തത് നൂറ് ശതമാനവും ശരിയും।

പെണ്ണുകെട്ടാന്‍ മതം മാറരുത് , നിര്‍ബ്ബന്ധിച്ചോ അല്ലാതെയോ .

ഞാന്‍ പ്രവാസത്തോട് വിട പറയുന്നു

2009-10-09T22:52:00.000-07:00

തിരകഥ പോലെ ജീവിതത്തെ ആര്‍ക്കും മുന്നോട്ട് നീക്കാനാവില്ല എങ്കിലും ചിട്ടയായ ജീവിതക്രമം നമ്മുക്കുണ്ടെങ്കില്‍ തീര്‍ച്ചയായും ഒരു പരിധിവരെ നമ്മുക്ക് അതില്‍ ജയിക്കാനാവും, പതിനഞ്ചു വര്‍ഷം മുന്‍‌പ് കുവൈറ്റിലെത്തിയപ്പോള്‍ എനിക്കൊരു ലക്ഷ്യമുണ്ടായിരുന്നു, പത്തുവര്‍ഷമായിരുന്നു അതിന് ഞാന്‍ മനസ്സില്‍ കരുതിയ സമയ ദൈര്‍ഘ്യം എന്നാല്‍ ഞാന്‍ പ്രതീക്ഷിക്കാത്ത പല പ്രശ്നങ്ങളും കടന്നു വന്നതിനാല്‍ പത്ത് എന്നത് പതിനഞ്ചുവര്‍ഷമായി എന്നത് മറ്റൊരു സത്യം, കഴിഞ്ഞ വര്‍ഷം ആഗസ്ത് മുന്നാം തിയ്യതിയോടെ എന്റെ ലക്ഷ്യം ഞാന്‍ നിറവേറിയെങ്കിലും ചില്ലറ പ്രശ്നങ്ങളും എന്നെ തേടിയെത്തി, ആ പ്രശ്നങ്ങളേയും സന്തോഷത്തൊടെ സ്വീകരിച്ചിരുത്തി അതിനെ സന്തോഷിപ്പിച്ച് പറഞ്ഞയച്ചു .. ഇനി എനിക്ക് പോകാം എന്റെ എക്കാലത്തേയും ആഗ്രഹമായ പ്രവാസ ജീവിതത്തിന് അറുതി വരുത്തുക എന്ന വലിയ ആഗ്രഹം, ഒരുപക്ഷെ ഏതൊരു പ്രവാസിയും ആഗ്രഹിക്കുന്ന നല്ലൊരു ജോലി തന്നെ ഞാന്‍ രാജിവെച്ചു കഴിഞ്ഞു ഈ മാസം മുപ്പത്തി ഒന്നോടെ ഞാന്‍ ജോലിയില്‍ നിന്ന് വിടുതല്‍ നേടും അടുത്ത മാസം പതിനഞ്ചോടെ ഞാന്‍ നാട്ടിലെത്തും എന്നാശിക്കുന്നു(സാങ്കേതികമായ പ്രശ്നങ്ങളൊന്നുമില്ലെങ്കില്‍).എന്റെ ഈ തീരുമാനമറിഞ്ഞ മിക്കവാറും ചങ്ങാതിമാരുടേയും ചില ചോദ്യങ്ങള്‍ " നാട്ടില്‍ എന്തു ചെയ്യും ?" "എന്തുണ്ട് ക്കയ്യില്‍ ?" അതിനുത്തരം എന്റെ മൂന്നാം ഘട്ട ജീവിതമായി ഞാന്‍ കാണുന്ന പ്രവാസനാന്തര ജിവിതത്തില്‍ ജീവിച്ചു കാണിക്കുക എന്നതാണ്. അപ്പോള്‍ ഞാന്‍ പ്രവാസത്തോട് വിട പറയാനായി ഒരുങ്ങുന്നു മറ്റൊരു തിരിച്ച് വരവിനൊരിക്കലും അവസരം ഉണ്ടാവരുതേ എന്നാശയോടെ ...

യുക്തിവാദികള്‍ എങ്ങനെ ആയിരിക്കണം

2009-09-30T00:07:00.003-07:00

പൊതുവെ മത വിശ്വാസികള്‍ക്കൊരു ധാരണയുണ്ട് അവര്‍ മാത്രമേ സദാചാരപരമായ ജീവിതം നയിക്കുന്നവരൊള്ളൂ എന്ന്, ഈ സദാചാരം എന്നത് തന്നെ മതത്തിന്റേത് മാത്രമാണന്ന് മൂഢധാരണയുള്ളവരും കുറവല്ല, വിശ്വാസികള്‍ക്ക് ഒരു ധാര്‍മിക മോഡല്‍ ആയിരിക്കണം യുക്തിവാദികള്‍ എന്നൊരു അഭിപ്രായമെനിക്കുണ്ട്, സ്വര്‍ഗ്ഗവും നരകവും പുണ്യവും മറ്റും ചിന്തിയ്ക്കാത്ത വിശ്വസിക്കാത്ത യുക്തിവാദികള്‍ക്കായിരിക്കണം പാവങ്ങളെ സഹായിക്കലും മറ്റു സാമൂഹിക സേവനത്തില്‍ മുന്‍‌ത്തൂക്കം, ആര്‍ക്കെങ്കിലും എന്തെങ്കിലും കൊടുക്കേണ്ടത് ഒരു സംഘടനയുടെ ബലത്തിലോ , അങ്ങനെ കൊടുത്ത് സംഘടനയ്ക്ക് ബലം കൂട്ടുകയോ ചെയ്യരുത്, നമ്മള്‍ കൊടുക്കുന്നത് അര്‍ഹിക്കുന്ന ഒരാള്‍ക്കായിരിക്കണം അയാളും നമ്മളുമല്ലാതെ മറ്റൊരാള്‍ അറിയാന്‍ ഇടവരാതെ സൂക്ഷിക്കണം അങ്ങനെ മറ്റൊരാളെ അറീയിച്ചാല്‍ ചെയ്ത പ്രവര്‍ത്തിയ്ക്ക് ഫലം കിട്ടായ്മ എന്ന അന്ധവിശ്വാസമല്ല മറിച്ച് അത് ലഭിച്ച വ്യക്തിയെ സമൂഹത്തില്‍ തരം താഴ്ന്നവന്‍ എന്ന ചിന്തയ്ക്ക് ആക്കം കൂട്ടും അതുണ്ടാവാന്‍ പാടില്ല, ഗള്‍ഫില്‍ ജീവിയ്ക്കുന്ന ഒത്തിരി യുക്തിചിന്തയുള്ളവരുണ്ട് അവരോടായി ചില കാര്യങ്ങള്‍.. ഒന്നോ രണ്ടോ മാസം കൂടുമ്പോള്‍ മൂവായിരമോ നാലായിരമോ ഒപ്പിച്ച് പരിസരത്തുള്ള അല്ലെങ്കില്‍ മറ്റെവിടെയെങ്കിലും ഉള്ള വളരെ പാവപ്പെട്ട കുടുംബത്തിലെ പെണ്‍കുട്ടികള്‍ക്ക് തയ്യല്‍ മെഷീന്‍ വാങ്ങി കൊടുക്കുക അവരുടെ വീട്ടില്‍ എത്തിച്ചു കൊടുക്കുക മറ്റാരും അറിയാനും പാടില്ല പ്രത്യേകിച്ച് അയല്‍‌വാസികള്‍ പോലും കാരണം കിം‌വതന്തിയ്ക്ക് ഒരു കുറവും ഇല്ലാത്ത നാടാണ് നമ്മുടേത്, നമ്മുടെ സമൂഹം എന്നും ഉച്ച നീച്ച സാമ്പത്തികാവസ്ഥയിലാണ് ഉള്ളവരില്‍ നിന്ന് ഇല്ലാത്തവരിലേക്ക് ഒരു സാമ്പത്തിക സഹായം ആവശ്യമാണെന്നും, കഴിവുള്ള ഒത്തിരി കുട്ടികള്‍ നമ്മുക്കിടയിലുണ്ട് അവരെ സാമ്പത്തികമായി സഹായിക്കുക എന്നത് മറ്റാരേക്കാള്‍ സമൂഹത്തോട് ബാധ്യത യുക്തിചിന്തയുള്ളവര്‍ക്കായിരിക്കണം, നമ്മുടെ സഹായത്തിനര്‍ഹര്‍ യുക്തിചിന്തയുള്ളവരായിരിക്കണം എന്ന കുടില അധമ ചിന്ത നമ്മുക്കൊരിക്കലും ഉണ്ടാവാന്‍ പാടില്ല പാങ്ങില്ലാത്തവര്‍ (പാവപ്പെട്ടവര്‍) എന്ന പരിഗണന മാത്രമേ നമ്മള്‍ നോക്കാവൂ, ഒരാള്‍ എന്ത് വിശ്വസിക്കണമെന്നത് അവന്റെ അവകാശം അതുകൊണ്ടവന് സഹായ നിഷേധിചൂടാ, ഒരു കൂട്ടായ സഹായ സഹകരണങ്ങളില്‍ മതവിശ്വാസികളുമായും കൈകോര്‍ക്കാന്‍ യുക്തിവാദികള്‍ മടികാണിക്കരുത് .കുടുംബ ബന്ധങ്ങളില്‍ വളരെ സ്ഥാനം നമ്മള്‍ കൊടുക്കണം, മാതാവ് പിതാവ് സഹോദരങ്ങല്‍ എന്നിവര്‍ സാമ്പത്തികമായി പിന്നോക്കം നില്‍ക്കുന്നുവെങ്കില്‍ അവരെ ഒരു കാരണവശാലും തള്ളി കളയരുത്, സഹോദരിമാരുടെ വിവാഹം അനുജന്മാരെ സാമ്പത്തികമായി സഹായിക്കല്‍, മാതാവിന്റേയും പിതാവിന്റേയും സം‌രക്ഷണം, അയല്‍ വീടുകളിലെ വൃദ്ധരെ സം‌രക്ഷിക്കല്‍ അങ്ങനെ ഒത്തിരി സാമൂഹിക കുടുംബ കാര്യങ്ങള്‍ ഒരു യുക്തിവാദി വളരെ കൃത്യതയോടെ ചെയ്യേണ്ടതുണ്ട് .ഭാര്യ വിശ്വാസിയാണെങ്കില്‍ അവരുടെ വ്യക്തിപരമായ വിശ്വാസങ്ങളില്‍ ഒട്ടും ഇടപെടരുത്, അവരുടെ വിശ്വാസകാര്യങ്ങള്‍ക്ക് സൗകര്യം ചെയ്ത് കൊടുക്കുകയും വേണം, ഓണം ക്രിസ്തുമസ്,പെരുന്നാള്‍ എന്നിവയൊക്കെ അവര്‍ക്ക് പ്രാധാന്യം അര്‍ഹിക്കുന്നവ ആയതിനാല്‍ പുതുവസ്ത്രങ്ങള്‍ വാങ്ങാനും മറ്റുമുള്ള അവരുടെ അവകാശങ്ങള്‍ നിര്‍‌വ്വഹിച്ച് കൊടുക്കുക ഭര്‍ത്താവെന്ന നിലയില്‍ യുക്തിവാദി ആയാല്‍ പോലും കടമയാണ്, മക്കള്‍ അവരെന്ത് വിശ്വസിക്കണമെന്നത് അവരുടെ മാത്രം സ്വകാര്യമാണ് അതില്‍ കൈകടത്താനുള്ള യാതൊരു അവകാശവും നമ്മുക്കില്ല എന്നാല്‍ അവര്‍ പ്രായപൂര്‍ത്തിയാവുന്നത് വരെ അവരെ നല്ലവഴി ഏതെന്ന് മനസ്സിലാക്കി കൊടുക്കുക എന്നത് വലിയ ചുമതലയാണ്, അവരെ എല്ലാ താത്ത്വീക ചിന്തകളും ഇല്ലാതായതും ഉണ്ടായികൊണ്ടിരിക്കുന്നതും ഉള്ളതുമായ എല്ലാ മത സാരാംശങ്ങളും മനസ്സിലാക്കി കൊടുക്കുക എങ്ങനെ ജീവിക്കണമെന്നതും മറ്റും മനസ്സിലാക്കി കൊടുക്കുക എന്നാല്‍ ഒന്നിലും ഒരു നിര്‍ബ്ബന്ധിത വാശിയൊട്ടും പാടില്ല ,മാതാ പിതാപിതാക്കളുടെ വിശ്വാസപ്രകാരമായിരിക്കണം അവരുടെ മരണാനന്തര കാര്യങ്ങളും നടത്തേണ്ടത് ഒരുപക്ഷെ സാമ്പത്തികമായി കുടുംബത്തിലെ യുക്തിവാദിയായ വ്യക്തിക്കാണ് കഴിവ് ഉള്ളതെങ്കില്‍ തീര്‍ച്ചയായും അയാല്‍ അവരുടെ ആഗ്രഹങ്ങള്‍ ചെയ്തിരിക്കണം അവിടെ അയാളുടെ യുക്തിചിന്തയേക്കാള്‍ മതാപിതാക്കളുടെ വിശ്വാസമാണ് വലുത്, എന്നാല്‍ യുക്തിവാദികളുടെ ആഗ്രഹങ്ങള്‍ പലപ്പോഴും നടത്താന്‍ വിശ്വാസികളായ ബന്ധുക്കള്‍ സമ്മതിക്കാറില്ല എന്നത് ഒരു ദു:ഖസത്യമാണ്, വിശ്വാസികളുടെ ഈ ചിന്ത ഒരിക്കലും യുക്തിവാദികളില്‍ ഉണ്ടാവരുത്.സമൂഹികമായ ഒരു ആവശ്യത്തില്‍ ജാതിമത ചിന്തവെടിഞ്ഞുള്ള പ്രവര്‍ത്തനങ്ങളില്‍ വിശ്വാസികളുടെ കൂടെ സജീവമായി തന്നെ യുക്തിവാദിയും ഉണ്ടായിരിക്കണം. യുക്തിവാദികളെ അകറ്റി നിര്‍ത്തപ്പെടേണ്ടവരല്ലാന്നുള്ള ചിന്ത സമൂഹത്തില്‍ സ്ഥിരത നേടണം .

സം‌വാദത്തിന് മുന്‍പ് .. ഇവിടെ വായിക്കുക

2009-09-22T21:11:00.000-07:00

ഈ ലേഖനം എഴുതിയത് ഞാനല്ല എങ്കിലും, എനിക്കും ഈ അഭിപ്രായം ഉള്ളതിനാല്‍ എനിക്കയച്ച് തന്ന ഈ ലിഖിതം അയച്ചു തന്നെ വ്യക്തിയുടെ സമ്മതത്തോടെ ഞാനിവിടെ പോസ്റ്റുന്നു.. ഇതിലൊരു വരി പോലും എന്റേതായി കൂട്ടി ചേര്‍ത്തിട്ടില്ല എന്നിരുന്നാലും എല്ലാവരികളും എന്റെ കൂടെ അഭിപ്രായമായി കരുതുക

------------------------------------------------------------------------------

യുക്തിവാദികളേയും നിരീശ്വരവാദികളേയും ദൈവ വിശ്വാസികൾ നേരിടുന്നതു് ഒരുതരം നികൃഷ്ട ജന്തുക്കളെ പോലെയാണു്. നിരീശ്വരവാദികളെ ദൈവവിശ്വാസികൾ ആക്കി പരിവർത്തനം ചെയ്താൽ സ്വർഗ്ഗത്തിൽ സ്ഥാനം ലഭിക്കും എന്നു് വിശ്വസിക്കുന്നവരുണ്ടു്. നിരീശ്വരവാദികളെ കണ്ടുമുട്ടുമ്പോൾ സ്വന്തം മതം പഠിപ്പിക്കാനും, ദൈവത്തിന്റെ മാർഗ്ഗം കാട്ടികൊടുക്കുവാനും ശ്രമിക്കുന്നതു് കണ്ടിട്ടുണ്ടു്. പലപ്പോഴും ദൈവവിശ്വാസികൾ നല്ല സുഹൃത്തുക്കൾ ആയിരിക്കാം. പക്ഷെ ഇതുപോലുള്ള ഏറ്റുമുട്ടലുകൾ വഴി സുഹൃത് ബന്ധങ്ങൾ നഷ്ടമായേക്കാം. ഈ ഏറ്റുമുട്ടലുകൾ എങ്ങനെ ഒഴിവാക്കാം എന്നതിനെ കുറിച്ചാണു് ഈ ലേഖനം.
ഏറ്റുമുട്ടലുകൾ ഒഴിവാക്കി ആരോഗ്യപരമായ ചർച്ചകളിലൂടെ ആശയങ്ങൾ പരസ്പരം കൈമാറുന്നതായിരിക്കും എന്തുകൊണ്ടും നല്ലതു്. ഭൂരിഭാഗം വിശ്വാസികളും നല്ലവരാണു്. ചോദ്യങ്ങൾ ചോദിക്കാനുള്ള ശേഷി നശിച്ചതുകൊണ്ടും പഠിക്കാൻ അവസരം കിട്ടാത്തതുകൊണ്ടു മാത്രമാണു് അവർ വിശ്വാസികൾ ആയിപ്പോയതു്. പഠിക്കാൻ ആഗ്രഹമുള്ളവർക്ക് യുക്തിയുടെയും ശാസ്ത്രത്തിന്റേയും മാർഗ്ഗം കാണിച്ചുകൊടുക്കാനുള്ള അവസരം നഷ്ടപ്പെടുത്തരുതു്.എന്നാൽ ആവശ്യമില്ലാതെ മതങ്ങളെ കുറിച്ചും യുക്തിവാദത്തെക്കുറിച്ചും വിഷയത്തിൽ താല്പര്യമില്ലാത്തവരുമായി ചർച്ച ചെയ്യാതിരിക്കുക: അവർൿ അറിഞ്ഞുകൂടാത്ത കാര്യങ്ങൾ അവരെ അറിയിക്കാതിരിക്കുന്നതു് കൊണ്ടു എന്തെങ്കിലും ദോഷം ഉണ്ടോ എന്നു് ചിന്തിക്കുക. താങ്കളുടെ വിശ്വാസം എന്താണെന്നു ചോദിച്ചാൽ സത്യം പറയുക. കഴിയുമെങ്കിൽ തർക്കത്തിനും സംവാദത്തിനും പോകാതിരിക്കുക. വിശ്വാസികളുമായുള്ള ചർച്ചകൾ ഒരിക്കലും സമധാനപരമായി അവസാനിക്കില്ല. പക്ഷെ ഹോമിയോപതിയും വൈദ്യശാസ്ത്രത്തിന്റെ പേരിലും നടക്കുന്ന അന്ധവിശ്വാസത്തിനെതിരെ പൊതു ജന ക്ഷേമത്തിനു വേണ്ടി വാദിക്കുക.
നിരീശ്വരവാദി എന്നാൽ സദാചാരബോധം ഇല്ലാത്തവർ ആണെന്നു് ചില ദൈവ വിശ്വാസികളുടെ ഇടയിൽ ഒരു ധാരണയുണ്ടു്. ഈ ധാരണ തെറ്റാണെന്നു് സൌമ്യമായ രീതിയിൽ അവരെ ബോദ്ധ്യപ്പെടുത്താൻ ശ്രമിക്കണം. നിരീശ്വരവാദം അന്ധമായ ഒരു വിശ്വാസം അല്ലെന്നും, ഒരു മതം അല്ലെന്നും അവരെ ധരിപ്പിക്കുക.
വിശ്വാസികളുമായി ചർച്ച ചെയ്യുമ്പോൾ വ്യക്തമായ ചോദ്യങ്ങൾ ചോദിക്കാം. എന്നാൽ വിശ്വാസത്തെ പരിഹസിക്കാതിരിക്കുക. പരിഹാസിക്കുന്നതോടെ അവർ ക്ഷുപിതരാകും. സംവാദങ്ങൾ പലപ്പോഴും വഴിതെറ്റുന്നതിന്റെ പ്രധാന കാരണം പരസ്പര ബഹുമാനമില്ലാതെ പരിഹസിക്കുന്നതു മൂലമാണു്. അധവ അങ്ങനെ സംഭവിച്ചിട്ടുണ്ടെങ്കിൽ ഉടൻ തന്നെ തെറ്റു തിരുത്തുക.
ദൈവത്തിലുള്ള വിശ്വാസം വർഷങ്ങളായിട്ടുള്ള വിശ്വാസത്തിന്റെ ദൃഢമായ ഒരു മതിൽ കെട്ടാണു്. ചില സന്ദർഭങ്ങളിൽ നാം യുക്തിയുടേയും ശാസ്ത്രത്തിന്റേയും മാർഗ്ഗങ്ങൾ എത്രതന്നെ പ്രയോഗിച്ചാലും ആ മതിൽ കെട്ടിനെ തകർക്കാൻ കഴിയില്ല. ഈ അവസരത്തിൽ സമാധാനപരമായി പിന്മാറുക. നിരീശ്വരവാദം അടിച്ചേൽപ്പികേണ്ട ഒന്നല്ല. അറിവിലൂടെ മാത്രം തിരിച്ചറിയേണ്ട ഒന്നാണു്. അതേ സമയം ദൈവ വിശ്വാസികൾ നിരീശ്വരവാദികൾക്ക് നേരെ നടത്തുന്ന മത പരിവർത്തനം തുറന്ന മനസോടെ സ്വീകരിക്കുക. അതിലൂടെ തെളിയുന്നതു് നിരീശ്വരവാദികളുടെ വിശാലമനസ്കതയാണു്.
ജീവിക്കുന്ന സമൂഹത്തിന്റെ ദൈവ സങ്കൽപവും മത വിശ്വസങ്ങളും ആചാരങ്ങളും ആധികാരികമായി അറിഞ്ഞിരിക്കണം. മതങ്ങളെ കുറിച്ചുള്ള അറിവിലൂടെ മാത്രമെ മത വിശ്വാസികളുടെ ചിന്താഗതിയും വിശ്വാസങ്ങളും അറിയാൻ കഴിയു. മത ഗ്രന്ഥങ്ങൾ ഗ്രഹിച്ച ഒരു വ്യക്തിയെ ആ ഗ്രന്ഥം പഠിക്കാൻ വിശ്വാസികൾ പ്രേരിപ്പിക്കില്ല. മതങ്ങളുടെ ചരിത്രം വ്യക്തമായി പഠിക്കുക. യുക്തിവാദി ആയാലും ഈശ്വരവാദി ആയാലും വേദം പഠിക്കാത്തവരാണെങ്കിൽ ഫലം ഒന്നുതന്നെ.
വിശ്വാസികളായ സുഹൃത്തുക്കളുമായി ചർച്ച ചെയ്യുമ്പോൾ സൌഹൃദം നഷടമാകാൻ ഇടയുണ്ടു് എന്നു തോന്നുമ്പോൾ ചർച്ച എത്രയും പെട്ടന്നു ഉപേക്ഷിക്കുക. വിശ്വാസികളായ സുഹൃത്തുക്കളാണു് ശത്രുക്കളെകാൾ നല്ലതു്.

എന്തുകൊണ്ട് ഞാന്‍ ശശി തരൂരിനെ ഇഷ്ടപ്പെടുന്നു

2009-09-18T10:52:00.000-07:00

എന്തുകൊണ്ട് ഞാന്‍ ശശി തരൂരിനെ ഇഷ്ടപ്പെടുന്നു.. (ഇതെന്റെ സ്വന്തം ബ്ലോഗില്‍ എഴുതുന്ന സ്വന്തം അഭിപ്രായം).
ഒന്ന് ) എന്തുകൊണ്ടും ഒരു എം.പി ആവാനും കേന്ദ്ര മന്ത്രിസഭയില്‍ അംഗമാവാനും കഴിവുള്ള വ്യക്തി.
രണ്ട്) പതിനഞ്ചു കോടിയോളം സ്വന്തമായി ഉണ്ടന്ന് പറയാനുള്ള ആര്‍ജ്ജവം തന്നെ സത്യസന്ധതയുടെ ഉദാഹരണമായി ഞാന്‍ കാണുന്നു.
മൂന്ന്) ഒരെഴുത്തുക്കാരന്‍ എന്ന നിലയില്‍
നാല്) വര്‍ഗ്ഗീയ കോമരങ്ങളും എതിര്‍ത്തിട്ടും ഒരു ലക്ഷം വോട്ട് ഭൂരിപക്ഷം കിട്ടിയത് തന്നെ അദ്ദേഹത്തിന്റെ നിലപ്പാടിന്റേയും കഴിവിന്റേയും അംഗീകാരമായി ഞാന്‍ കാണുന്നു.അഞ്ചു) ഇദ്ദേഹത്തിന്റെ വിജയത്തെ എന്റെ സ്വന്തം വിജയമായി ഞാന്‍ കാണുന്നു, വര്‍ഗ്ഗീയ തെമ്മാടികളുടെ ഒത്തൊരുമ കേരളത്തില്‍ വിലപോകില്ലാന്നുള്ള തെളിവാണ് ശശി തരൂര്‍ എന്ന കേന്ദ്രമന്തി...............ശശി തരൂരിനെതിരായുള്ള എതിര്‍പ്പുകള്‍ തികച്ചും സ്വാഭാവികമാണ് പ്രത്യേകിച്ച് ആട്ടിന്‍‌തോലിട്ട ചെന്നായ ആയ ലീഗുക്കാര്‍ ഭരണത്തില്‍ പങ്കാളി ആയകാലത്തോളം , അവരുടെ ഒത്താശയോടെ യു.ഡി.എഫിന് പത്ത് സീറ്റ് കിട്ടാന്‍ സാദ്ധ്യത ഉള്ളയിടം കാലത്തോളം, എന്‍.ഡി.എഫിനെ രഹസ്യമായി സഹായിക്കുന്ന യു.ഡി.എഫ് നിലപ്പാട് കേരളത്തില്‍ പോലും ശശി തരൂരിന് എതിരാളികള്‍ കോണ്‍ഗ്രസ്സില്‍ നിന്ന് തന്നെ ഉണ്ടായിരിക്കും. ഒരു തമാശയെ അല്ലെങ്കില്‍ ചോദ്യത്തെ ഒരു സാഹിത്യക്കാരന്‍ എന്ന നിലയില്‍ മറുപടി പറഞ്ഞതിനെ വളച്ചൊടിച്ചത് തന്നെ ഒരു ഗൂഢതന്ത്രത്തിന്റെ ആദ്യപടിയായി ശശി തരൂര്‍ കാണുക. -------------------------ശശി തരൂര്‍ .. താങ്കള്‍ക്ക് ശത്രുക്കള്‍ താങ്കള്‍ക്ക് ചുറ്റുമുള്ളവരാണ്, കാലങ്ങളോളം ആളുകളെ പറ്റിച്ച് നേതാവായി ഉയര്‍ന്നവര്‍ക്ക് കിട്ടാത്ത സൗഭാഗ്യം, സ്വന്തം കഴിവുകൊണ്ട് നേടിയെടുത്ത താങ്കള്‍ക്ക് ചുറ്റും ശത്രുക്കള്‍ സ്വാഭാവികം, രാഷ്ട്രീയം ഒരു വളത്തിനുള്ളില്‍ നൂഴ്ന്നിറങ്ങുന്ന ഒരു കളിയാണ്, താങ്കള്‍ അത് പഠിക്കേണ്ടിയിരിക്കുന്നു ശരീരം വളയത്തിനനുസരിച്ച് ഒതുക്കി എടുക്കുക.. വിജയം താങ്കള്‍ക്കുള്ളതാണ്, വിമര്‍ശനങ്ങളെ പുഞ്ചിരികൊണ്ട് നേരിടുക, അതിനെ ന്യായീകരിക്കാതിരിക്കുക അതിലും അവര്‍ തെറ്റുകണ്ടെത്തും .. മാപ്പ് പറഞ്ഞത് നന്നായി അല്ലെങ്കില്‍ താങ്കളുടെ രക്തം കണ്ടേ അവരൊടുങ്ങൂ .. വര്‍ഗീയ കോമരങ്ങള്‍ കോണ്‍ഗ്രസ്സിനെ നിയന്ത്രിക്കാന്‍ കഴിവുള്ള കാലം വരെ താങ്കള്‍ക്ക് ചുറ്റും ശത്രുക്കള്‍ ഉണ്ടായിരിക്കുമെന്ന ബോധം എപ്പോഴും ഉണ്ടാവുക
ജയ് ഹിന്ദ്

മകന്‍ പിറന്നു

2009-08-01T01:10:00.000-07:00

ബ്ലോഗില്‍ സജീവമല്ലാത്ത എന്നെ പുതിയ ബ്ലോഗേര്‍സ്സിനറിയില്ല എങ്കിലും എല്ലാവരോടും ഒരു സന്തോഷ വാര്‍ത്ത ഞങ്ങള്‍ക്ക് (എനിക്കും എന്റെ ഭാര്യയ്ക്കും) രണ്ടാമത്തെ സന്തതി ജനിച്ചും ആണ്‍കുട്ടി .. കഴിഞ്ഞ മാസം 21 ന്.. ഭാര്യയും കുഞ്ഞും സുഖായിട്ടിരീക്കുന്നു .. മകന്റെ പേര് ഷനോജ് സെലിന്‍,, എന്റെ മകളുടെ പേര് അറിയാലോ .. സ്നേഹ സെലിന്‍
നിങ്ങളുടെ സ്വന്തം
വിചാരം

സ്വതന്ത്ര ചിന്തകര്‍

2009-07-02T11:08:00.000-07:00

ചില മാസങ്ങള്‍ക്ക് മുന്‍പ് ഞാനൊരു ഇസ്ലാമിക സംഘടനയുടെ (ജമാഅത്ത് ഇസ്ലാമിയുടെ) ഒരു പൊതുപരിപ്പാടി കാണാന്‍ പോയി മനുഷ്യാവകാശ ലംഘനം എന്നതിനെ ആശ്പദമാക്കിയുള്ളൊരു പ്രസംഗവും അരങ്ങേറിയിരിന്നു, അതിലെ മിക്ക പ്രസംഗകരും അവിടെ പറഞ്ഞുവെച്ചത്, ഇസ്ലാമിക വ്യവസ്ഥിതിയാണ് യാതൊരു മനുഷ്യാവകാശ ലംഘനവും നടക്കാത്തൊരു വ്യവസ്ഥിതി എന്നാണ്, ഉള്ളില്‍ ചിരിച്ചുകൊണ്ടതല്ലാം കേട്ടു, ഒരു സം‌വാദ വിഷയമായിരുന്നെങ്കില്‍ ചര്‍ച്ചയില്‍ പങ്കെടുത്തതിനെ ഖണ്ഡിക്കാമായിരുന്നു.
എന്റെ കാഴ്ച്ചപ്പാടില്‍ മനുഷ്യാവകാശ ലംഘനം ഏറ്റവും നികൃഷ്ടമായ രീതിയില്‍ നടമാടിയതും, ഇന്നും തുടരുന്നതും ഇസ്ലാമിക വ്യവസ്ഥിതിയിലാണ്, ഈ കാര്യത്തില്‍ ഇസ്ലാമിനെ മാത്രം ഞാന്‍ കുറ്റപ്പെടുത്തുന്നില്ല ഒറ്റവാക്കില്‍ പറഞ്ഞാല്‍ ഏതൊരു തത്ത്വസംഹിദത്തിലധിഷ്ഠിതമായ ഭരണവ്യവസ്ഥിയും കാലങ്ങളോളം ഒരേ നേതൃത്വത്തിന്റെ കീഴില്‍ തുടരുകയാണെങ്കില്‍ അവിടെ തീര്‍ച്ചയായും മനുഷ്യാവകാശ ലംഘനം നടമാടും തീര്‍ച്ച. എന്റെയീ വാദത്തിനുദാഹരണം സൗദിഅറേബ്യയായിലേയും ഇറാനിലേയും ഇസ്ലാമിക ഭരണ വ്യ്വസ്ഥിതിയും, ഇസ്രായിലിലെ ജൂത ഭരണകൂടവും, ചൈനയിലെ കമ്യൂണിസ്റ്റ് ഭരണകൂടവും എന്നാല്‍ അമേരിക്ക ഈ കാറ്റഗറില്‍ പെടില്ല, അവര്‍ സാമ്രാജ്യത്ത്വ ക്രൂരതയ്ക്ക് ഉത്തമ ഉദാഹരണമാണ്, അവര്‍ അവരുടെ ജനതയ്ക്കല്ല ഉപദ്രവം ഉണ്ടാക്കുന്നത് മറിച്ച് അതൊരു ആഗോളീകരണമായ മനുഷ്യാവകാശ ലഘനമാണ്.
രസകരമെന്ന് പറയട്ടെ ഏതൊരു മനുഷ്യനും മുകളില്‍ ഞാനെഴുതിയ ഏതെങ്കിലും വ്യവസ്ഥിതിയെ അനുകൂലിക്കുന്നവരാണ്, അതുകൊണ്ടു തന്നെ താന്‍ വിശ്വസിയ്ക്കുന്ന വ്യവസ്ഥിതിയിലെ തെറ്റുകളെ ശരിയെന്ന് ധരിക്കുന്നു, എന്നാല്‍ ആ ശരികളാണ് യഥാര്‍ത്ഥത്തില്‍ മനുഷ്യാവകാശ ലംഘനമെന്ന് പറയുന്നത്, ഉദാഹരണത്തിന് ചൈനയിലെ ടിയാമെന്റ് സ്ക്വയറില്‍, ബുള്‍ഡോസറാല്‍ വിദ്യാര്‍ത്ഥി വിപ്ലവത്തെ ചതച്ചരച്ച ചൈനീസ് ഭരണകൂടത്തിന്റെ ക്രൂരതയെ ന്യായീകരിക്കുന്ന കാഴ്ച്ചയാണ്, മനുഷ്യ നന്മയ്ക്ക് മാത്രം ജീവിച്ച് മരിച്ച ഇ.എം.എസ് പോലും ശ്രമിച്ചത്. ഇസ്രയേലും പലസ്ഥീനും പരസ്പരം ഗാസയില്‍ ചിന്തിയ ചോരയുടെ കണക്കിനും ന്യായീകരണമുണ്ട്, താലിബാന്‍ അഫ്ഗാനിലും ഇറാഖിലും, ഇപ്പോള്‍ പാക്കിസ്ഥാനിലും ചെയ്യുന്ന ക്രൂരതയ്ക്കും ന്യായീകരണമുണ്ട്, നമ്മുടെ ഇന്ത്യന്‍ സൈന്യം കാശ്മീരില്‍ ചെയ്യുന്നതിനും ന്യായീകരണമുണ്ട്, സൗദി ഭരണകൂടത്തിന്റെ തെറ്റായ ഭരണവ്യവസ്ഥിതിയില്‍ അവിടെ ജീവിയ്ക്കുന്ന മറ്റു മതക്കാരുടെ വിശ്വാസ സ്വതന്ത്രത്തിനനുവദിക്കാത്തതും, മനുഷ്യാവകാശ ലംഘനം തന്നെ. അമേരിക്കയുടെ മനുഷ്യാവകാശത്തെ പത്ത് പേജിലെഴുതിയാലും മതിയാവില്ല, ഹിരോഷിമയിലും നാഗസാക്കിയിലും ഇപ്പോഴും ജനിച്ച് വീഴുന്ന ശവതുല്യമായ ജീവനുകള്‍ മാത്രം മതി അവരുടെ ക്രൂരതയ്ക്കുള്ള ഏറ്റവും ചെറിയ ഉദാഹരണം.
അപ്പോള്‍ ഏത് വ്യവസ്ഥിയിലാണ് മനുഷ്യാവകാശ ലംഘനം നടക്കാത്തത്, ചിലര്‍ പറയും ബുദ്ധചിന്തയിലുള്ളവരിലാണന്ന്, അവര്‍ ശ്രീലങ്കയില്‍ തമിഴ് വംശജരോട് ചെയ്യ്ത ക്രൂരതയ്ക്കും കണക്കില്ല.ഇവിടെയാണ് മാനവികതയിലധിഷ്ടിതമായ ചിന്തയ്ക്കുള്ള പ്രധാനം, ഇങ്ങനെയുള്ള ചിന്തകരില്‍ മതത്തിനോ ഏതെങ്കിലും പ്രത്യേക വ്യവസ്ഥിതിയ്ക്കോ സ്ഥാനമില്ലാതാവും, ഏതൊരു മനുഷ്യാവകാശ ലംഘനത്തേയും പക്ഷപാതിത്വപരമായി അല്ലാതെ വിമര്‍ശിക്കാനുള്ള ത്വര ഇവര്‍ക്കുണ്ടാവും, ഇവരെ സ്വതത്ര ചിന്തകര്‍ എന്ന് വിശേഷിപ്പിയ്ക്കാം.

വിചാരം

ഒരു ഇടവേളയ്ക്ക് ശേഷം

2009-06-21T11:09:00.000-07:00

വീണ്ടും ബ്ലോഗില്‍ സജീവമാവുന്നു ....

ഒരു ഇടവേളയ്ക്ക് ശേഷം

2009-06-21T10:37:00.000-07:00

വീണ്ടും ഒരു ഇടവേളയ്ക്ക് ശേഷം ഞാന്‍ എഴുതി തുടങ്ങുന്നു.....

വിശേഷങ്ങള്‍ ഒത്തിരിയുണ്ട് അതില്‍ കൂടുതല്‍ എന്റെ സഹപ്രവര്‍ത്തകരുടേതും ഉണ്ടാവും ..... ഒരു ചെറുകഥയില്‍ നിന്ന് തുടങ്ങാം...

ഒരു ഒഴിവ് ദിനത്തിന്റെ ഉച്ചസമയം,സുതാര്യമായ കണ്ണാടി ജനലുകളില്‍ ഇന്നലെ അടിച്ച പൊടികാറ്റിന്റെ അവശിഷ്ടമുണ്ടായതിനാല്‍, വെളിയിലെ ചിത്രങ്ങള്‍ അവ്യക്തമായി തെളിഞ്ഞു. ശീതീകരിച്ചെന്റെ മുറിയ്ക്കുള്ളില്‍ നിന്ന് പുറത്തെ ചൂടിന്റെ അസഹനീയതയെ കുറിച്ച് ഞാന്‍ ബോധാവാനല്ല, അങ്ങനെ പറയുന്നതിനേക്കാള്‍ പൂര്‍വ്വകാലം മറന്നു എന്നു പറയുന്നതാവും ശരി, പുറത്ത് ഒരു ബംഗ്ലാദേശുക്കാരന്‍ പയ്യന്‍ ചൂടിനെ അവഗണിച്ച് നിരത്തിയിട്ടിരിക്കുന്ന കാറുകള്‍ ഒരോന്നായി കഴുകുന്നു.

“ബഹദ് “( ഇനിയും ഒരുവട്ടം കൂടി ) .... ശകാര സ്വരത്തോടുള്ള അറബി ചെക്കന്റെ ആഞ്ജകള്‍ക്ക്നുസൃതമായി അവന്‍ കാറ് കഴുകി കൊണ്ടിരിന്നു, സ്വന്തം വീട്ടില്‍ ഒരു തൂമ്പകൊണ്ടൊരുതെങ്ങിന്റെ കട പോലും കിളക്കാത്തവന്‍, ഒരു അറബിയുടെ ആട്ടും തുപ്പും കേട്ട്.. ജീവിതത്തിലെ വിപരീത വിരോധാഭാസഭാസങ്ങള്‍..

ഒറീസ ഒരു മാതൃക

2008-09-03T21:10:00.000-07:00

1) നിര്‍ബ്ബന്ധിതമായ മതപരിവര്‍ത്തനത്തിനെതിരെ, ഒറീസയെ പോലെ ഇന്ത്യ മുഴുവന്‍ ഉണരുക.
മതപരിവര്‍ത്തനം നിരോധിയ്ക്കുക.
അമിതമായ മത സ്വാതന്ത്രം നിയമം മൂലം നിരോധിയ്ക്കുക.
സംഘ് പരിവാറിന്റെ ധാര്‍മ്മിക രോഷം കൊള്ളാം, പക്ഷെ അതിന് മുന്‍പവര്‍ ദാരിദ്രത്തില്‍ കഴിയുന്ന താഴ്ന്ന വിഭാഗങ്ങളെ, സ്വന്തം നിലയില്‍ ഉയര്‍ത്തുക.അവര്‍ക്കാവശ്യമായ വിദ്യാഭ്യാസവും, മരുന്നും വസ്ത്രവും പാര്‍പ്പിടവും, തൊഴിലും ഉറപ്പിയ്ക്കുക എങ്കില്‍ അമേരിക്കന്‍ പൌരത്വം മനസ്സിലും ഇന്ത്യന്‍ പാസ്പ്പോര്‍ട്ട് കക്ഷത്തും താങ്ങി നടയ്ക്കുന്നവരും, സൌദിയാണ് ഞമ്മന്റെ നാട് എന്നു മനസ്സില്‍ കരുതുന്നവരും കയറി വിലസില്ല ഈ അശരണരുടെ കോലായയില്‍ (വരാന്ത). തൊട്ടു കൂടായ്മയും, തീണ്ടലും ഒരു വര്‍ഗ്ഗത്തെ അധമചിന്താഗതിയോടെ, വീക്ഷിക്കപ്പെടുമ്പോള്‍ അവര്‍ സ്വയം ചിന്തിയ്ക്കും. ഇതില്‍ നിന്നുള്ള മോചനം. അതൊരുപക്ഷെ അംബേഡ്ക്കര്‍ കാണിച്ചുകൊടുത്ത മതമാറ്റത്തിലായിരിക്കും അവസാനിക്കുക. വ്യാളിയുടെ മുഖാവരണത്തോടെ നില്‍ക്കുന്ന സെമിറ്റിക്ക് മതവാദികള്‍, മോഹനവാഗ്ദാനവും തുല്യതയും മറ്റും കാട്ടി മാടി വിളിയ്ക്കുന്നുണ്ട്. ഇവരെ തിരിച്ചറിയുകയാണ് ധാര്‍മ്മിക രോഷം കൊള്ളുന്നവരും, അതുപോലെ അധമരെന്ന ചിന്താഗതി പുലര്‍ത്തുന്നവരും. മതം മാറിയിട്ടും ഈ സെമിറ്റിക്ക് മതത്തില്‍ ലയിക്കാതെ അവരെ, അതേപടി അവരുടെ താഴ്ന്ന വിഭാഗങ്ങളില്‍ തന്നെ തളച്ചിട്ട് അവകാശങ്ങള്‍ വേണം എന്നു പറയുന്നത് തികച്ചും പോക്രിത്തരമാണ്. ഇതിന് ഓശാന പാടുകയാണ് കേരളത്തില്‍ ഇടതുപക്ഷം, ഇടതുപക്ഷത്തിന്റെ കാപട്യം ജനങ്ങള്‍ തിരിച്ചറിയണം, ഒറീസയില്‍ പ്രവേശിപ്പിക്കാത്ത എം.പിമാര്‍ പ്രതിഷേധിക്കേണ്ടത് ഡല്‍ഹിയില്‍ ശക്തമായ സമരം ചെയ്തായിരിക്കണം, കേരളത്തില്‍ വന്ന് വെളിയനും,കാരാട്ടും പ്രസംഗിച്ചതിന്റെ ഗുട്ടന്‍സ് ഈ സെമിറ്റിക്ക് മതവാദികളുടെ ചിതറിപോയ വോട്ടു ശേഖരിക്കാനാണ്. (ഒരു സോപ്പിടല്‍) .
-------------------------------------------
2)
പരിവര്‍ത്തിത ക്രൈസ്തവര്‍ക്കും, മുസ്ലിംങ്ങള്‍ക്കും പട്ടികജാതി പട്ടികവര്‍ഗ്ഗ പദവി നല്‍കാനുള്ള ജസ്റ്റീസ് രംഗനാഥ് മിശ്ര കമ്മീഷന്റെ റിപ്പോര്‍ട്ട് തള്ളി കളയുക.
പുരോഗമന മതങ്ങള്‍ എന്നവകാശപ്പെടുന്നവര്‍ ഹിന്ദുവിഭാഗങ്ങളില്‍ നിന്ന് മതപരിവര്‍ത്തനം നടത്തുമ്പോള്‍ വാഗ്ദാനങ്ങളിലൊന്ന് തുല്യതയാണ്, അടിച്ചമര്‍ത്തപ്പെട്ട അധകൃതവിഭാഗള്‍ അവരുടെ സാമൂഹിക പരിസ്ഥിതിയില്‍ നിന്നും മോചനവും നല്ല ജീവിതവും പ്രതീക്ഷിച്ചും അവരുടെ ജാതികളില്‍ നിന്ന് മോചനം നേടാനായിരിന്നു ബുദ്ധ,ക്രൈസ്തവ, ഇസ്ലാം മറ്റു പുരോഗമനമെന്ന് പറഞ്ഞ മതങ്ങളിലേക്ക് ചേക്കേറിയത് എന്നാല്‍ പാപി ചെന്നയിടം പാതാളം എന്ന കണക്കേയാണ് അവര്‍ക്ക് ലഭിച്ച ഈ മതങ്ങള്‍, മതമെന്ന കുപ്പായം മാറി എന്നല്ലാതെ അവരില്‍ പുരണ്ട ചളിമാറ്റാന്‍ ഈ വിഭാഗങ്ങളിലെ മതമേധാവികള്‍ ശ്രമിച്ചില്ലാന്നു മാത്രമല്ല അവര്‍ക്ക് ചില പുതിയ പേരുകളിട്ടു, ഇന്ത്യയില്‍ പ്രത്യേകിച്ച് ദക്ഷിണ ഇന്ത്യയില്‍ മാത്രമാണ് ഇസ്ലാം മതവിഭാഗങ്ങളില്‍ ജാതി വേര്‍ത്തിരിവുകള്‍ കാണാതിരിന്നത് എന്നാല്‍ ദക്ഷിണ ഇന്ത്യയില്‍ പരിവര്‍ത്തിത ക്രൈസ്തവര്‍ തികച്ചും ആ സമുദായത്തിന്റെ അടിത്തട്ടില്‍ തന്നെ നില നിര്‍ത്തിയ പാരമ്പര്യം അവകാശപ്പെട്ട മുതലാളി വര്‍ഗ്ഗ പുരോഹിതമാന്‍ തങ്ങളുടെ സാമൂദായിക ധാരയിലേക്കവരെ ഉയര്‍ത്തി കൊണ്ടുവന്നില്ല ഇങ്ങനെ മതമേധാവികളുടെ വാഗ്ദാനം ലംഘന (ജാതീയ മോചനമെന്ന വാഗ്ദാനം) ത്താല്‍ വഞ്ചിക്കപ്പെട്ടവരെ വീണ്ടും ജാതീയ വ്യവസ്ഥതയുടെ അധമമായ മാര്‍ഗ്ഗത്തിലേക്ക് വീണ്ടും എത്തിയ്ക്കാനുള്ള ഗൂഢാലോചനയുടെ ഫലമാണ് രംഗനാഥ് മിശ്ര കമ്മീഷന്‍ റിപ്പോര്‍ട്ട്. ക്രൈസ്തവരുടെ ഈ വഞ്ചന തുറന്ന് കാട്ടി ഏതു ജാതിയില്‍ നിന്നാണോ അവര്‍ മറ്റു മതങ്ങളിലേക്ക് ചേക്കേറിയത് അവര്‍ കൂട്ടമായ ഒരു തീരുമാനമെടുക്കുക തിരികെ ആ ജാതിയിലേക്ക് തന്നെ മാറുക അപ്പോള്‍ അവര്‍ക്ക് സ്വാഭാവികമായും അവര്‍ നിഷേധിയ്ക്കപ്പെട്ട ആനുകൂല്യം കിട്ടും. ഇതറിഞ്ഞാല്‍ തന്നെ പള്ളിമേടകളില്‍ സുഖലോലുപതയില്‍ കഴിയുന്ന തമ്പ്രാക്കന്‍‌മാരായ മതമേലദ്ധ്യക്ഷന്മാര്‍ ഈ അധകൃതര്‍ എന്നു പറയുന്ന ക്രിസ്തീയ വിഭാഗങ്ങളെ അവരുടെ സാമുദായത്തിന്റെ ഉന്നതിയിലെത്തിയ്ക്കാന്‍ നടപടികളെടുക്കും (സാമ്പത്തിക അടിമത്വത്തില്‍ നിന്നുള്ള മോചനമാണ് ഏതൊരു വിഭാഗത്തിന്റെ ഉയര്‍ച്ചയ്ക്കും ആധാരം)

ഇറാഖില്‍ നിന്ന്

2008-08-14T21:52:00.000-07:00

ഇറാഖില്‍ നിന്ന്,
ഈ മണ്ണില്‍ പടയോട്ടത്തിന്റേയും ചോരപുഴ ഒഴുകിയതിന്റേയും പാടുകള്‍ കാണാം
ഇന്നും ഒഴുകുന്നു നിരപരാധികളുടെ രക്തം-
അത് യൂഫ്രട്ടീസായും ടൈഗ്രിസായും ഒഴുകുന്നു.
സമാധാനത്തിനായ് രൂപം കൊണ്ട മതങ്ങള്‍ അനേകം ഈ മണ്ണില്‍-
എന്നിട്ടും സമാധാനം എത്രയോ അകലെയാണിപ്പോഴും.
ക്യാമ്പില്‍ ചുറ്റും വലിയ കോണ്‍ഗ്രീറ്റ് ചുമരുകളാന്‍ സംരക്ഷിത
വലയത്തിനകത്തെ ടെന്റുകളിലാണെന്റെ ഉറക്കം
ഉറക്കെ കേള്‍ക്കുന്ന മിസൈലുകളുടെ ഇരമ്പല്‍,
ഞങ്ങള്‍ ജീവനും കൊണ്ടോടുന്നു ബങ്കറിലേക്ക്.
ഒരു ബങ്കറിനാലും കോണ്‍ഗ്രീറ്റ് ചുമരുകളാലും-
സംരക്ഷിതരല്ലാത്ത ഇറാഖികള്‍ മിസൈലുകളെ നോക്കി-
നിസംഗതരാവുന്നു.
നേര്‍ത്ത സ്വരത്തില്‍ കേള്‍ക്കുന്നത് കരച്ചിലാണൊ
അതോ എന്റെ മനോഗതത്തിലെ തോന്നലുകളോ,കുഞ്ഞുങ്ങള്‍ മരണ വെപ്രാളത്താല്‍ കരയുന്നതോ
വൃദ്ധര്‍‌ ഒന്ന് ശ്വാസം വലിക്കാനാവാതെ മരിക്കുന്നതോ
ആ എനിക്കറിയില്ല.
ഇന്ന് നമ്മുടെ സ്വാതന്ത്ര ദിനം
എപ്പോള്‍ ഇവര്‍ക്കൊരു സമാധാനത്തിന്റെ ദിനമെങ്കിലും വരും ?

ലക്ഷ്യ സാക്ഷാത്ക്കാരം

2008-08-03T02:02:00.000-07:00

ജയ said...
മതവിശ്വാസി അല്ലാത്തത് കൊണ്ട് നന്നാവുകയാണെങ്കില്‍ വിചാരം സ്വന്തം കുടുബത്തിലെങ്കിലും നന്നാവുമായിരുന്നു. സ്വന്തം കുടുബത്തെ ശ്രദ്ധിക്കാത്ത ഫാറൂഖ് ബക്കര്‍ ആണോ നാട്ടുകാരുടെ മുഴുവന്‍ പ്രശ്നങ്ങളില്‍ വികാരഭരിതമാവുന്നത്. കഷ്ടം !!!!!!
ഇങ്ങനെ പറഞ്ഞ എന്റെ പ്രിയ സുഹൃത്ത് ജയയ്ക്ക് ഈ പോസ്റ്റ് സമര്‍പ്പിയ്ക്കുന്നു.

ഇന്നന്റെ ജീവിതത്തിലെ ഏറ്റവും സുപ്രധാനമായ ഒരു ദിനമാണ്. ഒരുപക്ഷെ ഏതൊരു വ്യക്തിയും ആഗ്രഹിയ്ക്കുന്ന ഒരു ദിനം. 1995 ല്‍ എന്റെ ഗള്‍ഫ് ജീവിതം ആരംഭിയ്ക്കുന്നതിന് ഒരു ലക്ഷ്യമുണ്ടായിരിന്നു എനിക്ക് താഴെയുള്ള ആറു സഹോദരിമാരുടെ വിവാഹം, ഇന്ന് എന്റെ ആറാമത്തെ സഹോദരിയുടെ വിവാഹമാണ്(03/Aug/08), അതായത് എന്റെ ലക്ഷ്യ സാക്ഷാത്കാരം അതിന്റെ അവസാനത്തിലെത്തിയ ദിനം എന്നു പറയാം.
ഏതൊരു വ്യക്തിയ്ക്കും ജീവിതത്തിനൊരു ലക്ഷ്യമുണ്ടായിരിക്കണം ആ ലക്ഷ്യം നിറവേറ്റാനുള്ള കമ്മിറ്റ്മെന്റും വേണം എങ്കിലേതൊരു ലക്ഷ്യവും നമ്മുക്ക് എളുപ്പമായി നേടാനാവും, ലക്ഷ്യത്തിലേക്ക് നീങ്ങുമ്പോള്‍ പല പരീക്ഷണങ്ങളും നമ്മള്‍ നേരിടേണ്ടി വരും ഒരുപാട് പ്രതിസന്ധി ഘട്ടങ്ങളും വരും ഇവിടെയൊക്കെ യുക്തിപൂര്‍വ്വമായ തീരുമാനങ്ങള്‍ ചെസ് കരുക്കള്‍ നീക്കും പോലെ ചെയ്തിരിക്കണം, ചെസ് ഒരു കളിയിലിലെ നാനാചിന്തകളെയാണ് ഉണര്‍ത്തുക അത് കേവലം മണിക്കൂറുകള്‍ മാത്രം ദീര്‍ഘവീക്ഷണത്തോടെ ചിന്തിച്ചാല്‍ മതി എന്നാല്‍ ജീവിതം അങ്ങനെയല്ല ഒരു തീരുമാനമെടുക്കുമ്പോള്‍ ചുരുങ്ങിയത് ഒരു വര്‍ഷത്തെ ചിന്തയെങ്കിലും മുന്നോട്ടുണ്ടായിരിക്കണം, ഏതൊരു തീരുമാനവും സ്വന്തം മന:സാക്ഷിക്ക് ഇണങ്ങുന്നതായിരിക്കണം , ഒരിക്കലും തന്റെ തീരുമാനം ശരിയല്ലാന്ന് തോന്നാന്‍ പാടില്ല ഇവിടെയാണ് പോസിറ്റീവ് ചിന്ത വേണ്ടത് ഒരുപക്ഷെ ഏതെങ്കിലും ഒരു തീരുമാനം നമ്മുടെ ലക്ഷ്യപ്രാപ്തിക്ക് ഇണങ്ങാതെ ഇത്തിരി കാലം നമ്മെ ബുദ്ധിമുട്ടിച്ചേക്കാം പക്ഷെ കാലം നമ്മുക്കനുകൂലമായ രീതിയില്‍ നമ്മെ തേടിയെത്തും എന്ന തികച്ചും ആത്മവിശ്വാസപരമായ ചിന്തയായിരിക്കണം നമ്മെ നയിക്കേണ്ടത് തീര്‍ച്ചയായും അത് വിജയത്തിലേക്ക് നയിക്കപ്പെടും.

കേവലം 30 ദിനാര്‍ ശമ്പളത്തിലാണെന്റെ ഗള്‍ഫ് ജീവിതം ആരംഭിയ്ക്കുന്നത് അന്നതിന് 3000 രൂപ തികച്ചും കിട്ടില്ല പക്ഷെ അന്നത് എനിക്ക് വലിയ സംഖ്യ തന്നെ, റിലീസ് ലഭിച്ചു ഡൊമസ്റ്റിക്ക് വിസയില്‍ തന്നെ 80 ഉം 120 ഉം ദിനാറിന് ജോലി ചെയ്തുകൊണ്ടിരിന്നു മൂന്ന് വര്‍ഷത്തെ ഗള്‍ഫ് ജീവിതത്തിനിടയില്‍ രണ്ടു സഹോദരിമാരുടെ വിവാഹം കഴിഞ്ഞു ( കുടുംബാംഗങ്ങളുടെ സഹായം ആവശ്യത്തിലധികമുണ്ടായിരിന്നു) എന്റെ ലക്ഷ്യം നേടാന്‍ ഇനിയും ധാരാളം കടമ്പകള്‍ കടയ്ക്കണം ഓരോ ദിനവും എന്നെയൊട്ടും ഈ കാര്യത്തില്‍ വ്യാകുലനാക്കിയിട്ടില്ല ഓരോ ദിനവും സാമ്പത്തിക ചിലവുകള്‍ എന്നെ (എല്ലാവരേയും പോലെ) കുഴക്കിയിരിന്നു. പക്ഷെ എന്റെ ലക്ഷ്യം അത് കൈകലാക്കുക എന്നതാണ് എന്നിലെ ചിന്ത.

സുപ്രധാനമായ ചില തീരുമാനങ്ങള്‍
ഡൊമസ്റ്റിക്ക് വിസയെ കുറിച്ചറിയാത്തവര്‍ക്ക് അതിനെ കുറിച്ചൊരു വിശദീകരണം തരാം. വീട്ടു വേലയ്ക്കായി മാത്രമുള്ള വിസ പെര്‍മിറ്റാണിത് ഖാദിം വിസ (ഡൊമസ്റ്റിക്ക് വിസ) , ഈ വിസയില്‍ കമ്പനികളിലോ മറ്റു സ്ഥാപനങ്ങളിലോ ജോലി ചെയ്തു കൂടാ അങ്ങനെ ചെയ്യുന്നത് അധികൃതരുടെ ശ്രദ്ധയില്‍ പെട്ടു പിടിക്കപ്പെട്ടാല്‍ 5 വര്‍ഷത്തേയ്ക്ക് കുവൈറ്റിലേക്ക് പ്രവേശനം തടയും വിധം ഫിംഗര്‍ എടുത്ത് നാടു കടത്തും, ഹോട്ടലുകളിലും കമ്പനിയിലും ജോലി ചെയ്യുമ്പോള്‍ ജോലിയില്‍ മാത്രമല്ല ശ്രദ്ധവേണ്ടത് പല വേഷത്തിലും പിടിയ്ക്കാന്‍ വരുന്ന അറബികളെയാണ് ചുറ്റും നോക്കുക (ഇന്നും അനേകായിരങ്ങള്‍ ഈ വിസയില്‍ കുവൈറ്റില്‍ ജോലി ചെയ്യുന്നുണ്ട് ) . ഇങ്ങനെ 3 വര്‍ഷം ജോലി ചെയ്തു ഈ അവസരത്തിലാണ് എനിക്കൊരു ജോലി തരപ്പെടുന്നത് അതുപോലെ വല്ലപ്പോഴും ഡൊമസ്റ്റിക്ക് വിസ വര്‍ക്ക് വിസയിലേക്ക് മാറ്റാവുന്ന നിയമവും നിലവിലുള്ള സമയം (കേവലം 15 ദിവസം മാത്രമേ അന്നാ നിയമം നില നിന്നൊള്ളൂ) . 120 ദിനാര്‍ ശമ്പളവും റൂമിലുള്ളവര്‍ക്ക് ഭക്ഷണം പാകം ചെയ്തു കൊടുത്താല്‍ കിട്ടുന്ന 20 ദിനാറുമടക്കം 140 ളം ദിനാര്‍ കിട്ടുന്ന ജോലി വേണ്ടന്ന് വെച്ച് വെറും 70 ദിനാര്‍ കിട്ടുന്ന ജോലി അതും ഹോട്ടലില്‍ ഡിഷ് വാഷ് ചെയ്യുന്ന വര്‍ക്ക്, എനിക്ക് ചുറ്റുമുള്ള എന്റെ എല്ലാ ചങ്ങാതിമാരും എന്റെയീ തീരുമാനത്തെ എതിര്‍ത്തു പക്ഷെ ശരിയ്ക്കും ഞാന്‍ പലവട്ടം ആലോചിച്ചപ്പോള്‍ എനിക്കാ തീരുമാനം ശരിയെന്ന് തോന്നി അതിലുറച്ചു നിന്നു, എന്തുകൊണ്ടാ തീരുമാനം ഞാന്‍ ശരിയെന്ന് തോന്നി എന്നൂടെ ഞാന്‍ പറയാം . 70 ദിനാര്‍ ശമ്പളം 10 മണിക്കൂര്‍ ജോലി വിസ അടിയ്ക്കാന്‍ ക്യാഷ് വേണ്ട (ഡൊമസ്റ്റിക്ക് വിസ ആയിട്ടു പോലും രണ്ടു വര്‍ഷത്തെ വിസ അടിയ്ക്കാന്‍ 400 ദിനാര്‍ വേണമായിരിന്നു) രണ്ടു വര്‍ഷത്തില്‍ ഒരു മാസത്തെ ശമ്പളമടക്കം ടിക്കറ്റ് താമസും ചിലവും മെഡിക്കലും സൌജന്യം, അതിനെല്ലാം പുറമെ എന്നെ ചിന്തിപ്പിച്ച പ്രധാന ഘടകം ഡൊമസ്റ്റിക്ക് വിസയില്‍ നിന്ന് വര്‍ക്ക് പെര്‍മിറ്റ് വിസയിലേക്കുള്ള മാറ്റമാണ്, മൂന്ന് വര്‍ഷം ഞാനാ ജോലി തുടര്‍ന്നു അതോടൊപ്പം ചില്ലറ കുറിപരിപ്പാടികളും. ഈയൊരു തീരുമാനമാണ് എന്റെ ലക്ഷ്യ സാക്ഷാത്കാരം നേടാന്‍ എന്നെ അനുവധിച്ചതില്‍ പ്രധാനം. ജോലി എന്തന്നല്ല നമ്മുടെ ലക്ഷ്യം അതായിരിക്കണം പ്രധാനം എന്നതാണെന്റെ ചിന്ത മറ്റൊന്ന് നമ്മുക്കൊരു ലക്ഷ്യം ഉണ്ടെങ്കില്‍ അതവസാനിക്കും വരെ മറ്റൊരു കാര്യം കൂ‍ട്ടി ചേര്‍ക്കരുത് ആ ഒരു ലക്ഷ്യം കൈവരിച്ചതിന് ശേഷം മാത്രമേ മറ്റൊന്ന് ഉന്നം വെയ്ക്കാവൂ അല്ലെങ്കില്‍ ഉദ്ദേശിച്ച ലക്ഷ്യവും അതിനിടയില്‍ കയറുന്ന ലക്ഷ്യവും നിറവേറ്റാനാവാതെ പോകും.

മറ്റൊരു സുപ്രധാനമായ തീരുമാനം 2003 ല്‍ ഞാന്‍ ഇറാഖിലേക്ക് (ഇറാഖിലേക്ക് വരണമെങ്കില്‍ വര്‍ക്ക് വിസ ആയിരിക്കണം , ഡൊമസ്റ്റിക്ക് വിസ അനുവധിയ്ക്കില്ല .. എന്റെ ആദ്യ തീരുമാനത്തിന്റെ ഗുണം )വരാനെടുത്ത തീരുമാനം, ഇതിനിടയില്‍ എന്റെ മറ്റു രണ്ടു സഹോദരിമാരുടെ വിവാഹവും നടന്നിരിന്നു അതുവഴി ഉണ്ടായ കടവും ഞാന്‍ നടത്തിയ കുറി എട്ടു നിലയില്‍ തകര്‍ന്നതിനാലും 10 ലക്ഷത്തോളം രൂപ കടക്കാരനായി ഞാന്‍ ഗത്യന്തരമില്ലാതെ നാട്ടിലേക്ക് ഒളിച്ചോടി രാത്രി സമയങ്ങളിലും കടക്കാര്‍ വീട്ടില്‍ വരാന്‍ തുടങ്ങിയപ്പോ ബംഗളുരിവിലേക്ക് വിട്ടു എന്തോ .. ഒരു വര്‍ഷത്തെ വിസ കയ്യിലുണ്ടായിട്ടും എന്തിനത് ഇല്ലാതാക്കണമെന്ന ചിന്ത വീണ്ടും എന്നെ നാട്ടിലെത്തിച്ചു തിരികെ കുവൈറ്റിലേക്ക് പോവാന്‍ തീരുമാനിച്ചു പാവം എന്റെ ഉമ്മ എന്റെ എല്ലാ വിഷമത്തിലും എന്നോടൊപ്പം വളരെ വിഷമം അനുഭവിച്ചു പ്രാര്‍ത്ഥിച്ചു ( ഞാനൊരു വിശ്വാസി അല്ലെങ്കിലും എന്റെ ഉമ്മ പ്രാര്‍ത്ഥിച്ചതിലും ആ ഉമ്മ മനസ്സ് നൊന്തതിലും ലഭിച്ച സൌഭാഗ്യങ്ങള്‍ക്ക് കണക്കില്ല) തിരികെ എത്തി ഒരു മാസത്തിനുള്ളില്‍ തന്നെ ഉമ്മ അനുഗ്രഹിച്ചയത് പോലെയുള്ള ഒരു സാഹചര്യം ഉണ്ടായി അതായത് ഇറാഖിലേക്കുള്ള അവസരം എന്റെ ചില ബന്ധുക്കള്‍ എതിര്‍ത്തെങ്കിലും (അന്ന് ഞാന്‍ ഇപ്പോള്‍ നില്‍ക്കുന്ന സ്ഥലത്ത് ബോംബ് സ്ഫോടനം നടന്ന് 18 ഇറ്റാലിയന്‍ പട്ടാളക്കാര്‍ കാഞ്ഞു പോയിട്ടേ ഒള്ളൂ) പക്ഷെ എന്റെ തീരുമാനം ഉറച്ചതായിരിന്നു. ഒരു ലേബര്‍ അവസരത്തിലൂ‍ടെയാണ് ഞാന്‍ ഇറാഖിലെത്തിയെതെങ്കിലും എനിക്ക് ഒത്തിരി നല്ല അവസരം ഇവിടെ നിന്ന് ലഭിച്ചു (ഒരു കാര്യം നമ്മുടെ മുന്‍പില്‍ അവസരം ഒരു രൂപയുടെ രൂപത്തിലായിരിക്കും വരിക ഒരിക്കലും പുറം കാലുകൊണ്ടതിനെ തട്ടി മാറ്റരുത് ) ..കഴിഞ്ഞ അഞ്ചു വര്‍ഷത്തെ ഇറാഖ് വാസം കൊണ്ട് എന്റെ എല്ലാ കടങ്ങള്‍ വീട്ടി .. ബക്കിയുള്ള രണ്ടു സഹോദരിമാരേയും കെട്ടിച്ചു പിന്നെ സ്വകാര്യമായ എന്റെ ആഗ്രഹങ്ങളും സഫലീകരിച്ചു( എന്റെ വിവാഹവും ) .ഇനി എനിക്ക് പ്രവാസം മതിയാക്കാം അങ്ങനെ സുപ്രധാനമായ ആ തീരുമാനവും എടുത്തു 2009 ആഗസ്തോടെ നാട്ടീല്‍ സെറ്റില്‍ഡ് ചെയ്യാന്‍ (അതുവരെ വിസയുണ്ട് ) ഇനിയെന്റെ മൂന്നാം ഘട്ട ജീവിതം നാട്ടില്‍ തുടരണം അവിടേയും എനിക്കൊരു ലക്ഷ്യമുണ്ട് അതിനായുള്ള ശ്രമമായിരിക്കും ഇനിയങ്ങോട്ട് ..... ബ്ലോഗില്‍ നിറഞ്ഞ സജീവമായി തന്നെ ഉണ്ടാവുമെന്നാശിയ്ക്കുന്നു .

ആണവകരാര്‍ ഒപ്പു വെയ്ക്കുന്നതിനെതിരെ പ്രതിഷേധിയ്ക്കുന്നു.

2008-07-08T20:59:00.001-07:00

ഭാരത ജനതയുടെ വികാരം മനസ്സിലാക്കാതെ ആണവകരാറില്‍ ഒപ്പു വെയ്ക്കുന്ന യു.പി.എ.സര്‍ക്കാറിന്റെ നിരുത്തരവാദപരമായ നടപടിയില്‍ ഒരു ഭാരതീയനെന്ന നിലയില്‍ ശക്തമായി പ്രതിഷേധിയ്ക്കുന്നു .ഇടതുപക്ഷം കൈകൊണ്ട തീരുമാനം വളരെ സ്വാഗതാര്‍ഹമാണ് അതു വൈകിപോയോ എന്നു പോലും സംശയിക്കുന്നു. എന്തുകൊണ്ട് യു.പി.എ മീറ്റിംഗുകളില്‍ പോലും ആണവകരാറിന്റ് പൂര്‍ണ്ണരൂപം വെയ്ക്കുന്നില്ല, വളരെ വ്യക്തമായ രാജ്യദ്രോഹപരമായ കാര്യങ്ങള്‍ അതിലുണ്ടന്ന് ഏതൊരു ഭാരതീയനെ പോലും ഞാനും സംശയിക്കുന്നു.

കാവല്‍ക്കാരന്‍

2008-05-26T01:28:00.000-07:00

സുന്ദരനയ ആ ശവത്തിനവന്‍ കാവലിരിന്നു.
ചപ്പിയ മൂക്ക്, വീതിയുള്ള നെറ്റിത്തടം, നീണ്ട തലമുടികള്‍ നെറ്റിയുടെ ഇരുവശത്തേയ്ക്കും ചാഞ്ഞു കിടന്നു. പകുതിയടഞ്ഞ കണ്ണിമയ്ക്കുള്ളിലൂടെ ആരെയോ പരതുന്നത് പോലെ, കട്ടിയായി വരുന്ന മീശ ക്ലീന്‍ ചെയ്തിട്ട് ചില ദിവസങ്ങള്‍ക്ക് ശേഷമായിരിക്കണം അതിന്റെ വളര്‍ച്ച നിന്നത്.
എതയെത്ര ശവങ്ങള്‍ക്ക് അവന്‍ കാവല്‍ നിന്നിട്ടുണ്ട്, കുറുക്കനോ നായയോ കടിച്ചു വലിക്കാതിരിക്കാന്‍ അതവനൊരു ദൌത്യമായിരിന്നു. ശവങ്ങളോടവന്‍ സംസാരിക്കുമായിരുന്നു ആത്മഗതമെന്നോണം ശവങ്ങളുടെ ആഗ്രഹങ്ങള്‍ അവനറിയുമായിരുന്നു.
സുന്ദരനായ ശവത്തിനോടവന്‍ എന്താണ് വേണ്ടതെന്ന് ചോദിച്ചു. വേണ്ടതെന്ന് ചോദിച്ചാല്‍ നീലിച്ച കവിളുകള്‍ ചുരുങ്ങി ചുണ്ടുകള്‍ വീതിയേറ്റി ക്രിത്രിമമായി പുഞ്ചിരികാന്‍ ശ്രമിച്ചു.ആ പുഞ്ചിരിയില്‍ പോലും കാപട്യം ഒളിഞ്ഞിരിക്കുന്നത് കണ്ടെത്താനാവില്ല. ശവത്തിന്റെ ആഗ്രഹങ്ങള്‍ അവന്‍ നിര്‍വ്വഹിച്ചു കൊടുത്തു.ആത്മാര്‍ത്ഥതയുടെ സ്നേഹസമര്‍പ്പണം അര്‍പ്പിച്ചുവെങ്കിലും അതലാം കേവല നിമിഷങ്ങളുടെ യാഥാര്‍ത്ഥ്യങ്ങള്‍ മാത്രമായിരുന്നുവെന്ന് സുന്ദരനായായ ആ ശവം പറയാതെ പറഞ്ഞു, നന്ദിയില്ലാത്ത ശവം പിന്നേയും മുഖം തിരിച്ചു കിടന്നു. ശവം തന്റെ കൂട്ടിനായി മറ്റൊരു ശവത്തെ തേടുന്നതായി കാവല്‍കാരനായ അവന് തോന്നി.

കാലനക്കം കേട്ടാണവന്‍ പിന്തിരിഞ്ഞു നോക്കിയത്. ഒരാള്‍ ശവത്തെ സാകൂതം നോക്കി തന്റെ പിന്നില്‍ നില്‍ക്കുന്നു. ജീവിച്ചിരിക്കുമ്പോള്‍ ശവത്തിന്റെ ചങ്ങാതിയായിരുന്നുവെത്രെ അവന്‍, അയാള്‍ ശവത്തെ കുറിച്ചു പറഞ്ഞു തുടങ്ങി: ഏതൊരു സ്ത്രീയ്ക്കും കാമം ദ്യൊതിപ്പിയ്ക്കുന്ന പുരുഷ സൌന്ദര്യമുണ്ടായിരുന്നു, കായികമായി അഭ്യാസത്താല്‍ ശരീരത്തിനാകാരവടിവുണ്ടാക്കാന്‍ പ്രത്യേക ശ്രദ്ധ ചെലുത്തിയിരുന്നു, ആരെ കണ്ടാലും മനം മയക്കുന്ന ചിരി അതില്‍ കാപട്യം മാത്രമായിരുന്നു ഇതൊന്നും ആരും തിരിച്ചറിയുകയില്ല.ആ ചിരിയില്‍ ആത്മാര്‍ത്ഥത ദര്‍ശ്ശിക്കുന്നവര്‍ ആരുമവനെ സഹായിച്ചിരിന്നു, അവന്റെ അപഥസഞ്ചാരത്തില്‍ മനം നൊന്ത് അവന്റെ അച്ഛന്‍ കാലയവനികയ്ക്കുള്ളില്‍ മറഞ്ഞിരിന്നു, യൌവ്വനത്തിന്റെ ആരംഭത്തില്‍ തന്നെ നരച്ച രോമങ്ങള്‍ തലയിലേറ്റി ഒരു നിത്യരോഗിയായി ഇവന്റെ അമ്മ. മരണമറിയാതെ ആ സ്ത്രീ അവിടെ തനിയെ ഇവനെ കാത്തിരിക്കുന്നു.

ശവം കോപത്താല്‍ വിറയ്ക്കുന്നതായി അവന്റെ പൂര്‍വ്വ ചരിത്രം പറയുന്ന പഴയ ചങ്ങാതിയ്ക്ക് തോന്നി, പാതി തുറന്ന കണ്ണിമയ്ക്കുള്ളിലൂടെ കോപാഗ്നി സ്ഫുലിംഗങ്ങള്‍ തെറിച്ചു വീഴുന്നതായി തോന്നി. ഭയത്താല്‍ ചങ്ങാതി ഓടിയകന്നു.

സുന്ദരനായ ശവത്തിന്റെ കാത്തിരിപ്പിനൊടുവില്‍ അവന്റെ കൂട്ടായി മറ്റു രന്റു ശവങ്ങളും വന്നു, മീശയില്ലാത്ത ആ രണ്ടു ശവങ്ങളും ജീവിച്ചിരിന്നപ്പോള്‍ സുന്ദരനായ ശവത്തിന്റെ സ്വഭാവം പോലെ തന്നെയായിരുന്നു,സ്വാര്‍ത്ഥ താല്‍‌പര്യങ്ങള്‍ സംരക്ഷിക്കാന്‍ സ്വന്തമെന്നവരെ പോലും വഞ്ചിയ്ക്കാന്‍ മടിയ്ക്കാത്തവരായിരുന്നു.

മറ്റു രണ്ടു ശവങ്ങളും കൂടി വന്നപ്പോള്‍, സുന്ദരനായ ശവത്തിനൊത്തിരി സന്തോഷം, മൂന്ന് ശവങ്ങളും ജീ‍ര്‍ണ്ണിയ്ക്കാന്‍ തുടങ്ങി. സുന്ദര വദനങ്ങള്‍ ചീര്‍ത്തു,കണ്ണുകള്‍ പുറത്തേയ്ക്ക് തള്ളി വന്നു , ചുണ്ടുകള്‍ക്ക് തടിയേറി വന്നു, ചെവിയ്കള്‍ക്കുള്ളിലൂടെ ദുര്‍ഗന്ധം വമിയ്ക്കുന്ന ദ്രാവകം പുറത്തേയ്ക്കൊഴുകി, പരിസരമാകെ ദുര്‍ഗന്ധം വമിച്ചിട്ടും അവന്‍ കാവല്‍ തുടര്‍ന്നു

അപ്രസക്തമാവുന്ന ഇ.എം.എസ്. ചിന്തകളും വചനങ്ങളും, ഏ.കെ.ജിയുടെ ജീവിതവും

2008-05-10T03:22:00.000-07:00

ഇടതുപക്ഷ മനോഭാവക്കാരില്‍ എന്നും മൂല്യാധിഷ്ടിതമായ ചിന്തകള്‍ക്ക് വലിയ സ്ഥാനമുണ്ടായിരുന്നു. അവരുടെ ലളിതമായ ജീവിതരീതി അവരുടെ ഉത്തിഷ്ടമായ ചിന്തകളുടെ സമാഹരമാണ്. അതുകൊണ്ടു തന്നയാണ് ഇടതു മനോഭാവക്കാര്‍ രാഷ്ട്രീയമായി ചായ്‌വ് പുലര്‍ത്തിയത് കമ്മ്യൂണിസ്റ്റ് പാര്‍ട്ടികളോടായിരുന്നു. ഒരു കാലത്ത് കമ്മ്യൂണിസ്റ്റ് പാര്‍ട്ടികളുടെ ശക്തി എന്നാല്‍ പുരോഗമന ചിന്താഗതിക്കാരുടേയും സാഹിത്യ സാംസ്ക്കാരിക ഉന്നമനരുടേയും നിസീമമായ പിന്തുണ എന്നു തന്നെ പറയാം. കാലം കടന്നു പോകുന്നുന്തോറും കമ്മ്യൂണിസ്റ്റുകളില്‍ നഷ്ടമായി കൊണ്ടിരിന്ന മൂല്യാധിഷ്ടിത ചിന്തകളോടൊപ്പം അവരെ എക്കാലവും പിന്തുണച്ചിരുന്ന സാംസ്കാരിക നായകരും പിന്‍‌മാറി. ശേഷിച്ചവര്‍ പാര്‍ലിമെന്ററി ജനാതിപത്യത്തിന്റെ സുഖലോലുപത മാത്രം ഉന്നം വെച്ച് പാര്‍ട്ടിക്കുള്ളില്‍ കയറിപറ്റി. ജനസേവ എന്ന കമ്മ്യൂണിസ്റ്റുകളുടെ ചിന്താഗതി ഉദരസേവ എന്ന നിലയിലെത്തി .കണ്ണടച്ച് സ്വന്തം നാടിനെ പണയപ്പെടുത്തി കോടികള്‍ പാര്‍ട്ടിയുടേയും സ്വന്തവുമായ വളര്‍ച്ചയ്ക് ഉപയോഗപ്പെടുത്തി. സഖാവ് 1000 പറ്റുമ്പോള്‍ പാര്‍ട്ടിയ്ക്ക് 10,000 ഉണ്ടാക്കി പാര്‍ട്ടി എന്ന ചട്ടക്കൂട്ടിലെ മേലാളന്മാര്‍ അന്ധരും ബധിരരും മൂകരുമായി തീര്‍ന്നു. പര്‍ട്ടിയ്ക്കു മുകളില്‍ സഞ്ചരിക്കുന്ന കമ്മ്യൂണിസ്റ്റുകളേയും നമ്മുക്ക് കാണാന്‍ കഴിഞ്ഞു. അങ്ങനെയുള്ള അവതാരങ്ങളാണ് ഇന്ന് സി.പി.എമ്മിന്റെ അമരത്തിരിക്കുന്നവരും അതിന് ചുറ്റുമുള്ളവരും.
ഇന്ന് അതിശക്തരായ പാര്‍ട്ടികളിലൊന്നാണ് സി.പി.എം. അതിനേക്കാള്‍ ശക്തരായ (ജനകീയമായ ശക്തിയല്ല മറിച്ച് ഗുണ്ടായിസം കൊണ്ടും കയ്യൂക്കും ധനപരമായുമുള്ള കരുത്ത്) നേതാക്കളും. കോടിയേരിയുടെ മകന്റെ വിവാഹം തികച്ചും സ്വകാര്യമായ ഒന്നായിരിക്കാം പക്ഷെ ഇവിടെ ഒരു ജനതയ്ക്ക് പ്രതികരിക്കാനുള്ള അവസരമുണ്ട് കാരണം ലക്ഷകണക്കന് പാവങ്ങള്‍ തന്റെ സ്വന്തമെന്ന് കരുതി തന്റെ തന്നെ വിലപ്പെട്ട സമയം തനിക്കല്ലാതെ പാര്‍ട്ടിയ്ക്കുവേണ്ടി ബലികൊടുത്തുണ്ടായ ഒരു പ്രസ്ഥാനത്തിന്റെ പിന്‍‌ബലത്തില്‍ മന്ത്രിയായതുകൊണ്ടും മറ്റും ലഭിച്ച സൌകര്യങ്ങള്‍ ഉപയോഗിച്ച് നടത്തിയ വിവാഹ മാമാങ്കം തികച്ചും ലജ്ജാവഹം എന്നല്ലാതെ മറ്റെന്താ പറയുക. ഇവിടെ മറ്റൊരു പ്രത്യേകത മതപരമായല്ല വിവാഹം കമ്മ്യൂണിസ്റ്റ് ചിന്തകള്‍കകനുസരിച്ചുള്ള മാലയിടല്‍ ചടങ്ങ് (ഇസ്ലാമത വിശ്വാസികള്‍ പേരിന് 10 പവന്‍ മഹര്‍ നല്‍കും, 100 പവന്‍ തിരികെ വാങ്ങിയ്ക്കുകയും ചെയ്യും അതുപോലെയായി ഇതും) കമ്മ്യൂണിസത്തിന്റെ പേരില്‍ കാട്ടിക്കൂട്ടിയ ഈ ബൂര്‍ഷ്വാപാര്‍ട്ടിയുടെ പ്രവര്‍ത്തികളെ പ്രതിഷേധിക്കേണ്ടിയിരിക്കുന്നു.

സ്വന്തം ജീവിതം കൊണ്ട് രജതരേഖ രചിച്ച ഏ.കെ.ജി. ഇ.എം.എസ് എന്നിവരുടെ ബലികൂടത്തിനരികെ പോലും അര്‍ഹതയില്ലാതായിരിക്കുന്നും എന്തിനുമേതിനും പ്രതികരിക്കുന്ന സ:അചുതാന്തനും പീണറായി സഖാവും (പാര്‍ട്ടിയെ ഇലാതായ്കാന്‍ ജനിച്ച അവതാരമെന്ന് വിശേഷിപ്പിയ്ക്കാം

ഇന്നന്റെ ജന്മദിനം നാളെ വിവാഹ വാര്‍ഷികവും

2008-03-15T22:59:00.000-07:00

ഇന്നെന്റെ ജന്മദിനമാണ് എത്രാമത്തെ എന്നു ചോദിച്ചാല്‍ കൈപ്പള്ളിയോടടുക്കും എനിക്ക് സമാനരായി അഗ്രജനും, തമനുവും,ബയാനും തറവാടിയുമെല്ലാം ഉണ്ട് .. ശരീരത്തിന്റെ പ്രായത്തേക്കാള്‍ മനസ്സിന്റെ പ്രായമാണ് പ്രധാനം എന്നു കരുതുന്ന ഒരുവനാണ് ഞാന്‍ . ജന്മദിനം നാലാളെ വിളിച്ച് ആഘോഷിക്കേണ്ട ഒന്നല്ല അതൊരു ഓര്‍മ്മപ്പെടുത്തലാണ്,
ഇത്രയും കാലത്തെ ജീവിതത്തെ ഞാന്‍ എങ്ങനെ കാണുന്നു.. ഞാന്‍ എന്തല്ലാം നേടി എന്നൊന്നു വിലയിരുത്തട്ടെ.
എന്റെ കഴിഞ്ഞ കാല ജീവിതം തികച്ചും പൂര്‍ണ്ണ സന്തോഷകരമായിരുന്നു, പൂര്‍ണ്ണ സംതൃപ്തിയും നല്‍കുന്നു ഒരുപക്ഷെ ഒത്തിരി ബ്ലോഗേര്‍സ്സിനും മറ്റു ചങ്ങാതിമാര്‍ക്കും ലഭിയ്ക്കാതത്ര രസകരമായ ജീവിതമാണെനിക്ക് ലഭിച്ചത്.മറ്റുള്ളവരെ അപേക്ഷിച്ച് കുറവാണെങ്കിലും ഒഴുക്കിനെതിരെ നീന്തി ലഭിച്ച വിദ്യാഭ്യാസവും അതിനെ അടിസ്ഥാനമാക്കി ലഭിച്ച അനുഭവ സമ്പത്തും ഒത്തിരി ഒത്തിരി തിക്താനുഭവങ്ങളും എന്റെ ജീവിതത്തിന്റെ മാറ്റ് കൂട്ടുന്നു. പറയത്തക്ക വലിയ വിദ്യാഭ്യാസമൊന്നും എനിക്കില്ല എന്നാല്‍ 16മത്തെ വയസ്സുമുതലുള്ള യാത്ര (ബോംബെ) ഇപ്പോഴും തുടരുന്നു ഇതിനിടയില്‍ ഞാന്‍ എന്തല്ലാം ജോലി ചെയ്തു .... പഠിയ്ക്കുന്ന അവസരത്തില്‍ കാലത്ത് എന്റെ സ്വന്തം ചിലവാനായ് പത്രവിതരണം- മലയാള മനോരമ, മാതൃഭൂമി, ജനയുഗം- പിന്നെ ആന്റിന ഫിറ്റിംഗ്സ് ഇവയില്‍ നിന്നല്ലാം കിട്ടുന്ന വരുമാനം എന്റെ വിദ്യാഭ്യാസത്തിനും കൊച്ചു കൊച്ചു ആഗ്രഹങ്ങള്‍ക്കും തണലേകി. ഇതിനിടെ ഇങ്ങനെ ലഭിച്ച വരുമാനം കൊണ്ട് ഒരല്പസ്വല്പം കമ്പ്യൂട്ടര്‍ ജ്ഞാനം പിന്നെ ഹോട്ടല്‍ മനേജ്മെന്റ് പഠനം ലക്ഷ്യം ഗള്‍ഫായിരുന്നു, എന്തെങ്കിലും ക്കൈ തൊഴില്‍ അറിയണമെന്നത് ജീവിത്തിന് ആയാസകരമായി മുന്നോട്ട് നയിക്കാനാവും എന്ന ചിന്ത.എനിക്കാരും നല്ല ഉപദേശം തന്നില്ല.. വിദ്യാഭ്യാസത്തിന് സഹായിച്ചില്ല എന്നൊന്നും ഞാന്‍ പരാതിപ്പെട്ടിട്ടില്ല കാരണം കുഞ്ഞുനാളിലെ ലഭിച്ച നല്ല അനുഭവങ്ങള്‍ പരിഭവങ്ങളെ എന്റെ സുഹൃത്തല്ലാതാക്കിയിട്ടുണ്ട്.
1995 ഏപ്രില്‍ 7 ന് ഞാന്‍ കുവൈറ്റിലെത്തി,
അറബി വീട്ടിലൊരു സാദാ വേലക്കാരന്‍, ജോലി രാത്രിയായിരുന്നു. ദിവാനിയായില്‍ വരുന്ന അതിഥികള്‍ക്ക് ചായയും ഗഹ്‌വ (കോഫി)യും കൊടുയ്ക്കുക, പുലര്‍ച്ച വരെ ചീട്ടുകളിച്ചു കൊണ്ടിരിക്കുന്ന അറബികള്‍ക്ക് ആവശ്യാനുസരണം ചായ ഗഹ്‌വ എന്നിവ നല്‍കുക. തുടങ്ങിയ ജോലി ഒരു വര്‍ഷത്തോളം. ഈയൊരു ജോലിയില്‍ നിന്ന് എനിക്ക് ലഭിച്ച അനുഭവം പറഞ്ഞറീയ്ക്കാനാവാത്തതാണ്, ഒരു വര്‍ഷത്തെ എന്റെയീ ജീവിതം ഒത്തിരി വലിയ പാഠം പഠിപ്പിച്ചു.. അടിമത്ത്വം എത്ര ഭയാനകമാണന്ന തിരിച്ചറിവ്.അസഹനീയമായ ആ ജിവിതം ഒരുവര്‍ഷമേ നീണ്ടു നിന്നൊള്ളൂ ... പിന്നീടങ്ങോട്ട് ഇതുവരെ ... ഇത്രയും കാലത്തിനുള്ളില്‍ എന്തല്ലാം ജോലികള്‍ .. ഹോട്ടലില്‍ പാത്രം കഴുകുന്നവന്‍,അസി: പാചകക്കാരന്‍, പ്രധാന പാചകക്കാരന്‍, പച്ചക്കറി വണ്ടിയില്‍ സാധനങ്ങള്‍ എത്തിച്ചു കൊടുക്കുന്നവന്‍, ചാവി ഉണ്ടാക്കുന്നവന്‍, ചെരുപ്പു കടയില്‍ സെയില്‍‌സ് മാന്‍, സ്റ്റാര്‍ റസ്റ്റോറന്റില്‍ വെയിറ്റര്‍,മീന്‍ വില്‍‌പനക്കാരന്‍, ലാണ്ടറിമാന്‍, റിഗ് ബോയ് (പെട്രോളിയം റിഗ്), ഡക്കറേഷന്‍ കമ്പനിയിലെ ലേബര്‍ (ഏറ്റവും കഠിനമായ ജോലിയായിരുന്നു അത്) .... സദ്ദാമിന്റെ പതനത്തോടെ 2003 ല്‍ ഇറാഖിലേക്ക് ഒരു ലേബറുടെ വേക്കന്‍സിയിലാണന്ന് എത്തിയതെങ്കിലും ടൂള്‍ റൂം മാന്‍, ഡോക്കുമെന്റ് കണ്ട്രോള്‍ സ്പെഷലിസ്റ്റ്, ലാണ്ടറി അഡ്മിന്‍ , ഏ.സി ഡിപ്പാര്‍ട്ട്മെന്റ് അഡ്മിനില്‍ എത്തി നില്‍ക്കുന്നു. വിവിധ മേഖലകളില്‍, വ്യത്യസ്ഥ രാജ്യക്കാരുമായി ഒരുമിച്ച് ജോലി ചെയ്തു ഒത്തിരി ഭാഷകള്‍ എന്നിവയായിരുന്നു ധനത്തേക്കാളേറെ എനിക്ക് ലഭിച്ച സമ്പാദ്യം.ഒത്തിരി നല്ല ചങ്ങാത്തവും.. രണ്ടു വര്‍ഷം മുന്‍പാണ് ഞാന്‍ ബ്ലോഗില്‍ എത്തുന്നത് യാദൃശ്ചികമായാണ് ഞാനിവിടെ എത്തുന്നത് .... ഒരു ബ്ലോഗുണ്ടാക്കി ബ്ലോഗിനെ കുറിച്ച് യാതൊരു കേട്ടറിവും ഇല്ലാതെ ... അന്നൊരു പുതിയ ബ്ലോഗ് വന്നാലുടന്‍ സഹായത്തിനായി ഒത്തിരി പേര്‍ രംഗത്ത് വരും അങ്ങനെ വന്ന പലരില്‍ ഒരാളായ ഇന്ന് അമേരിക്കയില്‍ ജോലിചെയ്യുന്ന ശ്രീജിത്താണ് ബ്ലോഗിംഗിന്റെ എല്ലാ ഏ.ബി.സി.ഡിയും പഠിപ്പിച്ച് തന്നത്.. നന്ദി ശ്രീജിത്ത്.
2006 ഇതേ ഒരു ദിവസം(മാര്‍ച്ച് 16) ഉച്ചയ്ക്ക് രണ്ടു മണിയ്ക്ക് കുവൈറ്റില്‍ നിന്ന് നാട്ടിലെത്തി അന്നു വൈകുന്നേരം വീട്ടുക്കാര്‍ കണ്ടുവെച്ച പെണ്ണിനെ കണ്ടു ..അവളെ കണ്ടപ്പോഴാണ് എന്റെ മനസ്സില്‍ പണ്ട് ഞാന്‍ മോഹിച്ച പെണ്ണായിരുന്നു അവളെന്ന് മനസ്സിലായത്. പിന്നെ ഇഷ്ടക്കേടിന്റെ ഒരാവശ്യം ഇല്ലല്ലോ .. ഒത്തിരി കാര്യങ്ങള്‍ വന്നിട്ടും ഒന്നും ശരിയാവാതെ എനിക്കായ് കാത്തിരിക്കുന്നത് പോലെ തന്നെയായിരുന്നു അവളുടേയും കാര്യം. എന്റെ വിവാഹത്തിലുമുണ്ട് എന്റെയൊരു ടച്ച് ... അവളെ കണ്ടു എന്റെ കാര്യമങ്ങ് തുറന്ന് പറഞ്ഞു എന്‍െ കൂടെ ജീവിയ്ക്കാന്‍ തയ്യാറുണ്ടോന്ന് ചോദിച്ചു .. സമ്മതം എന്നു മൂളിയ ഉടനെ അപ്പോ തന്നെ ഞാനങ്ങട് കല്യാണം നിശ്ചയിച്ചു .. എന്നാ നാളെ നമ്മടെ കല്യാണം എന്താ.. സമ്മതമല്ലേ .. ഒരു ചായ പോലും എന്റെ വീട്ടില്‍ സ്പെഷലായി ഉണ്ടാക്കാതെ ഒരൊറ്റ ബന്ധു പോലും ക്ഷണിക്കാതെ എന്റെ വിവാഹം നടന്നു 2006 മാര്‍ച്ച് 17 ന് ... (ബന്ധുക്കളുടേയും അയല്‍‌വാസികളുടെ പൂര്‍ണ്ണ സമ്മതം വാങ്ങിച്ചിട്ടുണ്ടായിരുന്നു ട്ടോ) തീര്‍ത്തും സ്ത്രീധന രഹിതവും ആര്‍ഭാരഹിതവും ലളിതവും (ഇതിനേക്കാള്‍ ലളിതം മറ്റെന്താ അല്ലേ.. മറ്റൊരു രസം .. എന്നും കാലത്ത് കട തുറയ്ക്കുന്ന ബാപ്പ .. അന്നും പതിവ് പോലെ കട തുറയ്ക്കാന്‍ പോകുകയായിരുന്നു.. അപ്പോള്‍ ഉമ്മ.." അല്ലാന്ന്.. ഇങ്ങളെവിടെ പോവാ? ".. "ഞാന്‍ കട തുറയ്ക്കാന്‍" ... അതിപ്പം നല്ല ചേലായി.ഇന്നിങ്ങളെ മൂത്ത മോന്റെ കല്യാണമാണ് " .. അന്തവിട്ട ബാപ്പ അവിടെ കുത്തിരിന്നു .. ) ആയ എന്റെ വിവാഹം കഴിഞ്ഞ് 9 മാസവും അഞ്ചു മിനിറ്റും കഴിഞ്ഞപ്പോള്‍ (2006 ഡിസംബര്‍ 17 ന് രാത്രി 12.5 അതായത് 18.ന് ആറു മിനിറ്റായപ്പോ ഞങ്ങള്‍ക്കൊരു മകള്‍ ജനിച്ചു അങ്ങനെ ഞാനൊരു തന്തയായി .. ബ്ലോഗില്‍ ഞാനെന്റെ മകള്‍ക്ക് പേരന്വേഷിച്ചു . ഒരു മലയാളിത്വമുള്ള പേരാണ് ഞാന്‍ ആവശ്യപ്പെട്ടത് ഒത്തിരി പേര്‍ പേര് നിര്‍ദ്ദേശിച്ചു .. ഞാനൊരു മുസ്ലിം സമുദായംഗമായതിനാല്‍ ഇസ്ലാമിക ചുവയുള്ള പേരായിരുന്നു നിര്‍ദ്ദേശിച്ചത് തികച്ചും വ്യത്യസ്ഥമായി ഇബ്രു നിര്‍ദ്ദേശിച്ച പേരാണ് "സ്നേഹ" .. സാധാരണ മക്കളുടെ പേരിനൊപ്പം അച്ചന്റെ പേരാണ് ഇടുക ഇവിടേയും ഞാ‍നത് തിരുത്തി .. 9 മാസം വയറ്റില്‍ കാലോ വളരുന്നത് കൈയ്യോ വളരുന്നത് എന്ന് സ്വപ്നം കണ്ട് .. സൂക്ഷിച്ച് ഒത്തിരി വേദനകളും യാതനകളും സഹിച്ച് പ്രസവിച്ചതിന് ശേഷം മക്കളുടെ അവകാശി അച്ചന്‍ മാത്രം പിന്നെ ഒരു ഉറപ്പിനാണ് ഈ അച്ഛന്റെ പേരിടല്‍ കൊണ്ടുദ്ദേശിക്കുന്നത് എനിക്കുറപ്പാണ് അതെന്റെ മകളാണന്ന് അതുകൊണ്ട് എന്റെ മകളുടെ പേരിനൊപ്പം സലീന എന്ന എന്റെ ഭാര്യയുടെ പേര്‍ അല്പം പരിഷ്ക്കരിച്ച് എന്റെ മകള്‍ക്ക് "സ്നേഹ സെലിന്‍" എന്നാക്കി .... നാളെ ഞങ്ങളുടെ രണ്ടാം വിവാഹ വാര്‍ഷികവുമാണ്